麥當勞 (已結業)

麥當勞出新包，都要食一次試下！去到買外賣，唔多人！我同店員講要「蜜糖芥末雞堡」轉飲品去做「藍天新地樂」！我聽同事講個藍色甜水+雪碧，同事話藍色水好甜（按一下），我怕太甜，所以要求店員只按半下，佢面有難色（因為電腦落單，落唔到按半下，執食物嘅店員又唔明，所以最後佢決定由自己幫我去斟汽水！另外我要求即刻飲，唔使包！因為唔想雪榚溶晒！最後店員斟完都照包外賣！不過佢好好禮貌，所以我唔計較！店員都好爽手，好快執好我個餐，我上車坐定即刻飲一啖，藍色甜水味道好假，藥水味，飲唔出雪碧味，好在只按了半下份量，雪榚好滑！正常！不如雪榚配雪碧仲好！加色仲畫蛇添足！ 返到屋企，打開個包裝袋，見個盒好特別，好貼超人主題，先打開個芝士薯波，唔點茄汁淨食一個，芝士味濃但無薯味，薯波外面唔係淋咗好多！香口但普通！食薯條好過！個包比參考圖片細好多，攞起手已覺得個包好乾，咬一啖就更大件事，雞扒乾，又厚又嚡，個蜜糖芥末醬係苦嘅，唔甜又唔辣，係燶味，我仲特登檢查下個麵包內層，有烘過但唔燶，即係個燶味係由個醬度出事！唯一正常嘅係生菜，好爽脆！可惜浪費了我一個quota!