Table 18 Bar & Restaurant (已結業)

今次一家來到apm試下評分幾高的西餐食食。我們六點鐘到，無咩客比較多位，七點半要交枱。（七點離開已經差不多滿座）先上個小食拼盤，雞翼味淡，但魷魚圈和蝴蝶蝦和薯條雖然一樣味淡但脆口補救。好耐無食過酥皮湯，這酥皮比較薄，唔會太飽肚，龍蝦味濃，蝦肉爽，唔錯。芝士腸幾好食，底下有有點脆的薯餅，無酸菜就有點失望。多醬汁味重，但過熟，肉質已乾。最後上枱的肉眼，叫了五成熟，但切開睇是七八成熟了，而且根多，一樣失望。五個人全肉類，所以十分飽。八百幾唔算太貴，但食物質素同味道就十分失望，好食的是薯條，沙律，醬汁等配菜，一樣是妹仔大過主人婆。上菜快，環境好，如果食物可以改善下就完美。

逢星期五APM人頭湧湧，難得呢間等咗15分鐘就有位！呢間餐廳座位比較寬闊，坐得舒服！由於太肚餓嘅關係，連麵包條都唔放過！安格斯牛柳粒伴香草醬意大利粉值得推薦！最鐘意熱辣辣的意粉！香草醬味道唔錯，唔乾唔濕啱啱好，唔會整到意粉一舊舊！呢個牛柳粒係驚喜！無諗過係扒房質素！肉質鮮嫩，一啲都唔韌！仲非常juicy! 真係好抵食！芝士豬肉蛇餅腸香腸非常juicy,有啖啖黑椒味，再配上脆脆、芥末醬及薯餅，口感豐富！如果芝士味再濃少少就更好！薯條最愛食粗薯條！熱辣辣即叫即整，食落表面脆脆的！無諗過份量超多！兩個人一定食唔晒！如果果一刻有埋黑松露醬咁就perfect喇！每次嚟呢間所點嘅野食都無令我失望！建議可以4個人食，咁就可以試多啲！

今日放工同飯伴去左APM,本身想食日本野,不過因為要等位所以放棄了,最後去左同一個集團的Table18,好好彩我地去到果陣唔駛等位就即刻可以入坐~店內環境都唔錯, 梳發位都幾寬闊幾舒服~坐低左就有職員送上2杯水同2條｢麵包棒｣, 不過我地兩個都唔太中意食, 因為覺得佢太乾身同太硬身...小食我地叫左芝士豬肉蛇餅腸, 話到明｢蛇餅腸｣, 佢係一條過嘅, 豬肉腸都幾好味, 入面都有少少芝士溶溶地咁, 不過個芝士味就唔係太突出。之後黎到嘅係帶子蝦pizze, 呢個我就覺得麻麻地, 因為我拎左幾次一slice pizza佢都餅底同toppings完全分離=_=", 所以食得有D麻煩同埋好似夾唔埋一齊食咁...不過呢, 佢每個slice都有一隻帶子, 份量都幾足料嘅~最後出場嘅係德國咸豬手, 隻豬手黎到嘅時候會有侍應幫手先切開方便食用, 配上芥末及磨菇醬, 豬手我覺得個烤的時間剛好, 內裡的豬手肉夠熱又夠｢淋｣, 味道不錯, 而我最中意的豬手皮部分也夠香脆可口, 不過有少部分的豬手皮比較厚, 變相有點難咬~ 不過average都很不錯!另外配菜都有好多, 有栗米, 脆肉瓜, 甘荀, 仲有一小兜嘅