越男仔 (已搬遷)

跟友人到旺角買完東西，順便找點吃的，廣華街這邊美食不少，就決定去試試這間越南餐廳。先來小吃海膽肥牛：兩者也是我喜愛的，這間餐廳不少東西也加了海膽，完全合我胃口！再來芝士軟瞉蟹焗蒜蓉包：有少許辣；蒜蓉包香口帶點脆；蟹肉大件而好味！沒令我失望！主食點了一個，三文魚蓉拼海膽蝦餅扎肉撈金邊粉：海膽味道很好，開始時還怕會不好吃ＸＤ；三文魚也很香，蓉類也很合我口味；還有蝦餅扎肉，一次滿足多個願望，真的很讚！還有一些調味料可自行調味呢～冰的份量是很重要的，尤其吃有點辣的東西時！喜歡喝咖啡的，不用說，冰滴咖啡是必飲的～每一樣味道也很好，有點出乎意料，價錢亦可以，ＣＰ值確實高，絕對值得一試！…查看更多

星期六去陪朋友去了旺角軍事商場買war game用品，之後過了隔離街食越南粉。下午茶時間都幾多人，但這裏無下午菜，不會點主菜可以特價加小食及飲品。雙檸紅茶及香茅薑蜜：檸茶就飲得多，但青檸加黃檸都是第一次飲，有青檸的清香同時有黃檸的酸味，非常解渴；香茅及薑味突出，而且不太甜。越式蝦餅：蝦餅細細件，但食得出蝦膠是新鮮蝦肉打成，非常彈牙。芝士軟殼蟹焗蒜蓉包：一大隻軟殼蟹舖在蒜蓉包表面，還蓋上一大片半溶芝士，軟殼蟹不算油膩，蒜蓉包焗得鬆脆，而且有三大片，非常飽肚。越式火車頭湯金邊粉：有牛柏葉、牛丸、生牛肉及牛筋等配料，金邊粉爽滑，因為是牛骨湯底，味道較清。…查看更多

今日放早，起旺角行完街就同男友黎搵呢個越男仔。我地好少食越南野，呢度最吸引我係有個椰汁湯底既檬粉，因為我真係超鍾意食椰汁野。✨呢度環境小小，只有左右兩張長枱排排坐，牆上面貼滿ig 既post，原來仲有電視節目介紹過。餐廳位置雖然有d隔汲，但係好快都坐滿客仔。✨佢有好多小食都幾吸引，我地決定叫一碗粉，再搭多幾款皇牌野試試。✨本身想飲椰汁特飲果d既，但menu 唔見有～準備食毒野最後叫番杯咸檸七✨海膽手撕雞檬紙卷：呢個配搭好新鮮，見到堆海膽已經口水流。海膽上面搽左d 蜜糖，感覺特別香甜軟滑，加上蔥花同埋炸蒜就更加香口～～✨米紙厚薄適中，加埋手撕雞好好味。平時食米紙卷，總係會覺得有d寡寡地， 但呢個成個味道係非常豐富👍✨冰鎮蜜糖凍蕃茄：賣相好可愛，蕃茄上面有好多柚子蜜，本身諗緊會唔會甜到喊。 不過切開個蕃茄超爆汁，味道唔太甜唔太酸食落啱啱好又幾好味，感覺好清新同埋透心涼～～～貴得黎係有驚喜👏👏👏✨芝士蝦多士： 其實我本身都唔係好食得熱氣野，呢d 毒物多數係男友叫，但呢個食左一啖真係番唔到轉頭😝實在太好食！✨多士好薄身但做到好鬆脆，夾住滿滿既蝦肉好彈牙😍～～仲有我最愛既流心芝士，～加埋芝麻實在非常香口，必食👍✨生蠔椰汁酸湯湯檬粉（$108)： 期待以久～～個湯幾香椰汁味，酸酸地好似飲緊泰式椰汁雞湯既感覺。如果椰汁可以再重d, 酸味輕輕減d 應該更加正。 個檬粉好爽口，搭埋洋蔥，蒜片同湯食好好味ar~~😍✨生蠔有三隻都幾新鮮，食落好鮮味多汁。價錢有d 貴，如果可以搭多d 配料會開心d~~而家唔係好夠喉😭。✨芝士軟殼蟹焗蒜蓉包：好少食軟殼蟹係咁肥美咁好肉地，食落唔會太乾身仲鎖住肉汁～芝士可以再多d就更加好✨蒜蓉包外脆內軟，蒜味好濃仲有少少辣辣地，真係超級邪惡又好惹味呢度樣樣野食都幾滿意，唯一係環境比較細，人手唔係好夠，所以落單執野都要耐心等下。…查看更多