富士山55 (拉麵沾麵專門店)

營業中

休息中

自從上次食過櫻花蝦拉麵之後就好想再黎，因為好想試下沾麵同芝士雜炊。今次叫左個豚骨沾麵，湯底濃郁，一D都唔油膩，邊食邊用旁邊0既爐加熱，唔會因為湯底凍左而"琼"左。叉燒少少肥，咬落去有少少油脂，好味......但令人有少少罪疚感。麵身較硬，不過用沾一沾湯又剛剛好。最期待就係食完沾麵後，湯底加入飯&芝士, 飯粒吸收湯底，食落去簡直不得了，好香好濃好好味。其實食完碗沾麵已經飽左，但芝士飯真係irresistible ! 富士山55, 真係每次食完都會掛住！

今日同朋友去尖沙咀行街,諗起之前係銅鑼灣食過呢間分店,又知道尖沙咀有間,所以介紹我朋友同我一齊去食。反正都有一斷時間冇食過沾麵,好掛住沾麵同芝士飯嘅一流配搭! 今次食新出嘅北海道松葉蟹沾麵,個沾麵湯汁蟹味突出,沾麵煙韌又唔硬,同埋蟹已經剝左殼,食落好方便,蟹肉鮮甜,蟹肉份量算多,真係好豐富!食完個沾麵,剩左嘅湯撈芝士飯,簡直係絕配!煙煙韌韌嘅芝士口感,芝士味道突出,又唔膩,不過食完沾麵再加飯對女仔黎講確實好飽。可以看到廚房衛生環境,一邊食一邊睇住師傅精心烹調美食,感覺好親切,同日本拉麵店一樣充滿住日本風味!

今日接男朋友收工食晚飯, 去左食經過左好多次都無入過去既拉麵店!去到等左5分鐘就有位, 平時見到排晒長龍, 今日真係好彩 =)黎到呢度當然要試試佢個沾麵啦! 咁我地就叫左一個拉麵一個沾麵啦!櫻花蝦拉麵個麵一黎到其實我有d嚇親, 我從來未見過有咁多櫻花蝦既拉麵!!! 個湯好濃, 好香! 櫻花蝦拉麵的麵條是幼麵, 麵質爽口!豚骨湯沾麵個湯好濃, 但比櫻花蝦拉麵個湯淡少少, 呢間名古屋拉麵店, 保持傳統味道, 所以湯底都比較濃味! 店裡貼有告示, 如果覺得個湯太濃可要求服務員加湯自製鰹魚清湯! 沾麵的麵條是粗麵, 麵質彈牙, 跟拉麵的麵條不同, 個人覺得粗身麵條比較適合沾麵, 因為能夠掛多點湯汁在麵上!最後因朋友推介, 所以我們叫了一客芝士飯試試! (其實兩碗麵份量都很大, 所以我們已經飽飽地~)芝士飯有電磁爐加熱, 每啖都有淡淡芝士味! 而且是用沾麵剩餘的湯底加上芝士煮的, 口感有點像risotto!總括而言, 味道很好, 性價比高, 會再幫襯!

最近既一蘭拉麵帶起左一股拉麵風潮，但其實香港本身就有好多水準一流既拉麵店，雖然係五月個陣食，但依然想推介一下呢間Fujiyama55！先黎個煎餃子，非常簡單既小食，但做到脆邊，多肉汁，最緊要係夠熱！非常有heart！呢度既沾麵比較有名，友人叫左個櫻蝦沾麵。見顏色有d似蝦米仔，用麵輕輕一沾，櫻蝦馬上掛上麵條，好有口感。佢有一個小型電磁爐可以加熱，貼心。招牌之一，芝士飯，用你食剩既沾麵湯撈白飯加芝士，其貌不揚，但味道不錯(芝士味略淡，但湯底味夠濃了)。建議兩個人share一份，因為幾飽肚。柚子拉麵，呢個應該係上一季既期間限定，係絕對，絕對，絕對大既驚喜。柚子粒同湯底超絕配！柚子既果香中和左湯既濃味，風味非常出色，我係好少可以食完一餐都唔駛飲野。我成碗係一滴不剩連湯連麵KO晒！