焱丸水產 (已結業)

〈焱丸水產〉一直都係〈本兔〉首屈一指，最愛嘅開飯熱選之一原因好簡單，除咗食物質素夠高，夠新鮮之餘，價錢又夠抵當然佢哋嘅設計咁富日式風格都係本兔咁喜愛依間餐廳既其中一個原因。〈焱丸海鮮沙律〉夏日炎炎，先來個清爽嘅沙律唞一唞暑新鮮非常嘅沙律菜清新又爽脆，加上多款新鮮嘅刺身例如三文魚，吞拿魚，油甘魚等等我最愛嘅刺身粒粒，配埋酸酸地嘅清新醬汁一齊食，為今晚嘅美食展開序幕。〈原條池魚刺身〉所謂不時不吃，嚟到主打活水產嘅〈焱丸〉當然要睇下當日有乜新鮮推介之選！！原條新鮮池魚成條上都只係$188，仲可以兩食，真係超抵。特厚切嘅池魚油脂非常厚，入口質感爽脆，透着淡淡的鮮甜，再配以特製的姜蔥醬油，鮮味更見突出。〈焱丸號壽司〉餡料滿到絕對要用〈澎湃〉來形容的壽司鮮甜甘味嘅海膽一直系本兔嘅最愛，再加埋魚味濃郁嘅吞拿魚和伴有沙律醬嘅鮮帶子和蟹柳條滿滿的舖在壽司上，好豪華喔〈蟹味噌甲羅燒〉來到〈焱丸〉，必定必定必定要點〈蟹味噌甲羅燒〉！！因為真係實在太好食，每次食完都回味無窮，成日都心思思想返來食。〈甲羅燒〉的做法非常簡單，就是專人會在你面前把盛有滿滿蟹膏，蟹籽和鵪鶉蛋等材料的蟹蓋放在爐上磯燒。不消一刻就熱辣

今晚又約左朋友去日式居酒屋大快朵頤, 揀喺銅鑼灣可以方便到大家主要做磯燒海鮮既焱丸水產, 門面都好日式架上面塊布既可以裝飾舖頭, 又可以擋到冷氣, 一舉兩得呀👍👍左口魚刺身 - $158一坐低就當然要食番個鮮魚刺身先啦, 有咁多片既左口魚都只係$158咋, 塊塊都切得薄之餘厚度都算平均, 而且感覺好新鮮鹽檸檬燒酎 - $48有正野食點少得飲番杯野丫, 見到drink list 有燒酎, 有多款生果味架, 見到有鹽檸檬好似幾新鮮咁, 咸中帶點酸, 好易入口👍赤貝 - $68繼續食刺身, 即開赤貝, 肉質鮮甜又爽👍焱丸號壽司 - $158就咁睇真係睇唔出係壽司黎😂刺身大到已經覆蓋晒件壽司飯, 海膽完全冇腥臭味👍吞拿魚蓉同樣出色👍炸蓮藕片 - $35炸得非常香脆, 口感似薯片, 送酒一流👍烏賊磯燒 - $75食完生冷野係時候食磯燒喇, 職員會細心地反覆燒幾次, 中途會加入醬汁等佢入味d 同埋唔會乾爭爭👍最後幫你剪好埋上碟🤤芝士魚蛋 - $35估唔到呢款芝士魚蛋又幾抵食喎, 燒溶左裡面既芝士, 變左熱辣辣既流心芝士👍香噴噴又惹味😋

今日係同老公食生日飯，早兩星期前就預約了，老公說想一試這一間餐廳，位置正正在鵝頸橋附近，都算易揾，門面裝修都幾好，好有日本出海感覺，入到去，好多日式裝飾，都好有心思，好似坐左係間玩具舖入面咁，舖面位置唔多，我大概6:30到，位置都差不多快滿。呢度店員服務也不錯，會介紹有咩好食，而且都會定期加茶，這很重要啊！我地先叫左個刺身拼盤，說真的，這個刺身拼盤真的好一盤，鮮味係有，但感覺好膩，叫做好食少少算係海膽，可能我個人本身比較喜歡，後來叫了一碟烏賊🦑刺身，啊！好咸⋯⋯⋯仲有個刺身嘅沙拉，反而佢係出奇地好味！另外我地仲叫左燒物，燒鮑魚，蟹蓋，帶子，蜆，鮑魚都不錯，幾爽口，蟹蓋睇食評都話好食，但我覺得太咸，不怎麼樣，似係一堆好咸煮熱左嘅蟹膏，因為其實佢入面加左奄春蛋，我真係唔覺得係必食。除此之外，燒魚蛋我都叫左，因為想食下熱野，我諗最好食其實係呢樣之後我地再食個牛肉鍋，同平時個啲無乜分別。簡單啲黎講，去一次就算，因為真係唔係想像中咁好食⋯

我好鍾意食日本菜, 鍾意日本菜賣相精緻, 好食又夠新鮮講到新鮮, 搜集左資料知道有間日本餐廳好正, 可以即燒生猛海產, 一於帶老公去食, 止下癮, 因為有排都未去到日本旅行就係呢間焱丸水產, 尖沙咀同銅鑼灣都有分店, 但我地揀左黎銅鑼灣, 因為要順便去SOGO thankful week入到去, 餐廳格局好有日本風估唔到都幾多人, 好彩我地黎到都仲有位隔離枱係日本人, 佢地同侍應溝通毫無問題, 因為有侍應識講流利日本, 好PRO~每枱都放左個浜燒既爐具坐低後, 研究下Menu食咩好,  選擇好多, 圖文並茂, 好易睇, 令人睇得好舒服除左一早諗好要食浜燒外, 亦揀好左其他食咩要左個焱丸海鮮沙律, 材料豐富, 比我想像中既多沙律包括魚生, 三文魚, 吞拿魚, 北寄貝等, 混入沙律菜, 口感清新但發現沙律無醬汁調配, 另外自己點魚生醬油食, 沙律要盡快食, 因為多沙律菜, 會比較容易出水原本揀好左要咩刺身, 侍應推介左口魚刺身, 係而家時令魚, 既然時間咁夾, 就試下佢, 順便要埋甜蝦刺身 左口魚刺身精瑩通透, 肉質柔軟, 帶少少爽口, 無雪味, 左口魚本身味道較淡, 但都食到絲絲甜味,

自從成為半個港島人後, 到港島區用膳的時間多了…早前去到開業半年多、位於銅鑼灣謝斐道的焱丸水產吃磯燒, 食物質素高之餘, 服務態度亦令食客感到親切有禮, 一頓好的晚飯就是這般地留下好印象! 甚少在外吃玉子壽司, 在焱丸吃到的無論外型及味道方面也不錯, 軟硬度及甜度均十分適中.炸得香脆可口的轟炸雞，粉漿薄，肉嫩滑，咬開大大件的雞件，肉汁緊緊地鎖在內，沾沙律醬是十分推介的佐酒小食.接下來是一系列的磯燒，都是海鮮類，若你也是海鮮迷，千萬不要錯過！我認為每款海鮮也有濃淡味之分，而店員端食物來的次序應該也反映出來.先來兩大隻大蝦鬼殼磯燒，幸得店長幫忙, 燒得剛剛好的蝦肉爽口彈牙，蝦頭還有膏，來自日本的真夠鮮甜！焱丸供應的帆立貝燒，除了有帆立貝，亦有大量配菜，例如小青椒、冬菇、牛油及本菇. 店員把海膽帆立貝燒細心地燒熟、剪好，整個過程需要的是時間及心機，煮好的帆立貝有海膽的點綴份外鮮甜，建議沾大量汁一起放進口，目的是更能帶出帆立貝的鮮味！把海膽換成三文魚籽，燒出不一樣的味道，由鮮甜變成清甜，群邊爽口，燒熟的帆立貝就是肉會縮，令人又愛又恨....每次食蟹味噌甲羅燒，都要有準備需要較長的煮熟時間，加入