煙燻玉子燒 (已結業)

原本想與好友們去白宮晚餐，可是今天沒有訂座，去到更是說滿座，唯有轉吃別的晚餐。在吃晚餐前，我們口癢癢去了煙燻玉子燒買玉子 燒，不過為免待會吃不了晚餐，三人只買了兩份分享吃。這裡的玉子燒口味眾多，而且有些配料是意想不到的，例如紫薯及黑糖。還有玉子燒的模型展示各式口味。店員在取玉子燒的時候提醒我們要等三分鐘才打開蓋，那麼煙燻味才重。玉子燒透著迷人的鮮黃色，內裡夾雜著芝士 與黑松露。玉子燒很柔軟濕潤，滑嫩可口，每口都有著蛋香。中間的芝士雖沒有拉絲的效果，但是甜甜的玉子混著芝士入口即化，更富有松露清香，我們三人最愛這。紫菜明太子玉子燒相比芝士黑松露則不算很出色。加入紫菜的玉子燒口感確實煙韌，可是明太子份量不太多，沒有那股入口爆破脆口的快感，故味道也不算太濃厚，只有薄弱的鮮香味。下次我們想試櫻花蝦口味，希望有驚喜吧!

經荃灣友介紹下，終於嚟到口耳相傳👉🏻玉子燒專賣店。夜晚7點嚟到，店鋪雖小，位於係橫街角落頭，但傳出好大陣"煙燻味"，所以都易揾。玉子款式有咸有甜，今次點左2款口味👉🏻芝士黑松露玉子燒👍🏻 & 紫薯玉子燒👍🏻玉子原材料係來自日本蛋，蛋特別香同滑。廚師係收到Order後即時製作，燒好玉子後，再用煙燻1分鐘左右，成個製作過程只需10分鐘，就收到熱辣辣嘅玉子燒。不過仲未食得架！玉子經過煙燻後，要等待3分鐘先可進食，因為煙燻再留耐D帶出更香濃嘅蛋味。先食<黑松露玉子燒>，濃濃嘅松露同芝士好夾，一人食哂一件都唔覺滯。再食<紫薯玉子燒>，厚厚嘅紫薯，好香甜。總括: 值得番兜，再試埋其他味。而且價錢好平高質，$30-38/件，好滿足。

玉子燒一直係我的最愛，知道荃灣有間專賣玉子燒0既食店，點可以唔試下。有多款玉子燒，有咸有甜，好難揀。最後見到黑板寫住芝士黑松露玉子燒係期間限定，一於就揀佢。店員服務態度好好，落order後等左十分鐘先有，係耐左少少，不過勝在即叫即做。店員話要再等多三分鐘，等D煙燻味再焗一焗。一打開個盒，煙燻味好強勁，切開佢，芝士流出0黎，又聞到黑松露香，好吸引。因為即叫即做0既關係，食落去熱辣辣，不過黑松露味唔太突出，玉子加左芝士之後都仍然食到甜味，個人覺得太甜，如果蛋漿可以無咁甜會更好。煙燻都係gimmick, 食落唔係好覺有整體0黎講，份量較少，亦唔算好有驚喜。

朋友成日係耳邊講「你試左荃灣玉子燒未，真係好好食架」，間中佢又提下，今日誤打誤撞見到佢，更係唔會錯過， 去到冇乜人等，我都睇一睇餐牌，比佢黑板幾個字吸引左「期間限定- 芝士黑松露玉子燒」，二話不說就order 左等左大概8分鐘左右，店員就叫號碼，比我果陣仲好好咁提示，要等三分鐘先食； 一開盒，嘩 ～ 陣陣煙燻味道走出黎，望到真身已經好吸引，再用小刀切開，嘩，黑松露味道就出黎，再拿拿聲放入口，正到不得了下次再去就試其他味道

見到有新出芝士黑松露諗到唔駛諗就試啦~一打開就有好濃嘅煙燻味飄出黎~一切落去，係有芝士流出黎架入口好香黑松露味，老細一d都唔慳，切開見到一層的黑松露~ 芝士口感煙韌，可以拉到絲架（但無手影唔到相）~ 加埋蛋包住，3種味道配合得岩岩好，唔會太咸，又唔會有一種特別搶左味~ 食完仲有松露味留係口，真係好好味~