JOMO Coffee & Cakes (已結業)

曾經見過介紹呢度啲蛋糕覺得賣相好吸引，之前都有諗過去試嘅不過次次都無位， 琴日原本都係諗住去番我哋平時去開嘅NOC ，點知全場爆滿，重唔知點解等左一陣都仲係冇位，於是靈機一觸不如乘機去附近呢間JOMO試吓啦.！好彩去到等左一陣就有位坐啦。舖仔細細嘅一間cafe 主理嘅全部都係女人，好羨慕因為其實我都希望自己擁有一間咁樣嘅咁cafe 🥰cake 🍰 就一定會叫㗎啦，另外叫多份鹹食兩個share ，因為本人比較貪心，我又見佢可以有一個併盤形式上嘅toast set 啱晒我。除咗三文魚就要其他三款 （包括mushroom with 🥑/蕃茄配cheese / pamaham 無花果) 另外再加一隻波旦，其實三種味道都好清新，喺出邊冇一啲咁嘅配搭。唯一係佢display出嚟可能有啲論盡，佢係用一塊木板上枱嘅，我本人就比較怕呢啲，切完之後好似一枱都係野同埋佢個波蛋如果一切開咪將啲留心蛋黃流晒出嚟囉？「以上純屬個人意見」講返佢個cake先, 我哋叫咗戚風蛋糕, 睇OpenRice介紹賣相相當吸引,唔知點解好有日本富士山感覺, 我哋叫咗芝麻味再配上一個芝麻味淋醬，再響黑色上面放上幾粒紅色杞子做裝

早排真係開左好多cafe，間間都好吸引，我最想試位於西營盤嘅JOMO，連黎台灣旅遊嘅朋友都試過，我真係冇理由再等喇，哈哈。小店位於西營盤水街巷弄中，接近香港大學站，全靠路口嘅指示牌先留意到。店面很小，以白色為主調，裝潢簡約，店內位置約十個，門外亦可以擺放左少量椅子。週六下午茶時間，人流頗多，幸好入座時仍有空位，不過自己都唔好意思坐太耐，食完急急腳離開，希望搵次平日黎，睇下會唔會悠閒啲。餐牌供應自家製蛋糕，例如戚風、卷蛋、磅蛋糕、蘋果批等，口味不時轉換，部份更加係全素，無蛋奶素，有一定嘅市場，甜點定價$38-68。另有少量輕食例如多士、沙律、全日早餐。飲料有茶、咖啡、手沖、奶昔等。芝麻戚風蛋糕 $52當日戚風有伯爵茶、芝麻口味，你問我就梗係兩款都想試，最後忍痛揀左芝麻味。戚風蛋糕賣相好可愛，面頭加左黑芝麻淋醬，以杞子、桂花點綴。淋醬輕盈，芝麻味濃郁，仲有啲芝麻口感，單食都完全唔膩蛋糕鬆軟到不得了，唔乾亦唔會過濕，水準甚高，只係蛋糕本身嘅芝麻味唔算好濃。焙茶卷蛋 $48原本想食抹茶味，但另一半撞聾聽錯(笑)，好在焙茶卷味道都冇令人失望。蛋卷厚身，茶味明顯，甜度唔高，比較大眾化嘅口味。朱古力