下江南

營業中

休息中

大家好今日到了故宮博物院遊覽順便到一樓既下江南吃晚餐發覺環境和裝修都好配合故宮的形象入到店發現有精選二人套餐好適合唔駛諗先點一個首先上的是桂圓紅棗茶都幾清新也不會很甜前菜是一味涼菜叫做如意菜配花雕醉雞是麻辣青瓜和雲耳微辣都幾清爽花雕醉雞都是涼菜有四件雞肉都紮實有淡淡酒香主菜方面揀了解火重熏玉蓮鴨子燴菜飯和上海大雲吞排麵首先上海大雲吞排麵雲吞是菜肉雲吞有三隻另外浸在上湯上菜肉雲吞都幾足料 湯仲有蛋絲同紫菜排骨方面 豬扒都幾大塊炸得幾香脆食落肉質都幾鬆軟有少少醬油味道麵方面都係正常既上海麵帶少少雪菜同醬油湯底至於另外一個主食火熏玉蓮鴨子燴菜飯其實係鴨腿菜飯鴨腿都燜得幾腍仲有一些菇同蓮子有些似八寶鴨既味道仲有炸得既葱絲都幾香食完兩個主食基本都幾飽不過還有兩款甜品第一款甜品是芋頭糕這個芋頭糕有些似白糖糕是比較煙韌果一種另外一個甜品是芝麻糊湯圓芝麻糊都幾杰配合湯圓餡料也是芝麻總括這間店環境都幾靚食物也唔錯

HappyFriday 是也‼️想來好耐的了 終於🈶時間嚟潮聖一下😍今次真係食指大動下江南啊😂🤣因為要行段路仔才會到達 不過天氣涼爽都好舒服😄兩丁友嚟 所以點了一個二人套餐 因為入面🈶哂我想吃的哈哈🐷前菜是如意菜配花雕醉雞 醉雞都很入味 肉質唔錯🐥主食點了重慶小麵配雲吞同埋火燻鴨子獅子頭燴菜飯前者較為濃味又惹味 辣得都幾過癮😍🤩把花生 肉碎 豆豆 辣椒油和麵撈勻便🉑麵質都不錯 食下食下都食咗好多😂👍🏽雲吞好大隻 脹卜卜的 是韮菜豬肉味 大愛🫶🏼後者是較淡味的 獅子頭細粒易入口 煮🉐好腍而且鴨肉都好啖啖肉 配埋菜飯都很搭甜品是#芝麻糊湯圓 ⚫️⚪️同埋芋頭糕 🟣芝麻糊湯圓很好吃 很香的芝麻糊味 同埋較為杰身味道又唔甜 湯圓好好味啊🤤🤩整體都很不錯 推介🩷茶是桂圓紅棗茶 好香紅棗味 味道甜甜的 飲落都幾暖身又好舒服😊

平時行西九好少行到故宮博物館個邊，今次同朋友無意中行到博物館呢頭仲要比我哋發掘到高質中菜館。餐廳取名下江南，有古時乾隆下江南品嚐美食嘅含意。入到餐廳，環境闊落，門口做咗拱門嘅設計，有宮廷風。而枱與枱之間亦都唔會太過窄，整體坐得舒服。餐牌上邊有多項嘅選擇，有選擇困難症嘅我就同朋友揀咗個二人套餐就唔使諗咁多啦。首先就嚟咗桂圓紅棗茶，飲落口好清甜，個味一啲都唔假，明顯係來自桂圓嘅甜味。而飲完一啖之後會有紅棗嘅after taste，個人嚟講幾鍾意。前菜係如意菜配花雕醉雞，如意菜其實係三絲嘅涼拌，有調味唔會太鹹，食落都幾清新。至於花雕醉雞就正常發揮肉質唔會嚡，亦都有淡淡嘅花雕酒味。而主菜方面，我哋就揀咗重慶小面配雲吞同埋火燻鴨子獅子頭燴菜飯。重慶小面尤其出色，面嘅質地彈牙，食落有咬口。加埋一啲肉碎花生同埋酸菜撈埋一齊食，食落好惹味同香口。而辣度亦都適中，唔會話好油，成個配搭好平衡。而配搭嘅雲吞係韭菜加肉，韭菜味好出，食落好滿足。而火燻鴨子獅子頭會燴菜飯就正常發揮，以獅子頭為最出色，有油脂感得來唔會話好肥，調味亦唔會太鹹，好食。甜品方方便便有芋頭糕同埋芝麻糊湯圓。芋頭糕就正常發揮質感有啲似馬拉糕