木槿花韓牛專門店 (已結業)

朋友仔生日飯🎂15人食 我提議來試韓牛冇辦法 班人太識食 普通野應付唔到佢地😂雖然個menu有好多唔同嘅set 但甘多人 我地散叫💪🏻首先 韓牛沙律 估唔到百零蚊會有甘多肉仲要好腍好有肉味😏😏甘抵食 係咩玩法🤔🤔🤔芝麻醬沙律 好fresh 👍韓牛🐂🐂🐂叫左四種肉 希望我冇記錯...分別係 封門柳 牛肋骨肉 肉眼 大理石牛味好濃 一D都唔肥 但又好香👏🏻👏🏻👏🏻👏🏻👏🏻本人最like 牛肋骨肉 其實四隻都好好吃😄韓式🐷👋 喺首爾吃過一次 太漏 雖然伴酸的高麗菜 但我只吃了三舊已吃不下本來反對佢地叫 但多人即管試下點知👍👍👍👍D皮超爽彈牙 一D肥膩感都冇伴一片片如紙薄的...酸甜的...好夾🤔成班人完全估唔到係乜🤣🤣🤣經理哥哥開估😎😎😎係蘿白😵好好味 估唔到會甘好食 要搶食😁我地再嗌左煎餃子 炒年糕 炒粉絲黑毛豬泡菜炒飯(上次食lunch食過 好得）仲有好多好特別嘅啤酒 我未見過的咩辣椒啤 🍺山椒啤🍺食完韓牛 我已經轉呔 唔想食和牛了 點算😅仲要多謝經理哥哥 不厭其煩地幫我地影相

去完PMQ經過呢間新開既韓國餐廳就入去試下, 叫左4個SET LUNCH一齊SHARE食~~先黎芝麻醬沙律, D芝麻醬好特別, 係黑芝麻醬, 好香芝麻味~跟住就係海帶湯~~ 好濃陏~同一般紫菜湯好唔同~~韓牛蔬菜卷~ 皮薄饀料好清香~韓式牛扒配飯~~ 呢道菜我最喜歡, 係好香濃嫩滑既牛肉~ 雖然D飯少左D, 但D牛真係好好味~黑毛豬肉泡菜炒飯~~ 我本身幾中意食辣辣地既泡菜加上豬肉既油香, 好正呀~韓式拌飯~~ 賣相幾得意, 將紫菜包起然後一啖咬落去, 好惹味~~

慕網台之名而來，有意想不到嘅驚喜。我知道呢度d菜睇落好似無乜驚喜，但真係食落先知分別蔬菜捲 -- 非常清新，同一般韓式菜唔一樣，但又唔係越式紙米卷咁喔芝麻醬沙律 -- 唔係用日本麻醬，系灰色芝麻糊咁樣嘅麻醬。少左日式嘅甜味，多左現磨芝麻本身嘅香味同口感（一粒一粒好有趣）紫菜湯 -- 賣相認真麻麻，但飲落好香甜。其實都唔知係咪紫菜湯，因為味道絕對唔止齋紫菜咁簡單。問過同事有乜向入面，但答唔出，可惜牛肉清湯配飯 -- 一般覺得湯泡飯都好油、好咸，但呢個既唔油而且味道均勻，少有！黑毛豬豬肉炒泡菜 -- 呢個系 highlight！豬肉嘅肥香配泡菜嘅香辣，簡直絕配，不得了！不得不承認豬肉系肥，但唔肥唔好食啊！？韓式牛肉配飯 -- 呢個老實似向茶餐廳嘅菜式，唔知點解會向呢度出現。味道ok，牛肉好念，不俗。

跟朋友經過中環見到間新開韓牛專門店，又唔駛等位，環境舒服，仲有新開張優惠Lunch$80有交易，有齊頭盤，主菜，甜品，中環區算難得，所以入去試試，果然無令我失望，頭盤也有3款，湯，沙律及小食，比起其他餐廳只有三選一這個巳值得加分，沙律上的芝麻醬好特別，小食係韓牛蔬菜卷賣相精緻，主菜也不錯份量適中，甜品甜米露非常出色，之前去韓國都食過這甜品，這裏比韓國更好味應該是韓國廚師烹調的，可惜唔記得影相，下次會再去試埋晚餐