至尊滿屋日本料理 (已結業)

有一段時間無食放題，都覺得成日食得太急搞到個人唔太舒服。見到朋友send黎見到有個5小時晚市放題優惠($148+附加費)，價錢同環境好似都唔錯就黎試試。原本寫贈送象拔蚌刺身，但因送哂就變左海膽刺身，反而仲有驚喜，望落色澤唔錯，而且海膽食落唔會有平時平價海膽既異味，算幾清新，唯紫菜相較失色，有d淋，不過送既話都算係咁。壽司刺身種類都算多，食落都唔算特別"飯多餸少"燒物頭輪都食得出係即叫即燒，夠熱夠味道，唯到後段出單開始慢，同食物無咁夠熱。全晚最驚喜係呢碟芝麻雞翼同炸芝心香芋丸，炸得岩岩好，雞翼外脆內滑，相當惹味。總括黎講，野食質數算唔錯，點餐唔會亂黎，但炸品小食方面可更多選擇，坐位(對肥既人黎講xd)都算迫，如安排唔到窗邊位既話都算嘈。會推介比朋友試試！

朋友想食日本野, 而我又想食熟食係咁既情況下, 我地就選擇左食放題咁樣就可以就到大家食咩都得..任叫~~閒日晚上9點幾黎到依度都幾多人食緊睇黎幾受歡迎, 一入到去店員俾左4人卡位我地兩個人坐4人位, 正! 坐得好闊落, 枱面可以擺多D食物一黎就上左盆佢地指定既刺身好貼心..基本上樣樣都有d..刺身唔只賣樣好..仲好fresh添芝麻雞翼係我推介之一真心讚好多芝麻好脆又夠味..食過要再追加炒牛舌對我黎講一般般, 鐘意食濃味既我覺得淡口左D, 鐘意清清地既話就會岩你唔食炒既牛舌，有燒牛舌食，我鐘意依個串燒..仲有D黑椒味！岩晒我口味第二真心讚既係榴槤炸彈入流心架, 做倒外脆內軟既口感同埋有飄香既榴槤味利申: 本身鐘意食榴槤食放題唔少得飲品啦..有唔少韓國既飲品選擇都夠多埋單加埋一每人$205有質素既放題

約了舊同學去聚會丫，在旺角心思思唔知食乜好，去到瓊華就碰運氣選了這間日式放題店，試過又幾好喎，就此留名推薦一下 放題店必食項目當然是刺身拼盤啦！三文魚肥美肉厚，甜蝦大隻鮮甜，鮑魚片爽口彈牙，北寄貝亦算可口，食放題起碼要兩三轉拼盤先夠滿足！唯一要彈就係刺身切得較為薄身，如果厚切大塊些就無得頂喇其實呢幾日身體不適，所以今日就食熟食多，個人覺得至尊滿屋的熱食其實都做得頗為出色：芝麻雞翼：雞翼肉質鮮嫩，不覺有雪藏味，配上芝麻香令雞翼炸得恰到好處，吃入口不會覺得油膩蒜香牛肉粒：牛柳粒肉質豐富，肉味濃厚，而且不會有過量的「肥糕」！蒜片亦整得香脆好味，配上牛柳粒一起吃，更能將滋味感提升，讓口腔充滿濃濃的香蒜味和牛柳香呢！咖哩蟹：份量略為細隻，而且得半邊蟹蓋不過吃入口又感覺到蟹肉肉質細嫩，咖哩原有的香辣味又不會蓋過蟹肉本身的鮮甜味，吃埋蟹蓋僅有的蟹膏亦不失為一個滋味選擇焗蠔：原隻大件的生蠔，經過忌廉芝士烤焗之後，原來是人間一大美食！焗蠔即叫即製，放上枱還是熱的！而且配上野菌、洋蔥等食材，加上濃濃的芝士香，絕對是配料十足，口感豐富！簡直可以一試再試，百吃不厭服務周到，永無甩單