香江花月 (百誠大廈)

營業中

休息中

見網上好多人去打卡，又話火鍋配料賣相好靚，今次HOTPOTBUDDIES決定反其道而行，試試佢地嘅點心同小食。真係唔怪得依到人人都話相機先食，淨係裝修我覺得已經要花好多時間打卡。今次同埋朋友仔一齊嚟，所以叫咗幾款點心、小食。當中必食佢地嘅脆炸木魚絲蘿蔔糕同埋芥末八爪魚！蘿蔔糕唔會炸到乾哂，加埋酸酸甜甜嘅醬汁夠哂醒胃！芥末八爪魚嘅wasabi夠哂醒神，八爪魚份量一啲都唔少，而且食落仲有少少酸酸地，亦係另一款相當開胃嘅菜式！饅魚盞同櫻花餃賣相夠哂突出，而且全部都熱辣辣，新鮮出籠！加埋佢地最出名嘅體驗空間，可以做到有得玩又有得食，真係一啲都唔簡單！

話說前排同屋企一家人去佐敦飲茶，發現呢間環境超靚既餐廳，風景一流。餐廳正門入去左邊有一間房專門for打卡影相，裡面幾靚。間餐廳係以舊時香港風貌為主題，所以好多設計都同以前既事物相關，例如有黑膠唱片機及留聲機。走廊中間空曠位置有個醬料臺，有好多唔同種類既醬料。食物都好高質，例如泡菜櫻花餃頂部有一層金箔粉，而裡面係泡菜同蝦肉；芥末八爪魚佐以黃瓜同芝麻，有少少辣，不過芥末味唔會好重，八爪魚清涼爽口；山竹牛肉球上面及底部都有腐竹，裡面係真材實料好多肉，同埋有少少香菜；而鮮茄百花鰻魚盞亦都好足料，頂部有一塊鰻魚同少量魚籽，外層係一片茄子，內裡係好飽滿既蝦肉。屋企人都覺得幾好，環境又靚，野又好食，得閒下次會再黎

前排同friend一起去呢間環境超靚既懷舊茶樓食野，覺得真係好高質！首先講下環境，古色古風，有舊時代的建築風格，例如座椅同餐具等等，而且仲有舊式撥號盤電話，氣氛營造得幾好。食物有好多款，食物名都好有創意，而且又好味。例如雪山叉燒包，其實係把墨西哥包同叉燒包合併，而且叉燒係真材實料唔係外面一般既叉燒餡，份量都足夠。芥末八爪魚份量OK，但勝在入味，八爪魚嫩滑有彈性，芥末味唔會過重，除左芥末味仲有辣味，而辣味會持續一段時間，真係好夠味！鮮茄百花鰻魚盞同鰻魚燒賣好似樣，兩者都會有一塊鰻魚，而前者會用茄子包住肉身，裡面還有少少西芹；而後者則是傳統燒賣皮，但兩者都好足料，裡面既蝦好飽滿肉質緊實。而且最令我驚訝係廁所都可以設計得好精緻，好配合懷舊主題～