Burger Lab

營業中

休息中

🍔佐敦 抵食份量十足特厚招牌特級牛肉漢堡 特式香煎墨魚餅漢堡🍔佐敦小街內有間好抵食的漢堡包店，店家出名最抵食的特級巨型超厚兩層牛肉漢堡，超高兩層勁厚的漢堡包一舊水都唔洗，另外仲有其他特式漢堡，例如蝦堡，烤豬頸肉漢堡，芥末墨魚漢堡等，勁鐘意食墨魚餅嘅我就係因為呢個包過來試吓佢🍔小店的位置不多，提供少量位置可供堂食，位置感覺坐得幾舒服，最啱一兩個人一齊坐低一齊食🍔 特級牛肉漢堡 $93 +洋蔥圈 ,飲品 $35超厚的雙層漢堡，用上足料兩層厚厚的牛肉漢堡扒，加上新鮮蔬菜，芝士及蕃茄，清爽得來加上漢堡扒牛肉味，夠香濃肉質緊實又多汁，重點係上層的一隻流心蛋整體夠曬豐厚美食，認真大個夠曬飽🍔 芥末墨魚漢堡 $78 +蕃薯條，飲品 $25第一次見墨魚餅同漢堡的配搭，厚厚的香煎墨魚餅，墨魚餅勁厚一塊，即叫即煎非常之熱辣辣，墨魚餅超爽彈中間仲有新鮮墨魚粒，好香墨魚原來的鮮甜味，特別加入黑椒了芥末醬及紫椰菜，令整體味道更加提升，由其鐘意食墨魚餅嘅朋友一定要嚟試呢款🍔估唔到真係一間抵食又好食的漢堡小店，由其幾鐘意招牌特級牛肉漢堡超厚夠曬抵食，芥末墨魚漢堡，真心係幾有驚喜，去開佐敦不妨可以去試吓📍Burger

咁啱睇到啲食評見到咁吸引一於決定去食。地方唔大，好彩去到即刻有位，兩個人叫左一個set同一個漢堡。特級牛肉漢堡: 成個漢堡由上至下系''包 半熟蛋 芝士 漢堡扒 煙肉 芝士 漢堡扒 蕃茄 生菜 包''，見男朋友食到非常juicy，食完隻碟都系肉汁。佢將個漢堡分開一半黎食，就好似食緊兩個風味唔同嘅漢堡咁，上層係邪惡嘅芝士蛋漢堡包，下層就係清新嘅田園漢堡。芥末墨魚漢堡，風味獨特，香煎墨魚餅加黑椒同芥末非常好食，食到墨魚肉。加$22可轉套餐揀蕃薯條or薯條，有黑椒粒同鹽調味 ，再配返罐椰子水，爽。

位於佐敦庇利金街小巷嘅漢堡包店，面積唔大，只係得8個座位，所以明顯唔係主打堂食，而我喺等待期間發現除左本地人之外，都有唔少外國人入黎幫襯，可見呢度都相當受遊客歡迎今次我同男朋友就食左芥末墨魚漢堡同埋特級牛肉漢堡，另外再加$22 /$32 就配埋做套餐，套餐包含左一款飲品同埋薯條/番薯條，飲品就係罐裝飲品或者支裝果汁特級牛肉漢堡好巨型，食嘅時候需要將佢分2層，因為正常人個口應該有咁大LOL漢堡嘅配料有2塊勁厚身漢堡扒、煙肉、蕃茄、生菜、洋蔥、芝士同埋蛋，咁嘅質素係呢個價錢，性價比相當之高芥末墨魚漢堡相比之下就細好多，岩晒我呢D細食嘅女仔，配埋岩岩炸起嘅甜蕃薯條，一個餐岩岩好不過我個人覺得芥末味可以再濃多少少就非常好啦果汁係冷壓果汁，出面就咁買一支都唔平架