INN - I’m Not Nothing (已結業)

見係新店開張，加上係Open Rice 訂位又有野送，就過咗黎試下。鋪頭位置唔算好難搵，行咗個圈就搵到啦。見到個門面logo，真係覺得幾靚，幾有文青嘅感覺。入到去被安排咗個窗邊位，雖然外表係對住條馬路，不時又有一條人龍等接駁巴士，但係佢因為係成口鋪面係高咗半層樓，所以唔會被街嘅人睇到，加上舖頭嘅佈置被人嘅感覺都好舒服，所以成個人都好放鬆。入座之後，職員好熱情咁簡介咗個餐牌，話可以加+38做套餐，有多個湯同一杯$28蚊以下嘅飲品，轉其他飲品可以半價計，話因為open rice 訂位，所以可以送個班戟或炸魚薯條。最後叫咗兩個主菜，一個轉咗做套餐。法式洋蔥湯：事前有搵職員了解過，話呢個湯係將洋蔥炒至焦糖色再去煮，唔會有刺鼻辣口嘅味道，相反係甜嘅，湯上會加上一塊附上芝士嘅麵包。第一啖飲落覺得唔錯，有一股淡淡嘅肉桂同羅勒香，清清甜甜咁，個湯冇咩其他配料，除咗上面塊麵包之外，底下就係洋蔥。飲嘅時候，加上一小塊已經吸咗湯嘅麵包同芝士，口感都幾特別。麵包應該係法式多士麵包，雖然浸咗湯，但唔會化晒，加上味道比較濃郁嘅芝士去提味，整體都唔錯。食唔到濃味嘅朋分建議可以一個湯兩個人分。香蒜牛油燒虎蝦扁意粉：一

行過九展俾呢間餐廳嘅裝修吸引咗去望一望裝修以淺色為主、白色木邊籐椅、雲石紋枱、加埋播住好柔和嘅音樂、好似去咗法國嘅咖啡店咁、令人好舒服同放鬆，岩哂同朋友傾計或者拍拖食餐飯首先我地叫左個香蒜辣椒伏特加煮馬拉蜆唔食得辣嘅人唔好俾佢個名嚇到，女朋友唔食得辣都食到真係唔食得辣都要試下、因為啲汁非常鮮甜、仲有好濃郁嘅菜味，絕對值得一試主菜選擇都有好多，平時會揀ｄ特別或者比較少見既配搭，但係今次諗到好耐都揀唔到，因為全部配搭都好特別好想試最後我地揀左芥末籽蜜糖燒豬仔脾意大利飯同埋香煎焗三文魚扒配野菜千層 刁草忌廉汁，兩樣到好好味芥末籽蜜糖燒豬仔脾意大利飯芥末籽蜜糖配落意大利飯到估唔到又幾好味平時食既豬仔脾多數都比較細隻，但呢到既豬仔脾好大隻，好多肉，多肉得來又唔肥，瘦得來又唔硬香煎焗三文魚扒配野菜千層 刁草忌廉汁刁草忌廉汁配海鮮好似好正路呢個主菜特別之處係用野菜做千層，口感都幾似食得千層麵架，同埋非常之健康而薯蓉都唔係一般既薯仔蓉，係用紫薯來整既紫薯蓉，好岩我口味，因為我好唔鐘意食薯蓉，而呢個紫薯蓉甜甜地幾好味西柚檸檬梳打

Happy Friday 約左朋友係佢公司樓下食個dinner 聚下舊✨朋友話呢間INN 格調唔錯，於是就決定一齊去試下餐廳以黃色的水晶燈作裝飾，感覺好柔和，播住輕柔的英文歌，氛圍唔錯✨我地叫左2個主菜（轉set需加$38）🍵 洋蔥湯：個底好多洋蔥，色澤非常深，中間有片芝士包，吸晒啲湯汁，湯偏辣，非常濃味。 豬仔脾意大利飯：有菇/ 蕃茄仔等蔬菜，意大利飯充滿芝士同埋一啲香料味，食到蕃茄嘅酸味，芝士味重，豬脾好結實，有咬口，有少少炭燒嘅味道，幾好味。可惜個飯對我來講偏淋，因為我鐘意食硬小小既。另外可能我平時食得比較淡味，所以覺得個飯咸左小小（但友人覺得還好。虎蝦意粉：意粉彈牙，有用橄欖油炒過既香味，仲有青紅椒/菇，虎蝦幾大隻，雖然應該係雪凍既，但都食得出蝦既鮮味，面頭有片炸芝士幾好味。