常嚐食•深燒堂 (已結業)

喺旺角返工返學嘅人食宵夜，極力推介呢一間，唔知大家經過有冇見到，我就每次收工經過見到最令人吸睛嘅係花甲粉，經過咗幾次之後就決定入去食，人流都幾多，而且有陣時都需要排隊，佢哋嘅花甲粉係花甲多過粉🥹而且花甲都幾大隻，推介大家湯底嘅時候叫小辣會好食啲，因為清湯就比較淡味，另外都叫咗幾款串燒，味道都唔錯，值得一叫，可以試吓佢哋嘅串燒牛，因為味道比較重會濃味啲👍🏻而且呢間營業時間係開到兩點，真係非常之適合去食宵夜😍

旺角呢間串燒真係好高質！今次係朋友推介過嚟食～因為平時經過都好難留意到呢間串燒舖，原來內有乾坤！串燒每串師傅都好有心燒，串串都好好食😋！師傅燒之前會問你係咪統一小辣～ 好貼心🥰我最愛食既金菇肥牛串燒得好正，好入味！ 燒牛肉口感好好，有焦香！ 金菇都大大份🥰最有驚喜既係佢既雞軟骨！ 燒到好脆，入口脆卜卜之餘又唔會太乾～ 叫一份有兩串，都可以係必食之一！ 跟住係台灣脆皮腸，呢條台灣腸有香菇貢丸既味道😋外層都係燒到脆身～ 冇肥肉！ 我地仲叫左羊肉串、雞腿肉、燒豆腐同燒菠蘿🥰最後想講既係佢個燒菠蘿，真係燒得幾好～擺人盤都擺得好靚～ 😍 值得俾like👍🏻呢間舖仲有款食物係出名既，就係花甲粉～好大碗好抵食😍58$ 入面仲有好多花甲，而且食得出係新鮮即煮，個湯底都好正～配料十足，真心抵食～ 🥰整體上呢間串燒舖頭係高質既！ 值得一食～

旺角串燒多籮籮，放工同同事去吹水嚟呢間都唔錯，一入門口就見到有隻貓，坐低揀串燒都心大心細，好多款都想食Menu第一頁就係花甲粉，胃民忍唔住嗌嚟食雖然我地揀咗唔辣，但蒜香蜆香完全喺晒湯底裡面蜆肉好大隻多肉，粉絲吸晒鮮味雞皮餃子真係整得幾實料，外皮脆脆地，裡面包咗餡，燒至金黃膚色，咬落肉香滿滿，點埋醬仲香口菠蘿切得非常之靚，擺設幾IGable，果肉香甜多汁，烘到外乾內濕，能夠鎖緊水份芝士年糕本身已經燒得香綿，煙韌無比，加上本面有層焦糖，顏色黃金，外脆內滿芝士，實在不能自拔食串燒想叫做食咗蔬菜，茄子係經典之選，一碟勁大條，而且好厚肉，燒到啲茄肉腍晒，仲好入味𠻹雞軟骨一份有兩條，條條燒到卜卜脆，好有咬口肥牛包芫荽估唔到咁爽口，芫荽控必食五花肉包蘆筍都好爽脆，肉汁滲入蘆筍之間青魚色澤相當誘人，份量幾大條，唧啲檸檬汁落去，開胃提味，撩開魚肉實淨爽身，燒到連骨都食得落肚

同男朋友出開旺角，食來食去都係嗰啲，咁岩行過見到呢間新開嘅串燒店又有位，就入去食下一入到去伙記好好禮貌，又教我地點叫，可以嗌咩口味😆 老闆娘話平時食串燒愈食愈咸，愈食愈辣都係因為所有串燒既味一樣先會咁，所以教我地有啲串串可以揀蜜汁，有啲揀椒鹽、麻辣咁🥳又提我地會偏辣除咗串燒之外仲有花甲粉！我地嗌左麻辣花甲粉幾入味！而且每隻花甲都係有肉架 平時好多時食都係得個殼 呢間唔同！而且我哋冇再叫其他配料，都好夠食但係因為我哋叫得太多串燒，最後好可惜食唔哂 豬大腸同牛柳粒🤩大腸入味，燒得岩岩好 唔會太難咬，又脆脆地牛柳粒牛肉味好出肥瘦適中全晚最驚艷係牛脷！！性價比之選覺得係食過最好食既牛脷！出面往往燒得好韌，咬極都咬唔開個呢間既牛脷燒得十分perfect 有牛脷既咬口，但唔會好韌，厚薄適中必食原條燒茄子🍆京蔥豬頸肉，豬頸肉味道被京蔥搶左😂想食豬的話，不妨試下韓燒五花腩🤩 有埋生菜包住，揀蜜汁燒簡直係雞泡魚干較乾，同沙律醬唔夠😵‍💫但整體都好滿意！份量多，服務好 下次會再帶朋友嚟一齊食 價錢同份量、味道成正比