阿四車仔麵 (已結業)

今日嚟旺角呢邊行街，因為好耐都冇食車仔麵🙈今日就嚟呢間車仔麵食晚餐～豬大腸魚皮餃雞腎幼麵($38)豬大腸好有咬口，煙煙韌韌😋魚皮餃啖啖肉，食得好滿足😍雞腎鹹鹹地同埋肉質鮮嫩😋腩汁湯底夠濃味👍🏻幼麵嘅份量都好多🥰豬大腸牛腩豬紅粗麵($38)牛腩肉大大件～肉汁濃而鮮😋豬紅夠彈牙，好味😋粗麵沙嗲醬湯底，又係好大碗麵，湯汁香濃👍🏻花膠碗仔素翅($20)大大碗碗仔翅，咸度適宜，材料充足👍🏻粉絲幾好味，菇都好香濃，有種懷舊碗仔翅嘅感覺🤣炸墨魚卷($20)10分值得推介呢個小食👍🏻外層係炸腐皮，內層嘅墨魚肉肉質香滑鮮甜，外脆內軟😋炸唐揚雞塊($20)脆卜卜嘅外層～啱啱上碟熱辣辣～大大嚿雞肉👍🏻好多肉汁，同樣值得推介😋秘製香辣魷魚($20)咖喱汁為主，魷魚Q彈🤣有少少辣，不過接受到～新鮮好味😋腐乳生菜($20)生菜新鮮爽口，腐乳汁幾特別，唔會太油膩🥰樽裝維他麥精(+$9)好耐冇試過飲樽裝維他奶🙈都有種懷舊嘅感覺😂幾甜幾好飲👍🏻

好耐無食過車仔麵，今日係旺角揀左依間車仔麵，鋪面乾淨清新，坐位寛闊，唔洗坐到好逼。因為大家都肚餓既關係，我地嗌左好多野食😋😋🤣四餸米線餸：雞翼，雞腎，牛腩，滷水蛋瑞士雞翼有兩隻，食落好入味，雞腎煮得比較淋身，牛腩炆得岩岩好，滷水蛋入味得黎唔會硬身。碗麵份量岩岩好，食完又唔會口渴👍🏻👍🏻秘製香辣魷魚：魷魚爽口，但味道方面比較淡花膠碗仔素翅：酸酸地，大大份，材料多，餐前開胃小食🤣腐乳油菜：腐乳味夠濃，但腐乳份量可以再多啲😋😋日式吉列蠔：外脆內軟，金黃酥脆

今次因為太肚餓，所以叫左好多野食😝三餸車仔麵 $38餸：滷水蛋，冬菇，蘿白麵底：讚峻烏冬 +$3滷水蛋，冬菇都滷落好入味，冬菇口感偏紮實同幾滑！蘿白好甜多汁又無渣😋麵既份量岩岩好。佢地辣椒油唔算辣 但佢地既麻辣酒反而好辣🤣樽仔奶茶 +$16好飲的奶茶 茶底夠濃 唔會比奶味搶左！亦都好滑🥰👍🏻我地仲叫左幾款小食，秘製香辣魷魚，花膠碗仔素翅，腐乳油菜，日式吉列蠔。秘製香辣魷魚 $20沙嗲汁味道較淡，魷魚口感好爽口。如果沙嗲汁重口味應該幾正！花膠碗仔素翅 $20食材都幾多☺️ 唔會有太杰👍🏻 冬菇好滑腐乳油菜 $20食完車仔麵， 食個油菜解解膩🙈日式吉列蠔 $20口感非常脆口

好耐冇出過街今日去旺角行街噤啱見到呢間店鋪好似新開而且啱啱好又係中午食飯時候，見有d餓又好似好耐冇食過車仔麵，一於入去坐低歎返餐順便休息吓食飽再行過，店鋪環境和裝修幾好幾舒服餐牌除左車仔麵外，還有飯和小食選擇，我選左個招牌麵、兩款小食和叫左支樽庒奶茶試吓味招牌麵：有9款餸夠晒飽豬皮好入味，蘿白好淋甜，豬紅好滑，辣魷魚辣度十足但有少少硬，雞翼尖和瑞士雞翼醃得好好味，辣魚蛋辣辣哋好彈牙，豬大腸好軟身啖啖肉，滷水蛋超入味軟滑可囗，麵質都幾好，索埋個湯底一齊食幾惹味日式吉列蠔：熱辣辣，外脆內嫩，加左泰式酸辣醬好惹味花膠碗仔素翅：花膠幾好味，木耳絲好爽增加囗感，個獻嘅稀杰度剛剛好另外，放在檯面任食嘅菜脯，好好食，好爽少少辣，好正樽庒奶茶：入囗奶香茶味濃呢間都幾好味，下次經過可以再試過