勁餃笑

營業中

休息中

紅磡｜勁餃笑 -▪️湯餃🥟 (鮮蝦帶子豬肉餃🦐🐷 拼椰菜豬肉餃🥬🐷)餃子大大隻，個皮厚薄適中，包住滿滿嘅餡料。鮮蝦帶子豬肉餃內餡有鮮蝦、珍珠帶子，爽口彈牙，仲加咗啲粟米粒，更有口感。椰菜豬肉餃個菜同肉比例啱啱好，椰菜仲保持到爽脆口感。而個湯底就用咗雞殼🐔、雞腳🐔、蔬菜🥬等熬煮5小時以上，飲得出係冇落味精▪️煎餃🥟 (黑松露粟米豬肉餃🌽🐷 拼白菜豬肉餃🥬🐷)煎餃外皮煎得好脆口，又唔會太油。黑松露粟米餃一入口個黑松露味出晒嚟，好香濃。白菜豬肉餃味道就相對清甜▪️花膠雞絲湯麵🐔🍜揀咗米線，份量都唔少，花膠口感軟腍。不過整體味道偏淡少少，可以加啲自家製菜脯一齊食▪️雞絲胡麻醬拌麵🐔🍜拌麵係熱嘅，揀咗扁麵，有咬口，而且幾掛到個胡麻醬▪️煮蜆蜆肉鮮甜，個底仲有大量金菇同粉絲，好入味，仲帶少少辣，幾惹味▪️麻甩餃🥟外皮香脆，中間包住麻糬，煙煙韌韌，沾啲花生芝麻粉🥜，真係好似食緊糖不甩咁▪️煎紅豆麻糬餃🫘🥟中間同樣包住麻糬，再配上紅豆，口感綿密，甜甜哋，好夾▪️自家製金羅漢果白茶🥤▪️自家製蘋果雪梨水🍎🥤飲品都係自家製，唔會太甜，好滋潤健康嘅感覺勁餃笑📍紅磡德民街36號地下5L號舖

同媽媽係附近買完嘢，見到呢間勁餃笑 ，俾店名吸引於是決定入嚟試試。一入到店內，就見到好多貓貓擺設，好得意呀！ 吧枱中間位置仲有自助調味料區，客人可以按照自己口味挑選醬汁，醬料上都有中英對照，好細心呢。坐定定之後店員就送上 qrcode 俾我哋點餐，原來呢度嘅煎餃、湯餃嘅種類有九款可以選擇，點餐個陣我哋都三心兩意，不過如果諗唔到食咩嘅仲可以叫 唔知食咩好 等店員幫手😝我哋想試多幾款，所以分別叫咗兩set 雙拼湯餃同雙拼煎餃，一次過試試四款餃子，下次過嚟就可以試埋另外幾款！✨湯餃套餐🥟 - 香蔥豬肉餃 ＋ 韭菜豬肉餃呢度嘅餃子隻隻都好飽滿，真喺真材實料呀😍而 加咗香蔥同韭菜嘅豬肉餃，同樣出色，鮮美多汁之餘，咬落充滿唔同嘅口感。✨煎餃套餐 - 黑白松露豬肉餃 🌽＋ 鮮蝦帶子餃煎餃嘅黑松露粟米豬肉餃同 鮮蝦帶子餃，前者黑松露味超香濃，加埋粟米餡料，食落香甜有咬口，後者用咗珍珠帶子同爽彈嘅蝦肉，一樣好食，真係忍唔住食完一隻又一隻。✨花膠雞絲湯麵雞絲湯麵嘅份量都幾多，而且夠晒足料無味精，見到隔離枱都有叫到🤭✨紅豆麻薯餃餐牌上最特別嘅係有三款甜品餃子，今日就叫咗紅荳麻薯餃，香脆嘅餃子皮同入口煙煙韌韌

食左幾次都未介紹過添，呢間勁餃笑響黃埔站B出口轉兩個彎就到，餐廳有好多貓咪裝飾，仲有個櫃放滿店主珍藏模型擺設。手機落單先揀選湯餃或煎餃，數量6隻8隻或者10隻，餃子口味有8-9款（煎餃多一隻口味），可以優惠價加配麵食，小食，甜品及飲品。① 湯餃套餐（8隻） $48黑松露豬肉餃併大葉雞肉餃 +$6皮蛋醬拌麵 （轉冷麵） +$25煎朱古力餃 （4隻） $35② 煎餃套餐（6隻） $40芝士辣雞餃併韭菜豬肉餃 +$6花膠雞絲湯麵（轉扁麵） $35自家製辣菜圃每隻餃子真材實料，夠大隻，夠多餡，湯底仲係雞湯底。今次食松露粟米豬肉餃好香松露味，大葉雞肉餃就比較實。煎餃煎到金黃色，脆皮可口。皮蛋麵係台灣食完返唔到轉頭，呢個皮蛋麵唔夠濕，但都好食；花膠雞麵湯底清甜，花膠都算大舊。朱古力餃係流心朱古力，幾特別不過有少少膩，兩個人Share，一人兩隻剛剛好。自家製辣菜圃大推！唔會切到好細粒，味道辣辣地好開胃。

間唔中都會口痕想食下餃子。煮得好食嘅話，唔理係煎餃定水餃，都係好餃～我都鍾意食～而呢間就係一間煮到好餃同好食嘅港式粉麵嘅餐廳！環境相當簡潔乾淨，以木系裝修同貓咪做主題，十分舒適，而服務都唔錯～絕對要推介俾大家！˘ ³˘✎ 煎餃套餐 (8隻) ($132) 叫咗白菜豬肉煎餃同黑松露豬肉煎餃。白菜豬肉煎餃嘅豬肉味勁香濃，粒粒白菜增加層次感！表皮煎得好香脆濃郁，而啲餡都算多，唔會偷工減料 ˉ͈̀꒳ˉ͈́ 黑松露豬肉煎餃亦冇令我失望，黑松露味勁重，勁香口～粟米增加口感之餘，亦增添爽甜度，減少黑松露帶嚟嘅膩嘅感覺，表皮同樣都煎得好香濃脆口，餡料好豐富。另外仲叫咗麻辣雞絲拌麵($30)、涼拌菠菜($15)、醉雞翼($23)同埋凍羅漢果白茶($10)。拌麵好好味，亮點係嗰浸麻辣味，味道夠辣夠麻，好惹味～鍾意食辣嘅朋友仔一定要試。涼拌菠菜爽口新鮮，唔知加咗啲咩汁落去，食落好鮮甜，令人食到好開胃。醉雞翼酒味唔會太濃烈，只係起到點綴嘅形式，唔鍾意酒味嘅客人相對容易接受～羅漢果白茶嘅茶味相對較濃，伴隨淡淡嘅羅漢果味。✎ 花膠雞絲湯麵套餐 ($60) 湯麵材料有雞絲同埋兩塊花膠。花膠質感都算綿滑可口，拉麵軟嫩彈牙，湯

#MC帶你去紅磡 #MC帶你去黃埔.除咗米線店，餃子一樣開到成行成市。平時收工食米線多，今日決定轉一轉口味。見依間餃子店個名幾特別，又新開業新裝修，決定試一試。➖➖➖➖➖➖➖➖➖➖➖➖➖➖✨ 勁餃笑.餐廳主打新鮮現絞、現包、現煮的傳統及創意手工手餃。裝修新簇清雅，採用日系簡約設計，以暖色為主調，純白色牆身配以木系餐桌及柔和均勻燈光效果，倍感舒適溫暖。➖➖➖➖➖➖➖➖➖➖➖➖➖➖🥢 雙拼水餃｜.手工餃子皮滑飽滿，鮮蝦帶子餃用了珍珠帶子、爽彈蝦肉及粟米餡料，味道鮮甜；黑松露豬肉餃餃皮薄身，隱約見到黑色餡料，松露味剛好，餡料一樣有粟米粒，豐富了口感！➖➖➖➖➖➖➖➖➖➖➖➖➖➖🥢 雙拼煎餃｜.即叫即煎整煎餃呈微微金黃色，餃子底仲有少少冰花狀，十分吸引。芝士辣雞餃十分推薦！芝士中和咗辛辣口感，微辣易入口，十分惹味；韭菜豬肉餃香氣十足，肉汁滿滿。➖➖➖➖➖➖➖➖➖➖➖➖➖➖🥢 麻辣雞絲拌麵｜$50（跟餐加配 $25）.辣度有美式少辣/英式正常辣/特濃加辣。煙靭彈牙嘅拉麵配上辛辣麻醬、嫩滑雞絲、爽口青瓜絲，口感豐富而且味道刺激，先麻後辣，辣勁十足無死辣！➖➖➖➖➖➖➖➖➖➖➖➖➖➖🥢 花膠雞絲湯麵

上網見到關注組個post知道有新餐廳開張，個名好攪笑，而作為紅磡既街坊就好開心又有新嘢試～成間鋪頭日式裝修好舒服，我地一坐低，店員就比筷子我地，仲有個超得意既餃子形狀筷子拓同辣菜圃😍 我地叫左一份水餃一份煎餃，雙併可以試足4隻味～ 個煎餃煎得幾靚，黑松露味好出同粟米粒好夾，個辣雞餃好過癮咁辣同脆口🌶️ 水餃叫左最安全既韭菜同白菜好清甜仲有皮蛋醬拌麵同埋花膠雞絲湯麵，個雞雞湯好黏口，feel到滿滿嘅骨膠原，食完唔口渴再加麻辣牛腱，飽到呢～ 食咁多野都係百幾蚊，抵👍🏻侍應超有禮貌，加分✅ 下次再試其他餃先