尚點 小籠包.上海麵館 (元州商場) (已結業)

週末同屋企人黎長沙灣搵晚飯食因為呀媽有coupon 黎左依間上海餐廳食三個人點左個 涼菜拼盤(有烤夫 燻蛋 鎮江排骨)小籠包 上海粗炒 擔擔麵 雞絲粉皮 花雕醉雞 同奶黃高力豆沙

自己一個人，落去了附近食晚餐。這間位於長沙灣元州商場地下的尚點小籠包上海麵館，都開業多年，平日晚市人流不算多，座位有卡座，坐得舒適。餐廳有散叫外，還有二人及四人餐，價錢便宜。先點了一個黑松露小籠包，外層應該是墨汁磋的粉皮，薄薄一層且有彈性，不易夾穿，一咬開裏面湯汁湧出，有濃郁的黑松露香味，望落去豬肉是撈上了黑松露一齊包入皮內，非常juicy。再點了個花雕醉雞，花雕汁浸著雞件，酒香味濃郁但不算太醇，雞件吸收了花雕香味，有酒香同時又嫩滑。高力豆沙外層蛋白炸得鬆軟，裏面豆沙不會太甜且又滑，是我最鍾意的甜品。整體食物質素都算中上，價錢十分抵食。

星期日晚同家人食飯，一行5人去左附近商場食上海菜，可能星期日又晚飯時間關係，等左10 分鐘左右先有位，不過已算快了。 我地點了8 款野食，樣樣細細碟，分量剛剛好，價錢適中，每人平均$105, 不算太貴，屋村黎講都算合理。花雕醉雞 - 酒味幾濃，好香醇，雞肉唔"鞋", 不錯芥末雲耳 - 可能本人唔食芥末，覺得麻麻，但都爽口自選尚點涼菜 - 我地揀左蒜香四季豆(四季豆幾爽口) ，尚點涼拌茄子，燻魚(茄子好林，燻魚一般，2款面頭都有些醬汁甜甜地，唔係好match)，雞絲粉皮(粉皮薄，多青瓜同麻醬，好味)鮮肉小籠包 - 皮薄多汁，因我地5個人，所以叫左2籠，可以食多粒 金網生煎鍋貼 - 淨係睇個樣都已經好吸引，整到成個網蓋住d鍋貼，賣相已高，皮薄多汁，肉質幼嫩，好味排骨擔擔麵 - 排骨炸到剛剛好，不油不膩，肉質略韌；麵幾彈牙，個湯好香麻醬味酸辣湯 - 湯料足，但略酸，不太辣上海粗炒 - 好多配菜，麵質都幾彈，有咬感

這間餐廳在公司附近，所以間唔中都會和同事在這裡用餐。是日再次到訪，我最愛這裡的小籠包。為了拍攝這張照片，我特意將一粒小籠包弄穿，湯汁即時流出，可見每粒小籠包都包住大量湯汁。其他的我就吃得小心翼翼了，咬開小洞吸晒裡面的汁，然後點上醋，這是我認為食小籠包最佳食法。裡面的肉好新鮮，食一籠都略為少，哈哈！蔥爆得好香，一上菜已經被香味吸引住。牛肉好林又入味，送飯一流！第一次試哩度既醉雞，聞到陣陣花雕的香氣，而且賣相都幾靚。一試之下發現雞的脂肪少，連皮都可以食埋，平時我會走皮。雞肉嫩滑，不錯！另一送飯菜式就是這碟鎮江排骨，d汁可以撈飯食，啖啖肉，好食！來到這裡第一次飲到黑木耳露，甜甜的，雖不是十分好飲，但想到有很高營養價值，所以都飲清光了。每次黎到都會點這碟香蕉高力豆沙。即叫即炸上枱時熱辣辣。裡面包住紅豆蓉和香蕉片，好中意食哩個甜品！

尚點都己食過幾次, 之前只有係沙田舖, 剛剛開新店要試下先!~~- 招牌生煎包($30) ~ 味道唔錯, 包軟肉香! 但個包底比較油...索晒D油比較肥! - 花雕醉雞($64) ~ 花雕酒淡淡地, 雞肉嫩滑...正- 排骨擔擔麵($58) ~ 排骨炸得乾左D,  擔擔麵好濃好夠味!- 香蕉高力豆沙($32) ~ 甜品唔識評...但唔錯唔錯!- 酒釀丸子($24) ~  我既至愛...XDD- 酸辣湯麵($48) ~ 辣就夠辣但酸就差D...要有醋先OK! 整體上係唔差既. 唔太貴既上海菜!