初遇

營業中

休息中

今日繼續沙田開工，周圍碌繼續碌去沙田中心覓食；最後揀左依間開左幾間分店既初遇，主打係台灣嘢。我中午時間去，人唔算多，唔需要等位就可以入座；侍應唔算多，所以落單要等左陣。午膳有唔少套餐可以選擇，亦可以有D小食加配。好多都係特色台灣麵、飯🍚我最後揀左個藥膳花雕雞卷手工麵，其實好多都想試，不過見好多人都揀雞卷，所以我又試下；套餐免費加配既台式飲品有限，我最後揀左冷泡阿里山綠茶。味道方面，一上個麵……係 超 級 香🤣真係有D意外，老實我對依類型連鎖式既台灣食店係有小小保留。但係個湯底的確有驚喜，仲搞到我忍唔住飲左啖湯😅味道唔算太鹹，藥膳味唔算濃，雞味幾多，重點係飲到結尾有淡淡花雕酒味。老實湯頭真係好唔錯！手工麵方面中規中矩，無特別驚豔，煮得唔會太淋，因為本身我都唔鍾意淋麵🍜雞卷肉質唔算嫩滑，但係好入味，無痴牙🦷但有個問題，好似浸得有D耐，所以一夾就散。其他野我就未試過，但係依個藥膳湯可以再試😋

初遇下午茶1) 花雕雞卷滷肉飯配紫菜貢丸湯及地瓜酥 $462) 芋香芋泥奶茶 $12紫菜貢丸湯有大量紫菜, 少量貢丸和蔥花。湯質感清爽, 貢丸爽口, 口感不俗。花雕雞卷肉質軟腍, 酒味甚重, 有點俗氣。地瓜酥外層脆度一般, 內層軟糯, 可嚐到淡淡的番薯味道。滷肉飯的飯跟滷肉比例得宜, 白飯偏乾硬, 滷肉肥瘦適中, 不柴口亦不過鹹。令人最滿意的部份竟是那半隻蛋, 蛋黃十分香, 溏心質感不錯, 雖然部份位置偏熟, 但可享不同的質感。枱面放有酸菜讓客人隨意享用, 但略嫌味道過酸。芋香芋泥奶茶令我聯想到芋香奶茶中有質感稠密, 軟綿綿的芋泥或芋蓉, 但喝下去感覺似芋香胚芽奶茶。起初以為是上錯飲品, 但與店員確認, 那確實是他們的芋香芋泥奶茶。當中的芋泥, 應該是那些一小粒一小片的芋頭, 雖然味道不差, 但與我想像的芋泥有出入, 難免有點失望。整體來說, 這個下午茶可讓我嚐到主食之餘, 亦有不同的小食, 雖然質素只是一般, 但以$58來說, 實屬不錯。