中華滙館 (已結業)

家中小表弟近年與愛人打得火熱，認真程度更令佢放棄香港o既事業，決定於秋季遷往紐約開始同居生活。臨離開香港前，佢仲好有心地於「中華滙館」設宴一席，一邊飲茶、一邊向家人正式介紹身邊o既另一半。表弟早於一個月前以電話訂座，接線生當時已告知大廳冇大枱，人多必需入座午市最低消費為五千大元o既廂房內。（XO仔自己諗：人多係咪可以分兩張枱坐呢？！）餐店樓底唔算高，但廂房勝在空間足，闊落舒適，仲有個私人洗手間。為咗大大小小都可以舒舒服服同枱食餐飯，表弟就好豪咁訂咗間房，兼訂埋鎮店玻璃蝦球，以表誠意！XO仔例牌提早到達影相，可能個樣完全唔似主人家啦，被帶到入房間內都未有服務生招呼飲茶或飲水；諗住人地可能啱啱開舖未準備好，細佬就好有耐心地等咗幾分鐘先行出去問樓面位哥哥仔攞份餐牌睇及要杯凍水。估計年輕o既服務生乃新手也，其態度良好，點知佢斟咗杯凍水後居然要被上司責罵，真係唔好意思。。。餐桌上有齊備o既自用及公用餐具。店子理念可從厚本散叫餐牌中第二頁睇到。尾頁則列出各項附加收費，包括茶錢每位$25、不同酒精o既開瓶費等；係就係好清晰，不過水位明顯同五星級酒店冇分別。週末可選假日午市點心及小食項目，當中點心可因

今日約左朋友食lunch，慶祝佢升職加薪佢帶左我黎呢間中華滙館，我心諗：你都幾識食架喎！入到去，同門外環境有天淵之別，室內充滿貴氣，擺設同餐具的花紋都有中國特色首先開左壺香片茶，平時飲開既香片帶苦澀味，雖然我唔識品茶，但呢到既香片，飲得出茶香清幽，無苦味，茶葉應該都唔差因為食lunch，我地食點心為主加少少前菜XO醬鮮腐竹，聞起黎有油香，加上XO醬，瑤砫絲，味道辣辣地，做前菜幾醒胃另一個小食係酸薑皮蛋造型可愛，係金魚既造型，皮蛋晶螢剔透原來係溏心皮蛋，蛋黃呈流心狀態，味道香濃可以混合沙糖同酸薑食，更易入口荀尖鮮蝦餃皮晶瑩剔透，鮮蝦爽口新鮮灌湯小籠包，湯包下墮，鎖住湯汁，未食都睇得出入面好多湯我都幾驚包皮好易穿，因為皮都幾皮薄，但湯包摺位比較厚，所以係摺位夾起就萬無一失，最後成功飲哂小籠包既湯，無穿過小籠包湯汁實在濃郁，肉餡鮮味無比豉汁排骨陳村粉，俾我遺忘&熟悉既感覺，因為已經好少地方有得食陳村粉，令我回憶以前食過既味道陳村粉粉皮薄，加埋豉汁，吸哂排骨既汁，唔錯，不過排骨比較肥，可以食到既肉唔多松露鮮菌冬菇包，賣相可愛，做到真係好似個冬菇，連裂紋都跟足開頭以為係蒸包，原來係煎包，包底脆，

中華匯館開業大約半年，敢於鏞記對面開舖證明店主對出品很有信心。餐館裝潢很精緻，是與家人及朋友聚腳邊飲茶邊傾訴的好地方， 更設有廂房私隱度高。灌湯小籠包多汁而且皮厚度適中，正宗小籠包的做法。松露鮮粉冬菇包有趣冬菇造型裏面亦有冬菇碎，陣陣松露香氣以及軟綿綿的包都不錯。香草鵝肝脆雲吞外脆鬆化內裏有陣陣鵝肝的香味。黑魚子鮑魚香芋盒大大隻鮑魚放於芋盒上面，份外高貴。芹香上素粉果芹菜的香味令粉果吃時感到不油膩，而且很健康。葡汁鮮竹卷一個很新配搭，帶甜葡汁令鮮竹卷變得好食。筍尖鮮蝦餃皮薄而且足料，一口咬下鮮蝦很多。上湯蝦球炆伊麵大大隻蝦，炆伊麵軟度適中。湯汁不油膩而且清甜。最後甜品我們選擇了金沙奶皇馬拉糕合桃酥及椰汁馬豆砵仔糕凍為一個豐富的午餐作總結。