靠得住粥麵小館 (MOSTown新港城中心) (已結業)

見馬鞍山開左間新既餐廳，當然想試下沙漠中既米芝蓮。不過總體而言覺得呢間野無想象中咁好食。豬肺湯有質素，湯都幾濃味，同埋豬肺都幾多。芽菜雞就雞唔夠味，覺得普通。鮮魚浸時菜就比較淡口，平時食得清淡既人都覺得佢唔夠有魚味。總體來講一般，應該唔會再去。

星期日無啦啦打八號風，原本諗住出去旺角既生日飯迫住改期，唯一落街睇下有咩好食。食開嗰兩間小店又無開，行過見呢間米芝連無咩人排隊，就俾個機會佢啦。晚市套餐選擇唔算多，最後㨂左個咕嚕肉同招牌菜芽菜水晶雞。咕嚕肉分量適中，甜酸度剛好，食落啖啖肉，唔錯喎。食落都幾開胃，可以再食！再黎就係芽菜水晶雞（半隻），雞好滑，有啲海南雞既風味，配菜係泰國食開個種芽菜，爽口肥美！跟餐可加錢要例湯—豬肺湯，本人唔太啱，就無嗌了！下次應該重會再黎，再試其他！