瓏門冰室 (已結業)

💛 #尖沙咀 #龍門冰室 #瓏門冰室今日約咗個朋友喺尖沙咀食飯，佢未食過龍門，我哋就一齊去試吓😋🥩🍤 黑椒牛扒炸蝦鐵板 （$100）個鐵皮實在太大啦，真係物超所值🤤 佢有兩大塊牛扒，牛扒好惹味🤩 黑椒非常入味，唔洗落汁都夠味（鐵板餐另配一款汁）不過落埋汁又冇咁dry，可以按個人喜好落😙 炸蝦有成四隻，炸粉入面包住嫩滑嘅蝦肉，唔錯😚 澱粉可選飯/ 意粉/ 薯菜🥳☀️ 英式早餐 （$70）英式早餐超多嘢CP值超高😳 最出色一定係炒滑蛋，佢係七成熟左右，好滑🤭 仲有一捲三文魚，入面有兩塊，都唔係慳皮咖！🤪 之後仲有德國腸、煙肉、多士、茄汁豆，另外仲配沙律、餐湯，大到你食唔曬😆

繼半年前食過龍門之後，一直念念不忘，今日又口痕想食啦，今次就試下尖沙咀呢間😋果然名不虛傳，即使係逆市，一樣座無空席！見隔嚟枱嗌咗隻雞髀好正咁，心思思嗌埋一份，一睇啲色水，未食已經知夠曬入味🤤雞肉淋身得嚟又唔會太鞋，仲要啖啖肉，正呀👍🏻土匪雞翼食嗰陣要小心啲！因為上枱嗰陣好熱，我地差啲都俾佢燙傷😖同雞髀相比，雞翼就無煮到好熟啦，肉質較滑嫩，個人偏好肉質滑嫩雞肉多啲😋沙律都好啱我胃口！有好多沙律醬同粟米，兩樣都係我最愛呀😍菇上面有溶咗嘅牛油，所以入口好香，薯餅熱辣辣又脆，仲有呀，唔好見佢每件細細份咁，食落都夠曬飽架！炒烏冬除咗有金菇、肥牛之外，仲有其他蔬菜例如洋蔥、紅蘿蔔、葱，配料豐富，即使係普通炒烏冬一啲都唔馬虎！