亨通餃子店 (已結業)

餃子控又出動！收工黎食，見到食客多數係街坊，老闆娘同熟客有傾有講，幾有人情味。店內只有八個座位，有一角係擀餃子皮既工作檯，有部份易出水既餃子姐姐會即叫即整兩個人嗌左茴香豬肉餃 ($42)、牛肉餡餅 ($18)、炸醬麵 ($35)。餡餅切完餅皮仍然係痴住既，餡有d散，食得好狼狽。肉汁係有既，不過唔算好多，值得一讚既係入面既洋蔥同香料整得好食。茴香豬肉餃 - 北方餃子預左皮會有d厚。茴香好正好香，八隻輕鬆清晒 注意，依度應該不設雙拼餃子。炸醬麵 - 全餐最好食既！一定要試！！秘製炸醬、蘿蔔絲、青瓜絲、蒜蓉、芫茜、醬汁，撈勻食，而家諗起都食指大動流晒口水兩個人埋單$100都唔使，好抵！不過值得一提既係舖入面抽風欠佳，我比油煙薰到對眼好辛苦，係咁標眼水，食完出黎頭髮都有陣油煙味 建議大家坐出面或者外賣，還掂入面冷氣唔大，夜晚食既坐出面其實冇咩分別。

無心插柳地嚐到不錯的瀨粉後，跟著便要跟隨原定計劃找尋友人推介的餃子店。其實絕少到人多擠迫的旺角，當晚本意就為了一嚐餃子。在網上不斷搜索「亨通餃子店」的資料，奈何只能找到掛在門旁的海報照片，還好海報上印有聯絡電話，好歹也可於出發前致電問過清楚，不至於「摸門釘」。店子很少，門口左面的牆壁掛上大餐牌，餃子、小食和麵食的選擇一目了然。大餐牌下擺放了一張靠牆的桌子，當晚我們就是跟另外兩位嬸嬸客人坐在一起。大門正面對著的是一個可容納三人的廚房，也就是桌子後方的位置，大概可憑空想像得到店子的空間和平面圖吧。門口左手邊一角，擺放了一個三層架，當晚所見頂層用作擀蔥油餅，其餘兩層則放置了雜物。門口左手邊就是一具煎爐，蔥油餅和煎餃堆在一起煎烘，燙呀燙呀！桌子上也放有中英對照的餐牌，還有醋、豆瓣醬、辣椒油和醬油等調味料。我們先點上餃子和涼拌，後頭的廚房馬上開動！搓麵團、分麵團、擀餃皮等步驟馬上一一上演，技巧熟練，粗中有細，若我有女廚師一半的手藝，已心感滿足！接著另一位女廚師便將新鮮擀好的餃皮包上餡料，這是我們點的其中一款餃子 — 京蔥羊肉餃，每一隻都包得很飽滿，而且全屬大碼的身材，先不論味道如何，價錢與份量也