農場鮮奶有限公司

營業中

休息中

話說 想帶我三個女重拾當年爸爸媽媽拍拖嘅地方。於是就揸車入黎同佢地食個早餐。我地一黎度好在有位，雖然天氣熱但小朋友見到有羊就開心到咩都唔記得。我地叫左呢度出名嘅牛奶，買左大盒裝，一家五口剛好一人一杯，果然同平時係超市飲嘅其他大牌子唔同。仲叫左個薑汁撞奶，小朋友就唔啱食啦，但媽媽我就十分喜歡，薑味濃，牛奶香滑。燉奶就小朋友搶住食。茶葉蛋，本身係媽媽我好中意食，我剝完殼之後d女一人一啖就食哂...仲話好好味叫我再買.....不過又真係整得好味嘅，睇隻蛋嘅顏色都知已經醃左一段時間。另外仲有叫左碗叉蛋面，不過冇咩特別，仲算貴，三十幾蚊一碗，不過預左啦，黎呢度主要目的都係牛奶姐。

難得有假期又好天氣..就去d大自然既地方la...由天水圍搭西鐵出發往錦上路站去..去到再搭72小巴. 大約2個字車程入到去. 不過去到就行得幾遠....好彩好天氣都幾好行..大約行左3個字就見到la~去到...好多架車泊左係到....地方唔算話好大得7-8張枱...好彩都仲有2張枱冇人坐...初時話冇芒果布甸ga...個時大約1:30pm ...好彩之後又話有...可能雪唔切la.. 餐蛋麵($22). 我同相公一人一碗..食得出係出前一丁麵...有2塊午餐肉..重點係佢d午餐肉係煎過ga...外脆內軟真係有心思呀~~另一個重點係隻蛋係漏黃ga~~~~~~~~~~~~~ 芒果布甸($15) 入面有好多芒果...好滑呀唔同出面d布甸ga..可惜係芒果帶點點酸..因為唔係時候呀~茶葉蛋($8) 比較失望la~~藥味重左d服務幾好...問我地d野食齊未...環境真係好舒服呀..可能加上天氣又好la..空氣真係新鮮d ga..如果假期去有可能會預到冇lee樣冇個樣..例如今日咁就冇哂一盒盒既奶賣la...芒果布甸都冇..不過之後有番...食完仲可以買草比羊咩咩食ga~~哈

我們習慣早起，雖然是假期，也不會懶床。一面吃早點一面想想今天去哪裏，驀然想起曾在 OR 見過一間農場的食評，便上網尋找，抄下地址便向元朗出發了。在元朗市區一著名食肆吃過午飯，在旁邊的街道轉乘小巴到雷公田，在總站下車，經過郊野公園，沿著平坦的混凝土路，步行約十多分鐘便到達甲龍村，在路的右邊看到農場的橫額，我們知道到達了。甫入農場便看見很多小朋友拿著草在餵山羊，在香港，燒羊扒大家見得多，但活生生的羊，真的很少見，難怪大家都很興奮，包括我和太座在內。餵完羊，也要餵餵自己，走到售賣部，一條長長的人龍已在排隊，看過餐牌，我們選購了全脂牛奶，薑汁撞奶和茶葉蛋。自出娘胎之後，對奶類產品的鍾愛從未間斷，兒時喝過的金蓋奶，珠江牌鮮奶，十字牌鮮奶，以至現在人氣很高的北海道3.6牛乳，都曾一一細嚐，到現在仍覺得奶是極美味的飲品，香滑，脂香，口感豐富實在，用來調製飲品，如奶茶、奶昔，或忌廉溝鮮奶同樣可口。至於這裏的全脂牛奶，奶不羶，入口順滑，有奶脂香，品質絕不比北海道的差，而薑汁撞奶薑味不濃，撞奶也算滑，茶葉蛋不夠茶葉香味，而鹵水味較重，作為小吃也不錯。農場附近環境幽美，交通便利，吸引眾多遊人來此燒烤，是不錯