澳洲牛奶公司

營業中

休息中

啲間茶餐廳已經來過無數次，每次來都要排長龍，但每次唔洗等10分鐘就有位，餐廳無論係樓面、水吧、廚房，都係超級有效率，效率之高可以話係全港之冠。每次來基本上都唔洗諗，一坐低就叫「早餐炒蛋多士」/「茶餐炒蛋多士轉通粉」，是乎12點前後。唔知點解佢嘅炒蛋係有種魔力特別好食，放在多士上一齊食真係一流👍🏻 另外佢個通粉其實冇乜特別，但配埋個湯底就又係神奇地吸引😝因為張枱細，所以餐茶要後上，當你食到尾聲嘅時候，自自然然會有侍應過嚟問你飲乜嘢。我通常都會叫茶走或者熱奶茶，因為鍾意佢個茶膽夠濃之餘佢嘅溫度係極高，粗略估計最少90度以上。所謂水滾茶靚，一杯好嘅奶茶，溫度亦都不可缺少。唔洗十分鐘就食完了，下次見😆😆😆

講到澳牛，我諗個個香港人都識。不過我今次就第一次食！果然澳牛係香港人必食既！完全代表曬香港既文化，光速餐夠曬快，嗌左幾分鐘就上枱，然後枱枱都係好快就食完，keep住有新客入黎😲未黎之前一早聽過人地講澳牛既伙計好惡，黎之前一定要諗定食咩，唔係會比佢地鬧😂但係今次黎澳牛完全唔同！澳牛既叔叔好可愛！仲同我地講笑😂1️⃣早餐（$38）早餐有得揀炒蛋定煎蛋，麵包定多士，再加一碗火腿通同埋飲品，完全係最傳統既港式早餐。識得揀一定揀炒蛋同埋多士😌  火腿通既通粉偏淋，湯底鹹左啲，就係一碗正正常常冇乜驚喜既火腿通。最最最正既係佢既炒蛋！我就係為左佢既炒蛋而黎既🤩炒蛋好滑好滑，好有蛋香，好好食！唔怪之得咁多人鍾意食😍多士都係好好味！兩塊多士偏厚身，烘完之後夠曬脆，入面係搽左好多牛油好香！唔加炒蛋就咁食都好好味🤤  澳牛既炒蛋同多士真係必食！  2⃣️茶走（跟餐）未飲過茶走係咪好奇怪😂我今次真係第一次嗌茶走🙈一路都知道有茶走呢樣嘢但係一路都未嗌過，今次難得黎到間咁香港咁港式既茶餐廳，就順便試埋。茶走其實即係奶茶加煉奶，會比奶茶甜啲同埋奶味再重啲。我自己好鍾意！本身去茶餐廳都最鍾意飲奶茶，覺得茶餐廳沖既港式奶茶係最

雖然要排隊，不過不出一分鐘，就有一個人嘅位。一坐低，就即刻嗌我嘅列牌早餐 ： 蛋治烘底同埋茶走！蛋治出乎意料地很快就送上。依照個蛋同麵包嘅溫度嚟計，應該早已准備好，蛋同包都唔熱。原先期望可以啤滿分嘅心情就頓時冇噻，返去冇期望嘅位置。咁叻，個蛋比起其他茶餐室嘅蛋的確比較好味，但係並冇太大驚喜。茶走茶味香濃，又夠熱。加上用鐵杯嚟裝，有啲保溫效果。正！之前一直聽聞嚟度嘅伙計態度惡劣。睇落由於客人少咗，壓力都冇咁大，脾氣都收埋咗。

多年沒有去澳洲牛奶公司，懷念那些年的味道，還有曾陪我一起去的那些人，今次獨自一人食早餐，有最喜歡的香滑炒蛋和牛油厚多士，還有茶走，茶味不是太濃，比較適合我，坐在擠迫的餐枱，看著忙碌有個性的員工，上餐速度依舊的快，我則慢慢的享用我的早餐，很是滿足。

晏晝係尖沙嘴睇完醫生...諗吾到食咩又吾想食得太飽...行吓行吓吾多覺就行咗落佐敦！結果去咗『澳洲牛奶』食個茶餐。行到落去都將近19:00，出奇地門口冇人排隊...居然可以直入有位坐！一如既往...安排入座同時啲伙記就急不及待即刻落單！我同個friend每人order咗一個$43茶餐。牛肉通粉味道仍然！個炒蛋同以往一樣咁滑咁好食，不過份量就好似有啲縮咗水！茶走(奶茶)依然沖得咁香滑！不過冇人等位仲有多張吉枱既情況...吾明啲伙記點解仍然咁心急😣明明都見到未食完...又特登行過嚟問食完未(想收野)！好似好急住要人埋單似的🤔

星期五諗唔到食咩，收左工同大佬行左落佐敦睇下有咩好野食🙆🏻 行行下經過澳牛，心血來潮我地兩個都想食，就行左入去，由於未到七點都仲算早，未使係門口排隊可以直入😍澳牛門面係d比較古舊冰室既裝修。室內都係普通茶餐廳既樣，比較光猛。基本上十個有九個人入黎都係食呢到既常餐，麵包可以揀烘唔烘底，蛋可以揀煎蛋或炒蛋。識食既一定係叫多士炒蛋😍 呢到既炒蛋出名香滑，味道真係一流，係屋企點炒都炒唔到呢個水準，真係好好食☺️ 多士係厚多士，咬落好脆好有口感至於呢個叉燒意就比較平平無奇，至在食飽肚，意粉太林唔彈牙，叉燒又薄又少，完全唔惦🤦🏻‍♀️呢d傳統茶記既奶茶多數都好穩陣，澳牛當然都唔例外啦，口感超級滑，茶味夠濃，有少少少少澀，正！其實食完個餐已經好飽，但見到隔離枱嗌左個燉蛋好似好滑好好食，忍唔住都係叫左一碗，好在有嗌，完全無令我失望，真係好好食，佢既質感係有少少水，好似未完全熟得曬未鯨曬咁，但正因為未全熟，佢先咁滑！ 唔止口感正，佢個味道都調得好食，甜度岩岩好十分推介中意食蛋既朋友一定要黎澳牛試！呢到食物款式唔多，唔特別，但真係好好食，除左個意粉😍😍 仲有，呢到既上菜速度係超級快，三分鐘內一定張食物送上😂

老婆成日話我整的炒蛋唔得，今次去佐敦，當然去佢鍾意的澳牛食飯。去澳牛，第一首先唔好休息日去(佢哋一星期有一日休息)。第二去排隊，特別是中午。第三點唔好想太久食什麼，其實都係那些……今次喺夜晚去，所以比較少人，等整人就直接入座。當然唔好以隨意坐，因為佢地D哥哥仔要用盡方法令到全場滿座，所以一定會指示你要坐那裡。不過可能佢哋接待得大陸人多，餐廳D叔叔第一句就用普通話講“先坐下”，可發現今時的澳牛真係多左好多大陸人……當我哋一坐好，餐廳哥哥總會有一個就會在你附近，用好期待眼神看你用九秒九內答佢想食什麼。想看下餐牌？其實都不太需要，因為來來去去都是那些。去澳牛，一喺茶餐，燉蛋或燉蛋白。今次是晚餐，當然選茶餐，我就用九秒大回答佢，“炒蛋，多士，通粉，三份” 正當想快一次叫餐飲，哥哥就講“餐飲一陣先”，跟著就快速地走左……一分鐘都唔使，食物就立刻送上，(其實佢地全時間都準備緊茶餐......所以超快)。先上叉燒通粉再上炒蛋多士。叉燒的比例又俾以前又少左，唉。還好的係，味道冇變。炒蛋多士，澳牛的炒蛋就超放心，唔會老，又滑。真係想偷師。多士除左可以夾火腿，大家可以試下另一食法，加糖，又一番風味。食到一