影片
更多
2019-12-23
101 瀏覽
是日一行三人黎食晚餐，約晚上7點幾到，果然人好多要等位，等左約十五分鐘先有位。之前食過觀塘果間，比較細，啲位都少同埋比較逼，將軍澳呢間較大，半開放式既感覺，啲位都寬啲，坐落好舒服。睇左陣餐牌，叫左黑松露藍芝士忌廉汁帶子手工薯仔粉，三重蟹肉意粉同埋美國安格斯牛堡跟紫薯沙律，跟餐叫左小食焦糖雞翼 (3隻)同粗薯條配黑松露醬黎share，餐飲要左紅茶。跟餐茶係普通伯爵茶甘，果杯幾靚。先講小食粗薯條配黑松露醬，啲薯條炸得夠熱夠脆，果醬幾香黑松露味，唔錯。跟餐加30蚊黎講，份量都幾大碟，抵食。再黎焦糖雞翼 (3隻)，雞翼仲好脆口，食落甜甜，雞翼又夠嫩，好食。朋友點左美國安格斯牛堡跟紫薯沙律，我忘記左影相，朋友話果包唔錯，我食左果紫薯沙律，入邊仲撈左啲柚子粒，感覺好fresh。然後個三重蟹肉意粉，佢係有蟹籽，蟹肉同埋蟹棒，所以叫三重蟹肉意粉，將啲蟹籽同埋蟹肉撈哂落意粉，一邊撈已經聞到好香，食落因為又有蟹籽同蟹肉，果意粉口感層次好豐富，蟹棒有煎香，所以食落都唔係凍冰冰求其放上去既貨仔，意粉軟硬度適中，冇咩汁，所以要撈埋啲蟹肉蟹籽黎食，好鮮味岩哂中意食蟹既人。呢個黑松露藍芝士忌廉汁帶子手工薯仔粉真係好
睇左陣餐牌，叫左黑松露藍芝士忌廉汁帶子手工薯仔粉，三重蟹肉意粉同埋美國安格斯牛堡跟紫薯沙律，跟餐叫左小食焦糖雞翼 (3隻)同粗薯條配黑松露醬黎share，餐飲要左紅茶。
跟餐茶係普通伯爵茶甘，果杯幾靚。
先講小食粗薯條配黑松露醬，啲薯條炸得夠熱夠脆，果醬幾香黑松露味，唔錯。跟餐加30蚊黎講，份量都幾大碟，抵食。
粗薯條配黑松露醬
$30
6 瀏覽
0 讚好
0 留言
再黎焦糖雞翼 (3隻)，雞翼仲好脆口，食落甜甜，雞翼又夠嫩，好食。
焦糖雞翼 (3隻)
$20
7 瀏覽
0 讚好
0 留言
朋友點左美國安格斯牛堡跟紫薯沙律，我忘記左影相，朋友話果包唔錯，我食左果紫薯沙律，入邊仲撈左啲柚子粒，感覺好fresh。
然後個三重蟹肉意粉，佢係有蟹籽，蟹肉同埋蟹棒，所以叫三重蟹肉意粉，將啲蟹籽同埋蟹肉撈哂落意粉，一邊撈已經聞到好香，食落因為又有蟹籽同蟹肉，果意粉口感層次好豐富，蟹棒有煎香，所以食落都唔係凍冰冰求其放上去既貨仔，意粉軟硬度適中，冇咩汁，所以要撈埋啲蟹肉蟹籽黎食，好鮮味岩哂中意食蟹既人。
三重蟹肉意粉
$98
3 瀏覽
0 讚好
0 留言
呢個黑松露藍芝士忌廉汁帶子手工薯仔粉真係好有驚喜，本身我未食過手工薯仔粉，原來食落係甜甜有薯仔味，有啲煙韌既口感，有啲似粒狀湯圓皮，又未至於好似湯圓皮甘煙韌，食落都幾有趣。果汁好香，同薯仔粉好夾。帶子有煎香，唔會太硬太生，岩岩好。
黑松露藍芝士忌廉汁帶子手工薯仔粉
$118
4 瀏覽
0 讚好
0 留言
整體黎講，食物質素高，服務唔錯，中意將軍澳呢間多啲，因為大間啲又開揚啲，下次都會黎再食。
張貼
