Kafulin Gallery (已結業)

近排艾豬不停比呢間既抹茶雪糕洗版，心諗點都要去試試，門口望入去既環境一眼睇曬，座位只有數個，不過勝在可以放心影相，吾會覺得比好多人望住曬而覺得吾自在。除左佢本身既抹茶雪糕之外，仲有隻期間限定既QQ草泥馬Let's say hello to Llama😙✋🏼入面既材料有藜馬曲奇、楓樹糖藜麥脆脆、蕨餅 (原本系黑糖雪糕 但店員話冇所以變左蕨餅)、脆米。雪糕可以揀 牛奶味/ 抹茶味/ 兩溝，抹茶味吾算十分濃，算系同甜度各一半，反而牛奶雪糕既質感好細滑好甜，超正脆米既數量可以話系毫不吝嗇，成個底都系啊。話就話期間限定，不過見佢好似已經出左好耐咁🙊

最近呢間雪糕店喺各媒體都有唔少宣傳，上次食完日本菜，剛巧喺附近，順道一試，位置唔太起眼。雪糕店裝潢別緻，以旅遊為題，地圖、風景照、旅遊書、雜誌等，任何角落影相都靚。雖然店面唔大，但都提供幾個位置供客人堂食，門外亦都有小空間可立食。主要供應軟雪糕，分別有北海道3.6牛乳、宇治抹茶、焙茶口味 (週三限定)，分杯裝、雪糕筒裝、premium軟雪糕筒裝，價錢有別，定價 $22-$46。雪糕可按個人喜好加入配料，例如白玉($3)、脆米($4)、蕨餅($4)、豆粉黑糖($6)等。另有affogato系列，有特濃咖啡、伯爵茶、紫薯拿鐵、法國特濃朱古力、宇治抹茶、薑味咖啡，共6款口味，選擇多元。本來都令我諗起喺山林道嘅一間雪糕店，但呢邊仲多左飲品，而且款式都幾多。雖然接近9點半，但客人不少，可見小店受歡迎程度不一般。但唔知點解，係雪糕機製作雪糕需時，定係咩問題，我地係排第一，雪糕都等左接近15分鐘先成形，即係並非一唧出黎就有。草泥馬芭菲 $52其中呢款草泥馬芭菲寫住期間限定，但就冇寫限定到幾時。呢款芭菲賣相好靚，可選擇牛乳($42)、抹茶、混合味道($48)，價錢最高就係抹茶口味，超過50蚊。當日黑糖

睇我既頭象就知道，我好鍾意草泥馬，無意中發現原來灣仔有間雪糕店，以草泥馬為主題，好多草泥馬既佈置，咁當然要黎朝聖啦。間舖細細間，坐位及企位只有幾個，但設計好靚好精緻，睇見店主兩人默默經營打理呢間小店，有種幸福感。叫左個應該係長期期間限定既草泥馬芭菲，南美藜麥草泥馬曲奇超可愛，但食落有d痴牙，用糖整成既綠色草棚好有心思，雪糕有牛奶同抹茶混搭，狀態唔易溶，保持口感，牛奶奶香不算太濃，抹茶味較突出，最底下有脆米，夠脆唔淋。餐廳位置都幾靜，但平日夜晚都有唔少熟客黎食，可見雪糕水準都唔錯，又靚又大杯，幾抵食。

今日小妹同媽媽👩🏻去左以旅遊為主題既Kafulin Gallery尋找草泥馬芭菲～小店堂食座位吾多，我地去到啱啱有人走🚶🏻，所以好快就有位喇✌🏻️！店鋪走日式簡約風，以木為主調🌿。外面既玻璃窗貼左世界地圖🌍，而店入面既吊燈💡都系地球樣架，好有旅行既感覺啊✈️～其中一邊座位既牆(系Facebook page發現: 原來叫Private Corner)上亦都掛左吾同種類既草泥馬照片，好有特色✨！小妹好奇一問，原來d相系店主去旅行個陣自己影架📸！真系好正呢！啊👀！忘了說，枱上放左幾隻草質既草泥馬公仔(裡面應該系發泡膠xd)，肥嘟嘟好得意～可以用來做拍照道具💛。小妹叫左好療癒既草泥馬芭菲(Mix)($48)❤️，揀左Milk x Matcha雪糕。呢杯雪糕賣相可愛不在話下啦，仲系季節限定添🍁，點可以吾試呢👍🏻？小妹影左好耐相，好彩雪糕都吾算溶得太快😂。小店既雪糕用左3.6牛乳🍦同日本宇治抹茶粉🍵製成，奶味香濃，抹茶味亦清新淡雅。小妹比較喜歡3.6牛乳雪糕，而媽媽就話抹茶味正d喎🙈！雪糕上面有superfood楓樹糖南美藜麥脆脆，甜甜地，好有咬口😁。不過最令小妹驚喜既系南美藜麥草泥馬曲奇(真的很好吃)