Boaz House

營業中

休息中

前幾日老公話想試吓食地中海菜，咁岩去開荃灣，就去咗悅來坊既Boaz House 試下🥰我哋揀咗個二人餐，另外再加多份彼得包配鷹嘴豆醬。二人餐有餐湯，前菜揀左鷹嘴豆蔬菜球、肉類就叫左炸雞、主食敏仔話想食水波蛋肉醬中東飯，仲有佢最愛既炸甜甜圈😳首先餐湯有啲鷹嘴豆喺入邊飲落甜甜地，鷹嘴豆蔬菜球外脆內軟幾開胃，跟住炸雞超好食外脆內Juicy點埋啲汁好match，而且份量比我想像中多，水波蛋肉醬飯味道正常，甜甜圈配咗玫瑰醬好香味道略甜。不得不提嘅就係我同老公都超鍾意食鷹嘴豆醬，而佢個拼盤可以揀三種唔同嘅味道，首先我哋揀咗原味，仲有辣味煙燻，配埋軟綿綿嘅彼得包，非常好食！敏仔自己都食咗兩個。店內嘅花花牆都好適合打卡，大家行過荃灣想食地中海菜嘅，可以試下😉

荃灣悅來酒店有間以色列餐廳，一入餐廳就見到餐廳有幅花牆好適合打卡。餐廳嘅座椅都用上湖水藍嘅顏色，好似去咗地中海嘅感覺。第一次食以色列菜，樣樣都想試下，叫個二人套餐$368 有是日餐湯、前菜、主菜、意粉飯類、精選甜品、飲品。▪️是日餐湯餐湯係加入咗鷹嘴豆嘅雜菜湯，飲落味道清新。▪️鷹嘴豆蔬菜球將鷹嘴豆磨成泥球，再配上蔬菜，配埋芝麻醬汁，食落更香口美味。沙律菜新鮮爽口。▪️以色列炸雞炸雞份量都幾多，有10幾舊，外皮炸到好脆好香口，再加埋食落帶微酸嘅石榴籽、芝麻醬汁，食落更惹味，食完雞都開始飽飽地😂。▪️香濃咖喱牛肉中東米飯中東米身形狀比較長，同我哋平時食嘅泰國米、珍珠米有啲唔同，口感比較硬少少。牛肉軟腍，配埋香濃嘅咖喱都幾惹味，但如果咖喱醬汁多少少會更好。▪️以色列甜甜圈甜甜圈口感鬆軟，玫瑰醬嘅花香味好香，加埋糖醬食落都唔會覺得好甜，幾好味。▪️草莓爆檸冰茶聽到爆檸都會覺得好酸，但佢一啲都唔酸，又唔會好甜，天氣炎熱飲返杯水果冰茶就啱晒，絕對透心涼。▪️以色列石榴茶石榴茶茶味唔會好甜，飲落好香口。