我是酸奶君 (已結業)

事源係今日放工路過諗住買杯莓果粒粒飲下啦，嘩，個女店員真係極品🌚無客篤電話無問題，大佬，我成個人棟係你面前點餐你一眼都唔望我？ 由開始點餐到點完，佢一句野都無講過 淨係係度send whatsapp, 極唔尊重又無禮貌😡😡就咁都未完，終於輪到我攞餐喇，因為旺角環境比較嘈，所以佢地嗌number 其實都係勉強聽到跟住佢（啱啱講嗰個女員工）嗌咗兩次我先聽到，於是我就急急腳行前去攞啦嘩之後佢西我臉不特止，仲勁大聲嘖咗聲然後就講咗句 「開唔開」開乜野開唔開？ 妳以為妳自己係荷官開骰仔呀？「請問」呢兩隻字係咪好難講出口？總括而言，我可以話今次購物經驗CLS，今時今日嘅香港仲有咁嘅服務態度？我本身並唔係一個好高要求嘅人但係我覺得實在太誇張，太難以接受甚至我覺得自己俾人羞辱咗我朋友聽完我講呢件事啞咗，以後都唔會再幫襯，亦唔會推薦任何人光顧

路過旺角見附近好多飲品舖，偏偏e間酸奶舖特別多人，上網search先見到，原來係新開專門飲酸奶深圳過江龍。 價錢望落唔平，一杯酸奶最平都$29，不嬲都好鍾意草莓類飲品，所以買左兩杯唔同種類草莓酸奶試下。我買左莓果同VC草莓兩個口味，感覺最大唔同係，莓果酸奶係好濃郁，而VC 草莓好大杯，入面有陣檸檬味道，唔知係咪因為佢叫VC，因為有維他命C原因，所以加入檸檬。可能因為大杯稀釋左好多，相對之下無咁濃味。

食到飽飽滯滯，行經旺角見到呢間內地名牌酸奶店—《我是酸奶君》，旺角一帶周圍都係珍珠奶茶，依家竟然開左一間飲酸奶嘅，即刻要去試一試啦👀 ⠀⠀⠀⠀⠀⠀⠀⠀⠀食得太飽，所以叫左杯莓果粒粒，酸奶味道適中，原來佢地啲酸奶係采用雲南高原奶，一啲都唔甜，加埋士多啤梨味，酸酸甜甜，又有啖啖果肉，岩晒飯後黎嘆返杯！🥛夏日用黎消暑就岩晒！我是酸奶君(旺角)🤩 Rate: 8.5/10💰 Price: $38/person📍 Location: 旺角豉油街60 -102號地下A舖