長洲角酪 (已搬遷) 新店位置

長洲好出名嘅長洲角酪喺尖沙咀原來有分店 每次去長洲都勁多人排隊 有時仲會賣晒 但係嚟到尖沙咀呢間竟然冇乜人 唔知係咪同長洲果間一樣咁好飲呢😚👅莓莓角酪 $38呢杯係女小編最鍾意飲嘅‼️佢嘅乳酪味幾突出 但係又唔會好酸 士多啤梨味都幾重 仲有啲紫米令口感更加豐富😋不過個人覺得紫米份量多啲會更加好 整體幾好飲 推薦🤩平時鍾意飲呢間嘅人不妨嚟尖沙咀呢度一試 呢度完全唔需要排隊 同埋的確幾好飲😛不過可惜呢度暫時就冇得食角酪卷蛋 剩係得飲品賣 大家要留意啦🤓😋 好味：8.02/10🤑 價錢：7.99/10🤗 服務：7.67/10😝 環境：7.94/10😚 衞生：7.32/10🤩 整體：8.00/10

想試好耐好耐 但一路未有機會入長洲 早排見到IG嘅post先知道原來尖沙咀都開咗分店😂經過就即刻買嚟試了🥤首先賣相好靚！等嘅時候一路見到店員好仔細咁貼杯邊心型嘅🍓片 同埋粉紅色漸層都令少女感🆙🤣．飲落真係好清爽 亦無坊間嘅肥仔水咁甜 酸味溫和 超怕酸嘅我都接受到！而且口感稀身 入口滑順 唔係杰撻撻嗰款乳酪 感覺更加輕盈👍🏻．飲品附有少量紫米 不過我個人唔係咁接受到甜紫米嘅味道(包括紫米露)🤭下次會睇下可唔可以走紫米😂

💛長洲角酪💛🔸莓莓角酪＄38賣相幾靚。純乳酪打造，飲落冇想像中咁酸，偏向酸甜。好creamy，好滑，但會比較水，可以再濃郁啲。乳酪加草莓打成，飲落好清爽，好fresh，係夏天嘅感覺。味道完全唔假，甜度正常，並且飲到果香和奶香，飲得出喺生果帶出嚟嘅甜。紫米數量多，可以增加口感，軟糯，同乳酪亦都好夾，喺飲緊嘅時候加上一層微微煙韌嘅口感，再帶有少少米香。一杯都飽飽地🤣會再飲嘅飲品，而且非常適合夏天🌞

係IG見過好多人介紹，所以一直好想飲呢間但長洲真係太遠，所以一直都未有機會一試有個朋友上星期話我知佢係尖沙咀開左分店，即刻黎試下！結果一啲都冇失望！分店開左係海港城附近一個新開既商場，係Apple隔離個商場都幾得意，行文青／小店路線雖然鋪頭唔多，但幾有特色，推介大家黎行下莓莓角酪 (9/10)飲得出係用鮮果打出黎，而唔係開糖漿入面仲有少少打爛左既果肉成杯俾我個感覺係好fresh士多啤梨同乳酪個比例岩岩好！酸酸甜甜咁，勁岩夏天飲！個底有煙煙韌韌既紫米，係幾特別既配搭！初頭有驚好怪好唔夾，但飲落又出乎意料地唔錯！好彩個日唔記得叫少甜走冰，因為個甜度岩岩好如果少甜唔知會唔會淡得濟小店隔離有幾個卡位買完坐低慢慢飲吹陣水打陣卡先走都得

近排先知尖沙咀Cantonyama原來開左長洲角酪，去到發現個場極冷清😂 不過唔洗入長洲都試到長洲角酪又幾方便！————————❦ 甘露角酪 $42芒果、西柚同柚子加埋一齊又清甜又fresh，同乳酪好夾。評分：🌕🌕🌕🌖🌑-❦ 莓莓角酪 $38呢杯除左有士多啤梨之外仲有紫米豐富口感，不過我覺得士多啤梨同乳酪都偏酸，同埋紫米偏硬。評分：🌕🌕🌕🌘🌑-Order完都等左一段時間先整好，不過點都快過入長洲🤣🤣想試可以去尖沙咀試吓～