喜記避風塘炒辣蟹 (謝斐道)

營業中

休息中

屋企人一家五口個個都返shift，好難夾時間食飯，所以我哋就喺上個星期六去咗喜記避風塘炒辣蟹提早慶祝父親節。好彩我哋有訂枱，入面真係座無虛席。揀呢度係因為貪佢嘅海鮮夠新鮮生猛，靚蟹隻隻都咁肥美。仲有賴尿蝦都好新鮮。一家人各自有想食嘅菜式，最後決定單點。避風塘炒辣蟹係佢哋嘅招牌菜，一定係冇得輸，真係啖啖肉又惹味。蒜蓉粉絲蒸蟶子味道校得啱啱好，唔會搶咗蟶子嘅鮮味，粉絲都好好食。椒鹽賴尿蝦好香口，成家人真係爭住食。豉椒炒蜆都好有大排檔嘅水準。薑蔥美國生蠔煲嘅蠔仲係脹卜卜，唔會過熟。菠蘿咕嚕肉唔會剩係得啲骨，菠蘿青椒等配菜都好好食。滑蛋炒蝦球啲蝦勁大隻，蛋亦炒得好滑。清炒白菜仔一樣咁正。最後再食佢嘅蟹油炒麵，一家五口飽到捧住個肚咁離開。

已經好耐冇出街食晚飯，難得今晚媽媽生日，又想食海鮮，朋友就推介呢個四人超值套餐，我地一行8個人，叫左2個$998既四人餐。記得一定要預先訂位，黎到已經全場爆滿。避風塘炒辣蟹 (一隻)蟹一定係必食，隻蟹好大隻，避風塘非常之夠火候，有D辣，蟹肉炒到入哂味，非常新鮮。招牌醉鮑魚/避風塘粉絲蒸日本元貝 (四隻)招牌醉鮑魚，酒味香濃，鮑魚亦非常彈牙。黃金蝦/豉油皇蝦/椒鹽九肚拚白飯魚(三選一)黃金蝦，咸蛋黃非常香口惹味。豉椒炒蜆/青口/油鹽水浸蜆(三選一)油鹽水浸蜆，絕對可以帶出蜆既鮮味。馳名沙拉骨/菠蘿咕嚕肉 (二選一)菠蘿咕嚕肉炸得香口，外脆內軟。招牌蟹肉炒麵/牛河 (二選一)招牌蟹肉炒麵和牛河各叫了一款，蟹肉炒麵比較少有，每一啖麵都有蟹肉既香味。蟹油拍青瓜/涼拌木耳 (二選一)蟹油拍青瓜亦用上蟹嘅精華，青瓜爽口，作為餐前小食非常開胃。蒜蓉/上湯時菜

好耐冇食海鮮，忽然好口痕，行過見到喜記出咗個精選四人餐，四個人食都只係$998，真係超級抵！諗都唔洗諗就入去😆1️⃣涼拌木耳好爽好開胃2️⃣喜記避風塘炒辣蟹鑊氣夠，炒得好惹味，蟹肉好扎實，大大啖肉咬落去好滿足😋3️⃣黃金蝦黃金蝦連個殼都充滿住滿滿嘅蛋黃，連咬開蝦殼既時候都係享受🤤4️⃣鼓椒炒蜆好多蜆肉，唔會好似某啲舖頭不斷得啲空既殼，好足料5️⃣招牌醉鮑魚鮑魚唔算細隻，加埋酒味食落好香6️⃣菠蘿咕嚕肉甜酸味道調得剛剛好，咬落去唔會太淋7️⃣蒜蓉炒時菜幾香幾爽8️⃣招牌蟹油牛河好鐘意上面啲蒜粒，食落香香的😋走既時候見到呢度啲瀨尿蝦都幾太隻，可惜食到好飽，如果唔係都想叫黎試下🤤