檀島咖啡餅店 (軒尼詩道)

營業中

休息中

友人從美國回港，十分記掛香港茶餐廳的食物，於是相約在灣仔檀島來個下午茶，一解饞相思。檀島地點方便，門前就有前往各區的巴士站，所以平常餐廳也不乏客人。要數有代表性的港式茶餐廳口味，菠蘿油必然榜上有名，現時也不是每家茶餐廳有供應了。曾幾何時，在檀島是有菠蘿油下午茶餐的，如今祇有單點提供，唯有另加一杯熱奶茶。把冰冷的牛油片放入熱呼呼的菠蘿包內，趁牛油還沒完全溶掉，快快把它抹勻包的兩面，然後速速享用。暫且忘掉健康理論，享受口腹之慾，暖暖的包夾著還有點點冷的牛油，一口咬下去，任由酥皮掉落碟上，唔...真好味。奶茶茶味香濃帶點澀，自助加白砂糖調味，甜度由自己話事。豬扒包表面烘得微脆內軟，中間夾有豬扒、蕃茄和生菜。豬扒肉質軟腍，夾在麵包和蔬菜中一起吃，更添爽脆，不錯吃。

唔知幾耐之前，好多人話要保育文物。結果引起好多人既留意。我覺得，除左文物要好好保育之外。食物都唔例外，有好多港式茶餐係好好食。只係有時無留意，呢日行過呢頭，二話不說食個茶餐放鬆一下啦。酥皮蛋撻真係好鬆化，酥皮有N層那麼多。好香蛋味，而且個蛋都做到好滑。絕無粗鞋既感覺，呢個酥皮蛋撻味道蠻不錯。食完個蛋撻之後，都無乜油膩既感覺。其實，佢地落蛋同鬆化都已經盡最大努力，做到最好。菠蘿油又係不容錯過既地道小食，一食就知。菠蘿油唔係新鮮出爐，不過我覺得有當中既原因。因為當菠蘿油新鮮出爐後，再加上鮮油。會令到牛油溶於麵包中，失去左菠蘿油既特色。直接講，應該改名叫菠蘿牛油麵包作罷。我既睇法，呢個菠蘿油真係唔錯，麵包做得好鬆軟，唔錯。凍奶茶呢杯凍奶茶都幾大杯，茶味真係好濃。呢種港式奶茶真係香港味道，我相信好難世界另一個角落飲到。奶茶都算係飲食文化既表表者。如果我無飲錯，佢地係用上著名既黑白淡奶沖奶茶。呢隻淡奶沖出黎既奶茶零舍好飲，飲落有種香滑既感覺。唔用呢隻奶，硬係差左小小野。呢餐真係收穫豐富，因為好難得食到咁多既地道美食。我相信呢類既文化可以繼續保存，希望一直到永遠。到子孫既時代，依然可以俾佢知