真心泰國菜館 (已結業)

今日成班朋友提起去食泰國野，我就搵左呢間地道泰國菜，7點到步，已經無乜位，等左15分鐘就已經可以入座，我地望左餐牌好耐，實在太多野想食，但最後我地就叫左兩個套餐，因為包含既款式都有齊大家想食既，包括明爐蒸烏頭、泰式通菜、串燒(雞、豬)、菠蘿炒飯、喇沙雞柳米粉！烏頭算係大條，重有好多肉碎，個湯酸得黎好好飲，魚肉吸收左湯既精華，簡直無得彈，而且條魚一D都唔腥！之後黎左串燒，燒得香之餘，配搭既醬汁都好惹味，菠蘿炒飯係我既至愛，一上枱，炒飯既香味已經深深吸引住我啦，飯中有菠蘿、提子乾、臘肉、雞柳，而通菜真係值得一讚，好惹味而且只係帶小小辣，而喇沙米粉個湯就有好多花生粒，米粉分量都幾多！

同朋友行街行開旺角，經過通菜街裏面見到有一間好有泰國風情嘅泰國鋪頭，無論鋪頭及店舖內都好有泰國特色，我哋四條友就叫咗個二人套餐+1個一人晚餐，未到七點已經好多人，我哋好在只系等左5分鐘就有得入去食，一人晚餐：喇沙雞絲米線，仲有餐飲同甜品$65，個喇沙味道好好味，而且好多花生醬同每條米粉都掛住喇沙汁非常好味，味道好出眾，泰國米粉比較幼細及硬身，好彩呢度都食到，正，二人套餐A set有泰式明爐烏頭魚，熱辣辣上枱，魚質滑身吾腥，個魚汁酸酸甜甜，配合芹菜及秀珍菇，好鮮甜，泰式紅火炒通菜，值得一讚，個通菜非常有鑊氣，仲有少少辣椒非常惹味，另一個系泰式串燒4串，我哋揀左豬肉+雞肉，燒得非常香，肉不會太鞋身而且甜甜地，配上個醬汁有花生醬喺裏面，好夾，菠蘿炒飯，份量中等，裏邊仲有啲肉鬆及提子乾好有咬口，奉送甜品綠豆邊糖水，上菜速度快，服務都幾好，泰國人好有親切

女人街食肆臨立，眼花繚亂，有時真的不知吃那一間好而且又不知那一間好吃。這間泰菜之前吃過數次，多是晚飯來吃的，今天下午經過，想想不如進去試試吧。進去時有三四檯客人，眼看menu價錢不貴，而且也頗多選擇。另外飲品也是加$2-$5，所以價錢算是挺便宜的。我們兩人叫了一碗秘制鴨絲金邊粉和一個菠蘿炒飯。秘制鴨絲金邊粉挺好吃，首先因為它的湯底很濃味，不會過鹹。另外就是它有很多鴨絲，肥瘦適中，鴨味也濃，再加上兩舊吸了所有湯的味道的白蘿蔔，真的不錯。金邊粉份量適中，而且很滑，整體來說是一碗不錯的河粉。菠蘿炒飯份量很大，我們兩人也吃不完呢! 材料非常多，肉鬆，菠蘿，提子乾，臘腸，蛋等等，酸酸鹹鹹的，挺開胃。不過飯略嫌炒得不夠乾爽，有點點濕的感覺，我還是喜歡吃乾爽一點的炒飯。但總括來說味道也是可以的。送兩杯青檸茶，味道較清，亦不會很酸，可以接受。又是另一沒加一餐館，埋單 $56，算是抵吃的選擇之一，大家也可來一試的。