藍象泰國餐廳 (已結業)

今晚訂左位同家人食泰國菜，訂位時已經要求坐窗口位，但最後都無安排窗口位比我地，實在令人失望那麼訂位又有何意義？可能walk in還有機會坐到窗口位！今晚見到也無人等位呢！價錢方面不太親民，用了團購優惠也不見得抵食，而且有加一收費。所以我對食物質素要求自然高些，不過食完後我地明白係食緊舖租。首先值得讚是出菜速度好快，但大部份餸菜不是熱辣辣，所以聞唔到有香味，可能已－早煮好不過也不是難食！我地點了:豬肉沙嗲＄88 - 有４串，惹味肉嫩金柚芒果沙律＄118 - 事先已經知道係用梅汁，預左係酸開下胃，但無唸过酸到牙較都軟埋，青芒果又硬，超難食最後剩下－大半無人食！軟殼蟹米紙卷＄118 - 軟殼蟹唔脆淋左，味道－般，但醬汁酸酸辣辣，好惹味加返分數！椰子雞湯（2-3位）＄188 - 椰奶味香濃，可惜雞肉略鞋蒸海魚＄268 - 賣相吸引！但魚無鮮味，魚肉木獨鞋口，老媽子最愛食魚都嫌棄，唔抵食烤和牛扒＄308 - 烤得香口，和牛肉質嫩滑無渣，好好味菠蘿炒飯＄138 - 普普通通，不太難食就是了！蝦醬炒通菜＄98 - 通菜略硬，味道略咸！蒜蓉包＄38 - 焗得香脆，蒜蓉味香濃，好食油鬆餅＄38 - 口感

門口接待姐姐有待改善菠蘿炒飯係第一個上（次序錯晒）但係菠蘿炒飯就最好味，菠蘿好細粒，差不多啖啖都咬到，肉鬆又夠多。小食拼盆啲串燒係凍既，蝦餅是合格，其他都係一般般，奇疔怪怪的椰子雞湯係凍既，佢有蠟燭座住，但做樣，唔熱既，最後佢地拎去翻熱再比返我地，但一啲都唔好味，好似飲緊青咖喱汁咁⋯⋯甜品，薑味燉蛋，好難食，又想整到靚靚咁，但是又整得唔好。失敗之作，外面舊餅既物體好硬。應該唔會有第二次，因為真係又貴又唔好食。

周日朋友過來香港，唔想行咁遠，喺海港城食飯…… 叫我搵餐廳，見到openrice 介紹好想去試下，即時book咗張枱， 準時七點鐘去到，餐廳安排我們坐位，感覺非常舒服， 開始點菜， 我們叫了牛油果大蝦沙律， 份量較少，味道ok， 蒸魚麻麻地， 最好食都係菠蘿炒飯 冬陰功湯幾好味， 計咗兩杯cocktail味道都幾好 如果以後行過想食泰國菜都可以試下，畢竟係尖沙咀海港城入面，價錢都比較貴少少，幸好味道都算唔錯的 值得推介 下次仲想試多幾個菜，或者下午茶都ok