鄭​師姐泰式素食私房菜 (已搬遷) 新店位置

是晚平日七人晚餐聚會，私房菜館滿坐。冬陰功湯素湯但不失冬陰功味，還可以添飲。生菜包份量十足，素肉香茅惹味，生菜新鮮還可以添加。素叉燒味道好，口感真實。炸春卷以往係炸野菜，今次轉左炸春卷，脆口唔錯，份量偏少。水果沙律🥗開胃菜，生果新鮮而且種類好多，好清甜。菠蘿炒飯炒得乾身，有口感。沙嗲串燒沙嗲味足，串燒偏乾同硬。喇沙檬粉每次都好期待的，可惜是晚失色不少，沒有喇沙味道，而且湯好稠杰。芒果糯米飯最期待的泰式甜品，糯米偏濕，今次芒果好甜。是日糖水，南瓜西米露是晚有驚喜，不會太甜，好細滑。素食+泰式+私房菜一次過有三種風格實在好吸引！$180一位，沒有加一服務費，性價比高。已經食過好多次，可惜今次明顯發覺餸菜味道和風格都較以前遜色。

鄭師姐係一間無五辛嘅泰式素食私房菜，2位起。每樣菜式都好好食，尤其鍾意沙爹串燒同菠蘿炒飯。位置方便，係K11 Art Mall對面。私房菜 (每位$180/ 圖為3人份量)冬蔭功湯水果沙律沙爹串燒素叉燒喇沙檬粉生菜包炸雜菜菠蘿炒飯芒果糯米飯是日糖水 沙爹串燒嘅醬好惹味，有椰汁嘅香味，素肉似係用冬菇蒂整成，食到一絲絲嘅口感。菠蘿炒飯嘅飯粒粒分明，好香菠蘿味。生菜包嘅餡料主要有素肉同芫茜，味道酸辣。我哋食哂生菜仲有部分餡料剩，店員好好可以幫我哋添生菜。喇沙檬粉嘅湯底好香濃嘅椰汁味，唔係好辣，配料有冬瓜、雞脾菇、豆卜等。冬蔭功湯嘅湯底清澈，味道偏辣帶有新鮮蕃茄嘅酸味，配料有椰菜花、蕃茄、粟米仔、香葉等。是日糖水係椰汁西米南瓜，南瓜煮到溶哂，只見到一絲絲嘅南瓜肉。芒果糯米飯幾好食，一D都唔膩，糯米飯鋪得薄身，有淡淡嘅椰汁味。

朋友吃素，又想吃大餐，咁啱見到呢間泰式素食，幾得意喎！$180一共十個菜式。大廈門口有啲難搵，都花左一段時間，先發現喺藥房行入去。十個菜式1️⃣生菜包: 炒得好香，好似真嘅肉🤣2️⃣冬蔭公湯: 酸辣度剛好，好多蔬菜，蔬菜唔會太淋3️⃣素叉燒: 不過不失，可以酸多dd4️⃣串燒: 應該係串燒雞🤪質感超似真嘅雞肉👍🏻5️⃣炸蔬菜餅: 好似薯餅咁，亦有好多菜，配上甜酸醬，好味👍🏻6️⃣水果沙律: 好fresh，可以消下油膩7️⃣菠蘿炒飯: 正正常常8️⃣喇沙米線: 喇沙好足料，椰汁味足9️⃣芒果糯米飯: 芒果夠甜，糯米飯煙韌度剛好，甜味椰汁剛好🔟最後的南瓜椰汁西米露無影到，都好味份量好夠，每人每樣嘢都有兩舊，飽飽，好滿足呀！招呼亦不錯👍🏻

這已是我第二次來鄭師姐吃私房菜，第一次已是幾個月前與非素食朋友一起來，當時大家也讚不絕口。鄭師姐泰式素食私房菜只有晚市，最後預留至少一個星期前要打來訂枱，星期五晚上是尤其多人，之前我有好幾次也訂不到枱而被迫選擇第二家餐廳。這裡雖是私房菜，但訂枱最少人數只是二人，而無論是一圍人還是兩個人撐枱腳，依然是有這麼多道餸菜，只是份量會按人頭而送上，所以兩個人一樣價錢都一樣可以享用十道菜。這裡沒有餐牌的，每人$160，十道菜，基本上必有是冬陰功、素叉燒、生果沙律、沙嗲素肉串、炸雜菜餅、喇沙米線和椰汁香芒糯米飯。 冬陰功湯 這個冬陰功湯可算是港式化了的，完全與正宗冬陰功不一樣，蕃茄味酸味較重，沒有辣味（或是我本身太會吃辣？！），而冬陰功應有的檸檬葉和南薑香味也欠奉，雖然不正宗，但也做得不錯，酸酸甜甜來打頭陣很開胃，而且這個湯可以免費添飲的，上次和今次我們也有再添加。 素叉燒 即是麵筋之類做成的素叉燒，可算是這類的招牌菜之一，許多我的朋友也很喜歡的這道菜，但我自己本身就一般，是OK，但未算得上我必定要吃的一道。 生果沙律 其實我一向很喜愛吃生果的，在這個私房菜餐單上，大部份餸菜都有素肉，有一道生果為主