葡匯咪走雞葡國餐廳 (已結業)

行Mira Mall見到呢間餐廳環境幾大又冇咩人食，加上係葡國菜幾特別，除左係澳門會食平時都好少機會食得到。上網見食評話要食呢個傳統烤沙甸魚，個人覺得烤得好脆而且唔腥。不過朋友覺得太多骨，如果唔慣食魚既人都唔建議叫呢碟菜，因為都好多細骨。我地3個人，烤乳豬要左四分一隻（要預訂先有嫁)，都夠曬食。乳豬皮脆肉嫩，少許脂肪加上厚厚既嫩肉🐷配埋個葡式茄汁炒飯，配上臘腸令到個飯有油脂香，不過個人覺得配提子乾落去炒有點兒怪。馬介休炒椰菜反而我只係食到蒜香味，偏油但唔會太油膩。上網再搜尋下咩叫馬介休，其實係鱈魚經鹽醃製而成，唔少葡萄牙菜與澳門葡式美食會落既主要材料。最後呢個白汁煙肉蘑菇意粉就一般，但芝士味都好濃好Creamy

香港比較少有吃葡國菜餐廳，原來尖沙咀美麗華開了一間，一天下午和同事來試試，餐廳不是太多人大概一半滿座，餐廳採用較新穎的葡式設計，卡位座位很舒適，侍應為我們介紹不同的食品，我們點了最出名的葡式烤乳豬，有糯米飯及沙律菜伴碟 （外脆內軟）、白酒煮紐西蘭刀背硯（蜆肉偏大隻，厚肉又鮮味）、還有砵酒燴牛尾（味道偏濃，牛尾炆得夠軟），葡式帶子炒意粉（意粉用了香草味道特別帶子大大隻），最後還有傳統烤沙甸魚（沙甸魚經過烤煮味道很香）。中菜適合一家人吃晚餐，希望下次和家人再來。

今日同幾個朋友黎咗呢間食葡國菜餐廳，自己唔多食葡國菜，但朋友介紹下，再加上Openrice 好評如潮，決定一於黎試下。一入去間餐廳，環境清潔，地方闊落。我地四個人個張枱都算幾大，坐得幾舒服。我地一共叫咗八樣嘢，店員好Nice，大部分菜式都係店員推薦里斯本沙律份量足夠四個人分。蔬菜配風乾火腿片、咸芝士粒、橄欖粒，加上沙律醋，清新開胃。食葡國菜又點可以唔食馬介休呢？薯香味重，加上濃郁嘅鱈魚，非常好食！ 白砵燴雞嘅雞肉係剪完先焗，D汁鎖住係雞肉裏面，好嫩滑。加上白酒煮忌廉汁、紅蘿蔔同洋蔥，配埋白飯一流。蝦又新鮮又大隻，個汁仲要超好食！抵贊嘅係蝦已經預先開邊，食起上黎好方便。葡式燒乳豬要D時間出，因為即叫即做。乳豬香脆，肥瘦均勻。配埋佢地嘅肥仔炒飯，茄汁、提子乾、葡式香腸同埋炒蛋，味道好豐富！第一次食葡式西多士，最唔同嘅地方係佢個玉桂味非常突出。形狀就四四方方咁，但就比較大粒，要切先食到。咖啡、白砵酒、紅砵酒雪糕  個人覺得三個雪榚都好食，咖啡個個比較突出。每杯雪榚下面都會有干冰，一路食一路出煙，想唔打卡都幾難。 最後飲杯Expresso 作結，成間店食物質素同環境都好好，值得一試！  

情人節前夕來吃葡國菜來餐廳前已預訂葡式燒乳豬四分一隻甫坐下侍者就送上豬仔包和油浸橄欖經理說橄欖是自家醃製果然美味頭盤點了傳統烤沙甸魚香味四溢油脂味香濃是我非常喜歡的一道菜霹靂非洲雞蒜香雞各半霹靂雞用上periperi香料辣味超強不可低估再強調一次真的非常之辣蒜香雞則鋪上滿滿的蒜泥香口惹味蒜味在口內爆發雞肉肉質亦非常嫩滑重頭戲燒乳豬要上桌了四大件乳豬份量十足外皮烤得極香脆皮下那層脂肪才是重點肉質亦非常細緻幼嫩 果然是嬰兒的肉質再呷一口波圖的白砵酒就好最後點了一份特色甜品Rampanada是葡版的法式多士先將麵包切塊再浸泡牛奶再沾上蛋漿然後炸熟最後灑上肉桂糖霜就完成有機會要試試這款難得一見的地道甜點

接觸葡國菜既機會5隻手指數得晒, 通常都係過澳門玩時"順便"食埋, 仿佛咁先似過過大海呢間新開既葡國菜餐廳位於大型商場內, 位置非常方便, 望到咁Sharp醒既鷄就知係呢度啦! 此店原來前身係札根於西貢, 今次落戶係九龍旺區, 想食葡菜就方便得多內裏裝修以淺木色為主調, 配以淺藍色梳化, 加上燈光柔和, 播住輕快既葡萄牙音樂, 比人一種無拘束感覺, 適合家庭及朋友開餐暢聚一番呢度比較特別少少, 門口特設小型枱椅, 亦都留意到坐墊特別選用顏色比較繽紛既, 原來呢度係比客人食下午茶/甜品區每日專業甜品師都會精心造出不同種類糕餅/甜品, 即使你每日幫襯都會搵到新鮮感, 仲有咖啡供應, 係呢度食件餅, 享受杯咖啡都係一件賞心樂事!呢到供應酒類, 有特式葡國啤酒, 要對抗悶熱既天氣, 呢杯Sangrita就幫到手, 呷一口體內暑氣全消, Cheers ..............打開餐牌, 食物種類包括風味小食, 餐湯, 沙律, 各式三文治, 意粉, 主菜及甜品, 價錢望落合理!晚市時間, 餐廳會每人送客豬仔脆包, 熱辣辣自家製架, 比起外邊買到既內裏包芯食落有煙韌感, 外皮香脆, 你睇下我隻