影片
更多
2017-06-25
1027 瀏覽
接觸葡國菜既機會5隻手指數得晒, 通常都係過澳門玩時"順便"食埋, 仿佛咁先似過過大海呢間新開既葡國菜餐廳位於大型商場內, 位置非常方便, 望到咁Sharp醒既鷄就知係呢度啦! 此店原來前身係札根於西貢, 今次落戶係九龍旺區, 想食葡菜就方便得多內裏裝修以淺木色為主調, 配以淺藍色梳化, 加上燈光柔和, 播住輕快既葡萄牙音樂, 比人一種無拘束感覺, 適合家庭及朋友開餐暢聚一番呢度比較特別少少, 門口特設小型枱椅, 亦都留意到坐墊特別選用顏色比較繽紛既, 原來呢度係比客人食下午茶/甜品區每日專業甜品師都會精心造出不同種類糕餅/甜品, 即使你每日幫襯都會搵到新鮮感, 仲有咖啡供應, 係呢度食件餅, 享受杯咖啡都係一件賞心樂事!呢到供應酒類, 有特式葡國啤酒, 要對抗悶熱既天氣, 呢杯Sangrita就幫到手, 呷一口體內暑氣全消, Cheers ..............打開餐牌, 食物種類包括風味小食, 餐湯, 沙律, 各式三文治, 意粉, 主菜及甜品, 價錢望落合理!晚市時間, 餐廳會每人送客豬仔脆包, 熱辣辣自家製架, 比起外邊買到既內裏包芯食落有煙韌感, 外皮香脆, 你睇下我隻
呢間新開既葡國菜餐廳位於大型商場內, 位置非常方便, 望到咁Sharp醒既鷄就知係呢度啦!
此店原來前身係札根於西貢, 今次落戶係九龍旺區, 想食葡菜就方便得多
內裏裝修以淺木色為主調, 配以淺藍色梳化, 加上燈光柔和, 播住輕快既葡萄牙音樂, 比人一種無拘束感覺, 適合家庭及朋友開餐暢聚一番
呢度比較特別少少, 門口特設小型枱椅, 亦都留意到坐墊特別選用顏色比較繽紛既, 原來呢度係比客人食下午茶/甜品區
每日專業甜品師都會精心造出不同種類糕餅/甜品, 即使你每日幫襯都會搵到新鮮感, 仲有咖啡供應, 係呢度食件餅, 享受杯咖啡都係一件賞心樂事!
呢到供應酒類, 有特式葡國啤酒, 要對抗悶熱既天氣, 呢杯Sangrita就幫到手, 呷一口體內暑氣全消, Cheers ..............
打開餐牌, 食物種類包括風味小食, 餐湯, 沙律, 各式三文治, 意粉, 主菜及甜品, 價錢望落合理!
晚市時間, 餐廳會每人送客豬仔脆包, 熱辣辣自家製架, 比起外邊買到既內裏包芯食落有煙韌感, 外皮香脆, 你睇下我隻餐碟上既碎塊就知有幾脆!
豬仔脆包
25 瀏覽
1 讚好
0 留言
既然有豬仔脆包, 就叫個葡式薯仔花菜湯黎伴食, 選用葡式馬鈴薯及葡國臘腸, 真材實料, 不加味精, 奶及麵粉, 只飲到香濃薯仔味, 而咸味就靠葡國腸"輸出", 質感濃稠, 飲完呢個都半飽! 真係由三至八十歲都岩飲! 哈..哈.............
25 瀏覽
0 讚好
0 留言
或許好多人覺得沙律係件好易整既食物, 但要計算食物既配搭及醬汁既運用都要下一番功夫, 呢客啤梨番石榴沙律, 甜美爽口既番石榴及香甜啤梨混合係清新沙律菜上, 兩者散發著獨有果香味, 再淋上啤梨醋醬汁, 配搭特別, 味道甜中帶少少酸, 非常開胃, 坊間唔常食到!
啤梨番石榴沙律
36 瀏覽
0 讚好
0 留言
傳統葡式拼盤 (二人份量), 包括葡式香腸, 傳統馬介休球, 酥炸魷魚件, 香脆炸鷄粒, 大部份係脆口野, 用黎送酒就最岩; 初試葡式香腸幾香肉味, 外觀同中國臘腸有D相似, 但口感較腍身; 另外個馬介休球味道調教得唔會過咸, 外香內有食薯蓉既質感!
葡式拼盤
30 瀏覽
0 讚好
0 留言
沙甸魚就食得多, 尤其係罐頭果隻, 但原條燒仲要咁大條既沙甸魚就真係第一次食, 貨源黎自葡國, 以傳統方法燒烤, 保證原汁原味! 魚燒至皮香肉嫩, 只需係頭及尾位上界一刀, 然後再係魚身中間界一刀就可以輕易起出魚肉! 咪講笑, 切開時D魚香味更加"擴散", 我諗用手揸住原條食應該仲滋味, 下次試下咁食先!
傳統烤沙甸魚
27 瀏覽
0 讚好
0 留言
27 瀏覽
0 讚好
0 留言
以6個鐘慢煮而成既紅酒燴牛尾(配白飯), 舊牛尾焾到可以骨肉分離, 無需同舊牛尾"博鬥", 肉質香腍又入味, 一客都有4-5舊牛尾, 配以紅蘿蔔西芹塊, 令醬汁酸中帶甜, 用黎撈飯就正配! 超好味!
紅酒燴牛尾
30 瀏覽
0 讚好
0 留言
64 瀏覽
1 讚好
0 留言
黎食葡國菜, 又點可以唔叫葡式燒乳豬 (1/4 客), 伴以沙律菜及肥佬炒飯, 咩係肥佬炒飯?! 呢個飯原來係葡國人聖誕節先會食, 材料有提子乾及彩椒粒, 味道有D似西炒飯! 講返主角先, 乳豬皮燒到脆夾香, 帶點誘人既油光但食起上黎又唔會好油膩! 皮下已經係肉, 唔帶多餘肥膏, 肉質非常嫩滑, 只需用餐刀輕輕一切已可"片"出肉來, 果然係招牌菜!
葡式燒乳豬
91 瀏覽
1 讚好
0 留言
47 瀏覽
0 讚好
0 留言
38 瀏覽
1 讚好
0 留言
呢度有個專業甜品師駐場, 每日新鮮研製不同甜品/糕餅類, 以下呢兩款係佢既推介: 酥皮芒果卷, 造型似一個軟皮錢袋, 以牛油味幾重既酥皮包住香甜芒果粒, 再加上圍邊既自家製香滑忌廉醬, 我口裏說......哇....肥死呀! 但身體卻很誠實, 隻叉不斷將甜品送入口中, 不消10分鐘已經完全KO! (內疚MODE啟動中.........................)
酥皮芒果卷
38 瀏覽
1 讚好
0 留言
說時遲那時快, 呢客葡式西多士亦送上枱啦, 以牛奶浸滿面包先再炸, 呢個功序除左增加香滑感仲可以減少面包索油, 所以食黎黎完全唔覺得油膩, 外面灑上庶糖及玉桂粉, 邪惡程度再爆燈D!
52 瀏覽
0 讚好
0 留言
呢餐應該都係我係香港第一餐食既正宗葡國菜, 有D菜式仲係出自家傳食譜, 保證你係出面食唔到, 食得超滿足!
張貼
