Bakehouse

營業中

休息中

上篇元朗合隆食評提到,24-10-2023 (Tue)老公生日同佢放假,我哋出嚟食個晏先,但我又想食BakeHouse嘅葡撻,所以輕食lunch後,就行嚟呢喥食埋甜品.我哋嚟到時都有六成滿,坐低後睇menu,我問侍應可唔可以叫包食?佢答可以,咁就要:1. $36.00嘅菠蘿汁呢個正3嘅酸甜.2. $36.00嘅番石榴汁清甜,冇問題.3. $12.00嘅葡撻Size唔大,切開食得,佢焦香嘅酥皮又薄又脆,蛋漿餡香甜,我覺得好味,但老公話酥妃皇后嘅好啲.5分4. $38.00嘅芝腿牛角包端上嚟嗅到好香,老公撩開睇,芝腿都好簿,食落酥脆,面上一點點凸起嘅係芝士,成個唔會太鹹亦唔太膩,OK嘅.5分5. $58.00焗杏仁雲尼拿撻呢個等咗一陣至到,Menu寫有無花果,梨同鮮奶油,嚟到睇到,應該叫做批唔係撻啩,個批底好脆,成個味道唔算好甜,白色嗰pat係原味乳酪.呢個普通咗啲.3分服務:會自動俾兩杯水同碟客人Share食.抵食係1.8分

經過好多次買就第一次三點幾去到 排左一分鐘 話要半打葡撻 佢話要4:30先有 正當我行開諗 居然聽到後面果個人好似買到 跟著我即刻問翻佢係咪有 佢先比我 ==之前見個朋友特登過海去買話好好食我就覺得ok😂無咁誇張，啊媽同舅母話太甜😂不過我舅父話好好食😌有家人喜歡就好～

朋友經過舖頭，見到冇人排隊，即刻飛奔去買。呢間舖頭冇人排隊真係非常難得，因為每朝見到都係好多人排隊，至少要等20分鐘先可以買到。今日真係有口福。朋友買咗三個葡撻，抹茶冬甩，提子曲奇餅，洋蔥muffin。葡撻非常好，味道唔似其他舖頭嘅葡撻，因為佢唔係好蘇既。Muffin 好好食，好有牛油同奶味，仲有層次感，個提子乾曲奇，佢唔係平時食開好脆嘅口感，佢係有少少濕濕地，但係又有少少脆，個感覺係好食嘅。個抹茶冬甩，入邊係有抹茶嘅餡，好鬆軟好好食。唔同出邊有啲做到好實，佢係鬆軟。

灣仔人氣餅店，由前四季餅廚主理，用上十多年自家製的酸種麵團，加上牛角包製法，創造出酥脆葡撻。今次終於買到人氣葡撻同埋牛角包，難得外賣冇咩人排隊，就決定放棄堂食拎走， 一買完已經見到後面人龍再現！葡撻成盆係眼前，蛋漿色澤金黃，十分誘人。咬落去餅底鬆脆，牛油味濃烈香噴噴。內裏蛋漿滑嘟嘟，味道唔會太甜，加上吃到焦糖香味，不錯！期望過高！聽說原味牛角包超好食，原味賣晒，只有火腿芝士餡。火腿、芝士完全蓋過牛角包香味，吃不出牛油香氣～麵包買了後20分鐘內食用，但完全沒有酥脆口感，唔講唔知食緊牛角包。