將軍拉麵 (已結業)

最近家姐不停實習麵包機, 今晚陪佢去上海街二記買麵包材料, 住旺角真方便, 要買既都可方便買到.  襯今晚兩姊妹出開街, 順便一齊去搵食撐枱腳.  預先上網搵搵附近可尋味既食店, 以往只有茶餐廳既砵蘭街原來近來開了好多小店, 例如: 西餐, 日式拉麵, 甜品, 燒肉, 火鍋...... 相信是附近越來越多中港大巴站而帶旺了這帶的人流.  幸好, 內地人客潮於晚上已過, 香港人可以悠閒在這裡搵食.  上網見這拉麵店評語頗好, 啱晒我倆姊妹崇日既口味.  門面好易辨認, 掛著紅燈籠配上日式木拉門, 一睇便認出是日本餐廳.  店內位置不多, 大約20個, 還有一個開放式廚房, 頗似日本地道的小麵店唯一一張自成一角既2人枱, 見好多情侶都想坐.但反而我較喜愛我們坐這張練壁思過既長枱, 都是自成一角的, 2人坐好鬆動.這店比起那些日本過江龍麵店, 多了幾款小食及飲品選擇.  拉麵主要分湯底不同, 有鹽味, 醬油, 味噌, 蒜味, 咖哩, 另有一炒麵.  而且沒有像過江龍麵店可以揀麵質, 配料.  唯有相信廚師最好的廚藝.  我較喜愛食蒜, 家姐喜愛麵豉, 所以分別點了蒜將軍及噌將軍.欣賞這店是

和朋友黎到油麻地一帶尋味，地鐵站一出經過這間拉麵小店，由於我們都是拉麵癡所以決定入去一試。門面以木條作裝飾，室內裝修以簡約的日本隨意風格為主，木臺木櫈和半開放式廚房營造一種家既感覺。蒜將軍$80蒜將軍主要材料有叉燒，木耳絲，竹筍片，半熟蛋和清新蔥段，拉面賣相好豐富，撲鼻既蒜香味已令人胃口大開，喝一啖湯，蒜味淡淡然滲出來，香味滑喉，沒有中式蒜般搶辣刺喉，好特別的湯底，是愛蒜既人大愛！叉燒半肥瘦，切得很薄，入口即溶，質地柔軟；半熟蛋入口香滑；由於麵條比較幼身所以掛湯能力強，加上口感彈牙，食到最後唔糊口，配上蔥段、木耳絲和竹筍片一齊食，口感好豐富，每一啖都令人回味！噌將軍 $80味噌湯底鹹度適中. 主要材料有叉燒，蔥段，炒香的洋蔥和芽菜； 由於好多蔬菜既關係，令湯底增添了不小清甜味，一D都唔油膩。和風煎餃子 $36賣相飽滿，面層有好多蔥花做裝飾，好吸引，煎到外層好香脆，內裏係菜肉餡，仍保持鮮嫩多汁！芥末炸雞$34一客大約有五隻，雞翼已預先切半，外層炸到金黃香脆，裡面充滿肉汁，肉質嫩滑，本身已有醬油香，光吃不沾醬也夠味；芥末蛋黃醬汁溫和而不嗆鼻，有畫龍點睛效果，連平日不怎麼愛吃醬汁的我也蘸了很

呢排興同媽子過砵蘭街搵食，今晚就去左食日本拉面，佢最唔喉黃面，又睇下任性口痕既我，改唔改變到佢根深蒂固既口味！！餐廳門面唔細，好近地鐵站，連我呢個路盲一搵就搵到，真方便呀！餐廳坐到廿多人，裝修似日本的簡約隨意風！呢度拉面選擇唔多，不過勝在小食撘救，見到有個叉燒生菜包，其他地方無見過，亦聽都無聽過，咁就梗係要試，好好奇哎！！！可惜太夜去到無得叫lu!!傷心!! 今晚媽叫了蒜將軍，我就叫了金將軍，另外點了巨峰提子乳酸同荔枝乳酸解解喝，荔枝媽說好酸，我好喜歡呀，啖啖荔枝香，酸酸甜甜好清新既口感，而唔係求其加啲汔水溝賣就算，比想中來得要好！唔會太甜十分解喝！巨峰無咁酸，較啱媽子飲，香甜似提子糖咁既味，但無糖既咁甜，飲完好舒服！嗰種甜唔會甜過龍，係喉嚨度好爽yy!!! 雖然今晚就唔係太熱！！蒜將軍主要材料有叉燒，爽口既木耳絲，爽嫩多汁的竹筍片，美味流心既半熟旦，清新蔥段同可口既紫菜，叉燒半肥瘦，肥既部份入口即溶，肉部份肉香撲鼻，質地柔軟，口感完美致極，拉面賣相唔錯，面頭灑上黑芝蔴，湯頭亦超好喝，蒜味淡淡然滲出來，而非中式蒜般搶辣刺喉，取而代之是清爽舒暢的配上青脆的蔥粒，二人對此大讚！我的金將軍一

約了寶寶在旺角晚餐，想試下新的餐廳，於是便在朗豪坊附近行下，就這樣走到砵蘭街的將軍拉麵。門面裝修很別緻，紅色的大燈籠和日式的門面，在砵蘭街內特別引人注目。店內的桌椅以木為主，座位不算太多，大約可以容納20人，不過空間算蠻足夠的。就算坐Bar桌座位上，也不會覺得迫夾。晚餐時間八點多，已經在坐著幾台客人。食桌上都放有七味粉和酸菜(我試過將酸菜加上拉麵一起食，味道原來蠻夾的)。店員都很年輕，我們坐下後，他們立刻送上茶杯。茶是日式的麥茶，茶壺放在桌上可供客人自行斟茶。基本的拉麵選擇有六種，另外還有期間限定的拉麵。我和寶寶各自點了拉麵後，還點了兩個小食和一杯飲品。先送上來的是巨峰提子乳酪特飲。提子的甜味和乳酸味很平均，甜酸度剛好，加上碳酸的汽水，飲落很清新，很適合在炎炎夏日中飲用。寶寶點的是「金將軍」($84)，即是咖喱味湯底。拉麵送上來時傳來淡淡的日式咖喱味，賣相也十分吸引。湯底是淡淡的日式咖喱甜味，應該是在基本的豬骨湯內加入了日式咖喱粉，所以質地很Creamy，但不至於過份稠。配料還有芽菜和洋蔥等，份量蠻多的，豐富了整碗拉麵的口感。另外湯底內還有雞肉和一隻流心蛋。比較意想不到的是蛋是原隻打在

放工接埋老婆在旺角行街。突然懷念日本拉面的味道。跟住打開openrice揾下附近有冇拉面食，跟住就揾到將軍拉面。入到去鋪頭細細間，座位唔多。好熱鬧，等咗大約5分鐘先有位。睇咗Menu選前菜麻醬凍蕃茄($28)。蕃茄味道新鮮，加埋芝麻醬一齊食味道好夾，蕃茄酸中帶點醬香。主菜蒜將軍拉面($80)。拉面賣相合格，蒜香未入口先聞到，真係係睇得又索得。雖然隻蛋有點過火，熟了一點，但味道還算糖心。拉面方面，竹筍新鮮，日式叉燒有咬口。拉面和湯底當然係靈魂，拉面軟硬適中，湯底用料十足，香味夠。

本來想食岩手，但好多人排隊就試附近既將軍拉麵叫左醬將軍同蒜將軍味道我覺得咸左d, 麵底比較普通 我同朋友都比較鍾意食蒜軍，味道香d但總括黎講八十幾蚊一碗，呢個價錢可以食到再好味d, 所以我覺得試一次就夠

搵野食時行過,裝修明顯有落本,主要以木為裝飾,而且店內冇咩客,位置唔多,拉麵價錢同附近快餐茶餐廳比係貴dmenu一頁,拉麵幾款,小食幾款蒜將軍同金將軍,朋友話金將軍一般,重左味d蒜將軍:湯底好飲,麵岩岩好,好彈牙,有溏心蛋同义燒,都幾好味,好多蒜落哂係底個蒜將軍拉麵真係好味,係至今為止好味過其他我食過既拉麵小食餃子好細份,冇咩特別不過位唔多,人一多,食物速度慢,一個waiter疑似老闆,唔記得麵價錢(不過得幾個價錢jor wo),用手擺紫菜入麵度冇問題,因為要快,不過係樓面就會比客睇到lo

個日放低女友同老友去食野，我事先張揚話想食拉麵，老友就帶我由油麻地沿路行去旺角。其實當日有3個option，呢間、前啲果間，同埋有間排好長龍。(唔好意思完全唔記得名)，兩個男人食邊間都冇所謂，跟住咪入左"將軍"囉!地方細細，不過坐得唔太逼。menu選擇唔多，拉麵有6~7款左右，最有趣係款款都係「咩咩將軍」!!老友叫左噌將軍，我就叫左蒜將軍。麵一到，好勁嘅蒜味，湯底布滿蒜香，又不會太搶。而老友既噌將軍，對比我就清好多(竟然)。

老友又約食飯，不過今次食日本拉麵，這間不是甚麽日本過江龍，而是土產師傅本土製作，據聞質素不錯，大家便來支持下。店子小小，在旺角砵蘭街，座位不多，但地方頗骨子，也算寬趟。除主打拉麵外，還有些小食，麻醬凍豆腐，加了香味甚濃的芝麻醬，本是淡淡的凍豆腐也變得很好吃，清爽怡神。麻醬凍番茄，雪得冰凍的番茄，是夏天的消暑食品，肥大肉厚多汁，加了芝麻醬，將平凡的番茄味道變得豐盛，健康清爽，愛吃。也點了些熱小食，和風煎餃子，餃皮煙韌，包著菜和肉，味道不過不失。芥末炸雞，炸至金黃色，香脆外皮，不會太乾，點加了芥末的蛋黃醬，份外惹味。最令人疑惑的是叉燒生菜包，還以為有個包，包著叉燒和生菜吃，原來是生菜葉包塊日式叉燒吃，但味道真的不錯，叉燒用火鎗燒過，表面焦香，脂肪溶化，醬汁獨特，很正！拉麵有多款，分別是：鹽將軍，醬將軍，噌將軍，蒜將軍，金將軍，雞將軍。我試了蒜將軍，是豬骨湯底，加了大量切碎的蒜粒在內，香氣四溢，愛吃蒜的我，大滿足。這碗麵有半隻溏心蛋，木耳，筍和日式叉燒，半融狀態的溏心蛋做得有水準，蛋白嫩滑，湯底亦夠味，夠自然，麵條是扁方幼身，據說是店主多番測試後才揀選，掛湯度高，麵質也爽滑。此外，雞將軍是炒

偶然經過龍蛇混集的煙火之地-砵蘭街，發現到一間頗和風既拉麵店叫將軍拉麵 ,就入去試下,反正想食拉麵!!但呢間野如果唔係去砵蘭街特登去揾，係唔會知個度有間拉麵店。上網揾一揾該店既資料發現唔係好多人去食過...剩係有一些報紙專欄介紹呢間由港人主理既拉麵店,咁唯有順住介紹試下佢既野食...人手拉開木門,鋪仔細細,座位15張都冇,因為近黃昏時段,食既人唔多,計埋我同1個同行,都係7個客人。我地選擇開放式廚房吧檯前坐低,吧檯上面擺左擺放了檸檬、菇、薯仔、洋蔥既食材，都可以當一個裝飾,叧外放左隻米芝蓮車胎人同擺放住播放座播電話入面既日本音樂。左邊都放左將軍擺設同歴史書,叫做回應下個店名啦~睇番Menu,所有拉麵既名字,都用將軍做名,提供鹽、醬油、味噌、蒜香、咖喱等口味,價錢最平七十幾,最貴都係九十蚊唔駛。小食有沙律,豆腐,煎餃子,炸雞之類，選擇唔會好多。最後我揀鹽將軍,同行揀左蒜將軍,另外叫左個芥末炸雞。等左一段時間,終於有得食啦~ 鹽將軍($76):材料有叉燒,木耳,紫菜,蔥,芝麻,仲有檸檬!!係日本一D鹽味拉麵請你食檸檬係唔出奇既~食拉麵要試下湯底先...用海鹽、配合豬骨湯，再透過檸檬既酸,

從朗豪坊向砵蘭街走，沿途看見不少黃色事業場所，走了兩、三條街就抵達將軍拉麵。拉麵店只有十多個座位，裝潢簡單，座位偏窄。拉麵有六款，包括鹽將軍、醬將軍、噌將軍、蒜將軍、金將軍和雞將軍。蒜將軍拉麵有大量香蒜、半隻溏心蛋、木耳、香蔥和豚肉义燒。蒜香味道濃郁，溏心蛋做到流心效果。薄身即燒的豚肉义燒肥瘦均稱，口感軟熟，醬汁香濃而不鹹，油香撲鼻。麵條較幼身，麵質像中華拉麵。噌將軍拉麵則沒附有溏心蛋，味噌湯底香濃而不鹹，配料多，义燒入口即溶。唯一缺點是麵條不能選擇軟硬度，這麵條較軟身。

近年香港的拉麵店愈出愈多。有日本拉麵名店，有飲食連鎖店，亦有地道小店。偶爾發現了這家隱藏在旺角的「將軍拉麵」。由於舖面不大的關係，如果不是刻意去找，很容易就會擦身而過。跟很多拉麵店一樣，ＭＥＮＵ上只得幾種拉麵。我們一行二人，分別點了「鹽將軍」跟「蒜將軍」。「鹽將軍」的麵身比一般拉麵硬身。（假如是跟能夠選擇麵身的麵店比較，它是介乎＂適中＂與＂硬＂之間）湯底很特別，有數片檸檬，味道相對的淡，卻有種清清的感覺，不會覺得太油。叉燒口感不俗，味道適中，跟湯底很夾。它跟一般標榜正宗的日本拉麵不同，然而各樣材料配合在一齊，一點也不遜色。要注意的是店內位置、空間都不多。總括而言，這裡的拉麵很特別，值得再去試。