上海婆婆 (已結業)

難得有家人由加拿大返港，咁咪出下街食下飯，我地因爲要就一就老人家，所以去左綠楊食飯，家人偏好食上海菜，近近地冇得揀就決定黎食上海婆婆。蒜泥白肉：幾好味，但腩肉真係好薄.....個汁好味，但有別於我食過其他地方嘅蒜泥白肉，但好少蒜同埋係唔辣。鍋貼：皮好厚個底部亦冇煎到香脆，上檯時只係溫暖唔係熱，差不多四十蚊一碟得3隻...仲要唔好食。炸醬麵：面條係一舊舊痴埋，但個炸醬幾好味，不過都係一樣好細份。咸蛋炒四季豆：呢個係全晚最好食嘅餸，起哂沙一樣嘅咸蛋黃包住每一條四季豆，但又唔會奮咸，好惹味。上海粗炒：好咸，好多汁係底，成碟面好濕，菜多少肉，一隻手可以數到有幾多肉係入面。小籠包：呢個不過不失 但唯一都係唔夠熱，入面嘅上湯係夠嘅，肉嘅調味都剛好。 鱔糊炒年糕：好重味，好大陣胡椒粉味，令人食完要飲成杯水先得。生煎包：同鍋貼一樣冇煎到個底香脆，一樣只係暖而唔係熱，入面嘅肉好細，成個包都比一般出面食過嘅細。上海炒面：同粗炒一樣冇咩配料，佢再用上少少豆瓣醬去炒，所以比起粗炒更咸。南瓜餅：一碟四個，面頭有椰糖，入面係紅豆蓉，塊皮係南瓜搓成，南瓜味係完全食唔出，似係一舊粉糰比人拎去煎。我知係香港食上海菜普遍

好耐無飲過中午茶了 難得平日放假當然要做下孝順女 同媽媽飲過茶啦新開左間上海婆婆喎 唔洗等位 緊係即食啦有個套餐優惠 一個拉麵+點心都係$63唔係唔叫啊 我地緊係㨂擔擔麵同小籠包啦人手拉嘅麵條真係特別彈牙 湯底麻香味濃小籠包即叫即蒸 滿滿嘅湯汁 正糖醋魚係我至愛之一 不過平時少機會食喜歡佢酸酸甜甜 唔太膩 魚塊香脆蒜泥白肉係好食嘅 白肉切得超薄不過略嫌唔夠辣 食得唔夠過癮最後當然要食高力豆沙啦 等左15分鐘哇 無失望 蛋白炸得超靚 係耐以黎最好食的