望月樓

營業中

休息中

三個人都有選擇困難症，就揀個$898二人套餐加個生炒糯米飯算了。蒜泥好香但係少咗啲，醬汁味濃，豬肉唔嚡，很好的前菜。豬肺要好花時間去處理，所以要慢慢品嘗。湯夠熱，有三嚿豬肺同少少菜，有淡淡杏仁味，鹹淡適中。同川菜差好遠，少辣唔夠麻，魚片細塊都算滑，有薯粉同金菇。份量足夠，好多蝦乾，多啲蝦醬會更香。當係一個小食，餡料爽口，煎得香脆，清清哋的上湯。甜品都係杏汁，唔係好甜。希望下次有第二種糖水或湯水。今餐最好食嘅，飯炒得乾身，臘味粒夠多，味濃但唔太鹹，但最後都食唔晒，要攞返屋企。

星期日同長輩去又一城望月樓飲茶，呢度有唔少comment話服務麻麻，呢一日去食我又覺得冇咩問題，不過去到三、四點都仲好旺場。望月樓出名食嘅點止係精緻點心，仲有環境同氛圍，所以價錢唔平，不過長輩就食得好開心☺️。蒜泥白肉薄片白肉加上薄片青瓜，口感特別，再加埋底嘅醬料味道豐富，蒜泥剁得夠細緻，溝埋一齊好好食。芙蓉海鮮芋角絕對係新鮮炸起，好酥脆，餡料豐富，芋蓉好滑，食到有帶子同埋有肉粒。雪山叉燒焗餐包正常發揮，不過同出邊嘅雪山包唔一樣，個皮唔係好脆果種，但係好薄一層。瑤柱帶子菜菌餃唔係好食到有瑤柱同帶子，反而有蝦，食落都爽口新鮮。蜜汁叉燒腸粉皮薄，好滑，入邊嘅餡料好足，有好多好多叉燒，完全冇肥肉👍🏼。望月焗豬扒飯呢個有驚喜，冇諗過飲茶有焗豬😂，有埋「望月」兩個字明顯係招牌菜。👦🏻好開心，因為係佢至愛，好足料，面頭仲要有隻煎蛋。個蕃茄汁係中式鴛鴦炒飯嘅蕃茄汁，即係類似傳說中嘅螢光汁，唔係平時快餐店焗豬嗰種鮮茄汁，冇青豆要加分，但冇菠蘿又要扣分😂。魚湯青菜缽有驚喜，因為份量十足。菜心清脆鮮嫩，加上魚湯湯底好好飲。

同家人一行11人食晚飯, 人多食中菜比較方便, 有圓枱大家都傾到計, 大枱在大門旁邊，好適合家人聚會。姪女話望月焗豬扒飯係必食菜式, 未食前諗樓上food court 焗豬先幾十蚊, 邊洗俾二百幾蚊喺度食焗豬。點知呢碟焗豬飯好有驚喜！厚切豬扒肉質非常鮮嫩又夠淋, 鮮甜蕃茄汁加上新鮮蕃茄、流心荷包蛋, 洋蔥和芝士, 味道一流！大家都大讚好食, 好味到點多一份👍🏽 一份焗豬飯足夠6-8個大人分享。無花果咕嚕黑豚肉都好食😋 酸酸甜甜, 菠蘿清新, 咕嚕肉外脆內嫩。點咗半隻新鮮脆皮吊燒雞都係好好食, 雞肉好滑嫩。酸菜煮桂花魚(大) 魚肉好滑嫩, 菇都幾多, 湯底無辣椒但都有dd辣。豉汁帶子蒸豆腐, 豆腐好滑溜。豉汁蒸白鱔魚魚肉好滑又彈牙, 不過鱔魚體型較細小。餐前小食有蒜泥白肉和三色素鵝。甜品翻沙芋條好味！一上枱熱辣辣, 外層好脆, 沾上糖粒甜甜哋, 中間心都好熱, 又充滿芋頭香。桂花白糖糕桂花味較淡, 係少有比較貼近傳統做法的味道 鍾意白糖糕的朋友可以試。甜品也點了芝麻卷和花生湯圓。

The Murray紅棉嘅黑毛豬焗豬扒飯好出名，相信唔少朋友都聽過，不過就未必人人捨得比成五舊水食💸畢竟焗豬本身係好平民嘅茶餐廳食物🙈望月樓來自同一集團，我定期返去報到，除左因為點心精緻，最主要係佢嘅焗豬扒飯好食到冇紅棉十成都有九成，但價錢就唔洗一半！誠意推介大家試下，以下重點推介我最鐘意嘅幾款（對上一次去時冇左金沙鵪鶉蛋燒賣，有冇人可以話我知點解😭）：🍅🐷🍚 望月焗豬扒飯 $𝟚𝟘𝟠 (𝟙𝟘/𝟙𝟘)厚切黑毛豬扒有六七件，好大件而且肥瘦適中，炸完後仍然嫰滑鬆軟。飯底乾爽，面層鋪上酸甜嘅鮮茄汁同多種芝士一齊焗。焗飯本身配一份半熟荷包蛋🍳蛋汁撈埋落飯度，味道豐富而唔油膩。建議六人以上share的話可以加$18加多一份荷包蛋。每次帶朋友去食佢地都拍哂手掌，必試🙌🏻🥕🥬 三色素鵝 $𝟠𝟠 (𝟡/𝟙𝟘)又係每次來嘅必點，腐皮包紅蘿蔔、菇同菜，色彩繽紛見到都賞心悅目！🧄🐷 蒜泥白肉 $𝟙𝟛𝟠 (𝟠/𝟙𝟘)坊間嘅蒜泥白肉一般比較重口味，咬一啖已經想飲水，依度嘅蒜泥白肉中間夾左青瓜片，醬料調味亦恰到好處，有蒜味得來食落有清新感。建議平時比太咸嘅蒜泥白肉嚇怕嘅朋友比次機會佢。⚫️ 生磨芝麻卷 $𝟝𝟠 (𝟡/

去望月樓飲茶🫖 每款食物都好好味😋 三色素鵝($88)係凍食，包裹🥕紅蘿蔔、🍄菇同海草，可以點香醋，色彩繽紛又開胃😋第一次飲茶有焗豬飯提供😂 招牌🐷望月焗豬扒飯($208，+$18可加荷包蛋) 配炒飯底，份量非常多，鮮茄醬汁香甜帶微酸，豬扒脂肉均勻，十分軟嫩，焗豬愛好者必食👍🏽同其他餐廳比較，望月樓嘅🦑椒鹽魷魚鬚($98) 炸粉較薄而酥脆，魷魚鬚亦爽脆，推介👍🏽蒜泥白肉($138) 腩肉唔算好肥，內裏夾瓜，蒜味十足，好好味😋甜品點咗◾️生磨芝麻卷($58)，黑芝麻味香濃，非常滑溜🥰 另外亦點咗🥜真係花生湯圓($58)，薑湯味薑味十足，湯圓表皮軟糯而滑，內裏包裹花生粒，好好味另外亦點咗豬手、燒賣、小籠包同無骨雞翼非常滿足又滿意嘅午餐😋🤰🏽 建議4人或以上去，可以點到多啲款式嘅食物😍

We had chosen the set menu for 2 for around $880 (after other costs), they have options of selection (out of two) for three of its set mains. The food although may seems a bit expensive for a Monday night out, but definitely worth a try.  Highlight: "Expert fried rice - 高手炒飯"P.S. the set also include a dessert for each person (option between two) which I have not include a photo of.