爆汗串串 (已結業)

經常會聽倒嗜辣嘅朋友話想食四川麻辣串串，講緊嘅唔係串燒，而係浸咗響麻辣汁料入面嘅串串，即係麻辣燙？🤔 香港可以坐低慢慢食嘅呢類型餐廳少之尤少。一直好奇到底係點樣，今次朋友竟然搵倒間超抵食嘅正宗成都麻辣串串放題小店😍 帶蕃薯妹嚟試吓～呢度嘅放題分三個時段，早鳥17:15-19:15同埋宵夜21:30-02:00仲要超抵價$128一位任食，如果想任飲埋啤酒汽水都只係需要加$30！平到笑🤤我地食宵夜時段，9:30pm入座都要等咗15分鐘左右，食客比較多大家記住book位。麻辣串串好特別，Order咗第一轉，揀咗大家心水嘅麻辣程度之後，佢就會有一大碗麻辣湯汁同串串一齊上檯，之後再Order嘅時候就會將串串放返入個大碗入面，都幾有特色😮😮 串串類嘅話我特別鐘意食嘅有：萵荀 - 好鮮甜爽口；成都小香腸 - 其實有少少似幼版蠟腸；鴨舌 - 好好味有口感；千層肚 - 非常之正嘅配搭，好有口感；土豆 - 麻辣湯一定要食土豆，呢度嘅土豆都幾爽口唔會太淋。其餘嘅串串都好好味～ 除咗串串，呢度仲有啲小食、湯麵同埋甜品。小食類嘅麻辣鴨血我足足Encore 咗三次🤤鴨血口感黏稠煙靱，同麻辣係最佳拍檔。甜品係成都老

以前係澳洲既時候，第一次知道有串串香呢樣野食，果時係澳洲試過覺得好得意，一串串細細串咁食，香港果時仲未有，但香港呢個美食之都當然好快都有串串香打入市場，第一次係香港食就揀左呢間不少好評既「爆汗串串」，估唔到成都既串串都有放題食，有菜有肉，超過35款選擇，仲有冰粉、麻辣/蕃茄牛肉麵、棒棒雞等等都係任食，今晚要刺激下腸胃！環境店舖細細間，座位不多，位與位之間較逼，屬小店形式經營，不過衛生無問題，好企理乾淨，店員招呼亦不錯。提供圍裙麻辣串串放題 $128起 (需加一)如果食19:30-21:30果場黃金時段就包埋小食任食，否則加$30飲品任飲，加$20任食5款小食。任食成都串串、冰粉唔指明就默認中辣，湯底係用來自成都既香料，例如紅花椒、草果、印度椒等十二種配料，仲加入豬骨、雞骨熬製五小時，再加成都秘製辣椒油，呈深紅色。選擇頗多，必食回本既有牛肉、牛根丸、雞柳、雞腎、五花肉、魷魚、煙肉金茹等等，牛肉頗腍，似打邊爐果種嫰牛肉，五花肉大大塊，牛根丸、花枝丸都好好咬口。而菜類我就會揀索汁既西蘭花、豆卜、娃娃菜等，對食得辣既我嚟講中辣都唔算好辣，但有麻味，可以頂下辣癮。冰粉好滑溜，加左米酒同埋有類似梅

之前返大陸試過串串香就一試難忘，而家竟然比我發現香港都有得食串串香，即刻同朋友去試試。去到果日好好彩，最後果2個位都比我地坐左，我聽到之後入黎既顧客要等到9點半先有位。第一時間就揀左蓮藕、黑木耳、白蘿蔔呢d必點既串串，容易索到d辣汁。蓮藕同黑木耳咬落夠爽脆，白蘿蔔夠淋又無渣。串串辣就好夠辣，但如果有麻既感覺會更好。除左串串之外，仲有其他小食同湯麵，所以唔驚淨係得串串食會唔飽。蒜泥青瓜 - 微辣，蒜味比較重。招牌牛肉麵 - 怕樣樣都食辣會頂唔順，所以揀左豬骨湯中和下。味道好有返大路食d小拉麵既感覺，牛肉都算多算大舊。缸缸火鍋粉 - 好辣，基本上每食幾啖就要飲水，但飲完依然係覺得好辣，可能呢d先係正宗既火鍋粉。由於太辣既關係，忍唔住要叫返碗成都老冰粉解下辣。食落係有種透心涼既感覺，同埋真係好解到辣。另外店家好貼心咁準備埋圍裙比大家。

這間正宗成都爆汗串串香放題，在假期中坐滿了很多客人，更有客人排隊等候！好感恩不用等很久！晚餐放題有不同時段不同價錢，大概$128-168，以黃金時間19:30-21:30包埋小食任食，其他時段就加$20。這2小時放題包飲品、串串麻辣鍋、小食及麵食，好多款又豐富喔！飲品有汽水、豆漿、有氣咸柑桔、竹蔗茅根水、啤酒等等選擇，清熱解毒解辣又涼爽冰涼；小食有5款選擇，小小碟可以食完再點。1. 蒜泥青瓜爽脆咸香拍青瓜，蒜泥香又濃2. 捧捧雞我喜歡這個捧捧雞，去骨又嫩滑雞肉好入味，再配下面切條爽脆青瓜絲，麻醬好香！3. 麻辣鐘水餃三角形好特別的餃子，皮好薄又煙韌、滿滿的肉餡好香又彈牙、麻辣醬汁好火辣又野味男友好鐘意食，點完再點！4. 飲料任飲的，有豆漿、汽水、竹庶茅根水、有氣咸柑桔、啤酒選擇，好冰凍涼快又清熱降火串串是用以麻辣醬汁放在一個中式大碗內，一串串食材用竹櫼串起放在醬汁內，如果喜歡更辣的可請老闆娘加辣；食材有好多款式，有肉類（肥牛、雞柳、雞珍等 ）、丸類（如：貢丸、魚旦、魚片頭）、菇類（如：鮮冬菇、秀珍菇）、蔬瓜類（篙筍、蘿白、蓮藕、海帶、腐竹等）美味又香辣，好開胃喔！5. 成都老冰粉必點

之前系網上見到有時爆汗串串，有散叫，又有一串串放題任食價錢又大眾化，個湯底香料是從成都運過來。今晚選擇放題任食$168/一位，加$30可享飲品任飲和加$20可享五款小食任食。一串串有成30幾種包括：牛肉，牛肉丸，鴨舌，雞珍，雞肉，成都小香腸，雞肉腸，花枝丸，魚片頭，炸魚蛋，海帶，腐皮，魚皮餃，西蘭花🥦，娃娃菜，秀珍菇，豆卜，土豆🥔和南瓜🎃等。一串串送過來就香噴噴，辣味適中成都小香腸又好好有咬口又香，百葉豆腐又香索了辣汁的湯，雞珍又好爽，鴨舌又夠淋又入味。再點第二次店只用個兜拎過來將一串串放在辣汁的兜里，味道依然夠味道，一串串沾到汁好香又好味道。小食蒜泥青瓜夠入味又爽口。麻辣千層肚真是夠麻辣又有咬口。成都老冰粉真是解辣的甜品，老冰粉又不會太甜，好似啫喱好好味好特別甜品。

嚐辣的-都是有故事的人...就係因為門口呢句說話，引領左我入黎食野好，先黎個蒜泥青瓜，超多蒜蓉，好惹味喔；見枱好多張枱都有嗌棒棒雞，我都唔好執輸先雞肉有咬口，有別於其他食店嘅雞絲，食落完完全全係雞條嘅感覺，配上芝麻＆麻醬，底層再鋪上青瓜絲，我地2個女人仔食到停唔到口喔麻辣汁滲左入d肥腸同餐肉花枝度，大腸好乾淨而且肥美，再夾埋好煙韌嘅粗薯粉食，真係不得鳥餃子食落有d似平時食嘅肉燕餃，跟住送上燈胆型烏梅汁，我地即係變左bling bling眼，好打耳喔最後嗌左個成都老冰粉，透明嘅應該係蒟蒻，一定要攪勻先食，因為有提子乾，山渣條同埋酒米仔鋪面，攪勻後會有少少酸嘅味道，同埋再有淡淡嘅酒香為我地呢1餐劃上完美句號

天氣凍冰冰食點辣最正不過! 今天同個friend 去爆汗串串, 聽到個名都夠hot! 我地點左個冷鍋串串, 當中有雞有牛有腸仔有海帶有瓜, 好好食! 重點是個汁好味, d 食物很軟熟又滲哂汁。我特別推介腸仔, 好似臘腸, 好惹味! 食住辣要叫d 清熱涼伴平衡吓, 唔少得蒜泥青瓜, 青甜爽口, 蒜香味濃。必定要食蔥油雞, 有蔥有花生粒好惹味, 而且雞很滑, 有特色。另外點了個酸菜豬肚麵, 開胃得來味道濃, 加埋腐皮, 黑木耳, 牛根丸, 白蘿蔔同萵苣, 豐富又好食。點埋d 烏梅汁, 王老吉, 爽住咁走!

慘慘又抽到返夜地獄更😵趁未落地獄前拉埋女友去吃個最後的午餐先🙈位於旺角廣華街既爆汗串串🍢💦喺油麻地站A1出口行過黎亦十分方便😆環境簡約既設計🙈簡約中壁畫以卡通形式宣揚「爆汗文化」🤪💦「辣串火爆 激汗揮灑」😏🍢🔥💦呢句口號亦盡顯爆汗Style🤣爆汗牛肉麵因為小肥腸胃唔好所以叫左唔辣既豬骨湯底🐷🙇🏻‍♂️牛肉麵內另外再Order左幾款餸菜🤪以雞蛋豆卜腐皮同丸類做加配亦相當豐富🤩而主角牛肉既味道亦十分惹味🐮😋有濃郁既牛香之餘🤤🐮配合秘製醬汁慢煮亦帶出微微辣香☺️幼身麵質食落亦爽口☺️🍜清湯水餃以大大碗一口水餃裝盛上枱亦夠份量🤤🥟餃子皮都算薄身之餘🤤🥟內裡肉餡脂肪比例均勻唔會太過肥膩😆肉質都夠滑嫩Juicy的☺️蒜泥青瓜口感爽脆Juicy既青瓜🥒😋配合濃郁既蒜泥味道一流之餘🤤配合酸酸既醬汁食落亦更開胃😋棒棒雞有啲似雞絲拉皮亦感覺🤪🐔嫩滑既手撕雞配合濃郁既沙律醬🤤灑上芝麻增添口感之餘🤤配合青瓜食落亦可去膩及帶出更多爽脆口感☺️🥒