青花亭 (已結業)

門面睇落唔似餐廳，簡單白色外牆，冇大招牌。門口由白色拱形外框，店名細細個釘係左邊。店內裝修主要青花圖案，木坑紋桌面，別具一格。小編冇book位，去到啱啱開舖，好彩walkin仲有位。✨味道86分，環境78分，價格中上。.主食+$25配餐湯，飲品🔸蕃茄湯⭐️小編愛蕃茄，唔鍾意酸嘅朋友可能飲落覺得好酸，超濃蕃茄味，好足料，飲落好多茄茸。.🔸台式黑椒一口和牛炒扁意大利粉($118)炒出嚟好香，扁意粉韌度不錯，有咬口，一口牛食落幾香牛味，肉質咬落唔會好韌。.🔸露筍黑松露野菌忌廉汁鮮蛋意大利麵($128)⭐️鮮蛋意大利麵食落個感覺有啲似伊麵，露筍好鮮甜，又爽脆，野菌份量好多，好香黑松露味，汁嘅份量啱啱好，稠身，最怕搞到成個意粉都浸汁咁。.🔸蒜片海蜆羅勒牛油汁鮮蛋意大利麵($148)⭐️海蜆鮮甜，唔腥，一粒沙都冇，汁望落好稀，個食落好香羅勒香，又有蜆既鮮味。

有時候飲咖啡但求有一個空間，為身心提提神，這裡的Flat white很順滑，奶和咖啡完全融為一體，喝完一口會令你急不及待再喝下一口，它的絲滑質感令人喝得很舒服，不自覺地慢慢放鬆下來。一踏進店內聽到「忘川」，看著具有青花瓷特色的環境，便感受到店主定是個有品味的人。食物質素亦很高，「芝士黑松露薯條」的拌醬很美味，「泰式番茄帶子他他，脆多士」很有驚喜，多士上的爽口蝦肉調味得非常惹味，「蒜片海蜆羅勒牛油汁鮮蛋意大利麵」的蜆很新鮮，意大利麵亦真吃得出蛋味。店員服務態度很好，不時添水，讓我和好友可以自在地暢談。

早排見到呢間餐廳告急就訂枱同朋友黎食個下午茶，食物質素其實唔錯，不過中途有啲小插曲影響當日嘅用餐體驗，不過講左食物先，有興趣嘅可以睇到最後。🍽嫩滑雞胸意大利醬汁意大利飯主食可加錢轉套餐，包湯同$40嘅飲品，轉其他飲品可補差價，是日餐湯係西蘭花湯，正正常常。意大利醬汁其實係甜啲啲嘅番茄醬，夠晒多汁，飯粒無煮到risotto應有嘅硬度，食落似燴飯多啲，但味道唔錯，雞胸都做到個名所講嘅嫩滑。🍽蒜片海蜆羅勒牛油汁鮮蛋意大利麵呢款用上鮮蛋麵，似係油麵味道嘅扁幼麵，醬汁幾濃牛油味，帶少少蒜香，雖然望落似湯咁但掛到汁，一碟有五六隻蜆，有朋友話佢食個隻有啲腥，但我食左嗰兩隻又無事，兩款主菜我同三位朋友各有所好。🍽黑松露芝士薯條呢碟係店員送嘅，薯條熱辣辣炸起，呢個粗幼度咬落會食到薯蓉，面頭撒上黑松露醬同芝士碎，蛋黃醬入面都有黑松露，份量夠大又好食。🍽黑芝麻… 嘩！呢款係黑芝麻心太軟配雲尼拿雪糕，我地一心以為成個心太軟都係黑芝麻，但原來只係個餡係芝麻，外層係朱古力，睇相會知切開流心效果唔明顯，芝麻味淪為配角，要淨係挖個餡先食得出，如果當佢係普通心太軟咁食其實ok嘅，朱古力味都幾香濃，但如果係一道芝麻甜品就

假日關係，同好友相約晏少少既時間食lunch。一早打左電話泥book，為左影相所以講埋想book二樓，去到唔駛排隊..我地點左：💛 蒜片海蜆羅勒牛油汁鮮蛋意大利麵 Clams, whole-egg pasta in Garlic Basil butter sauce呢個真係好有驚喜好好食，海蜆大大件，醬汁好juicy，意大利麵吸收左醬汁同蛋汁好入味，蒜香味濃，加埋羅勒好清新！其實我一向比較少叫蒜味意粉果類，因為覺得比較簡單同乾，但呢個組合好好食，我同好友都俾滿分💯..💛芝士黑松露薯條 Cheesy Black truffle fries薯條好香口，熱辣辣，配埋芝士醬🧀一流！再加上薯條上灑了黑松露，好香，估唔到黑松露既香味配搭芝士又幾夾！..💛脆香香辣雞翼配韓式辣柚子醬 Spicy crispy wings in Korean yuzu chili sauce雞翼燒得外脆內軟，肉質軟滑，好香，點埋韓式辣柚子醬好清新，酸酸甜甜又唔會太辣，好開胃..💛朱古力鮮奶咖啡 Mocha杯咖啡一來到，嘩左一聲，個杯好得意！高貴感即刻有！呢個我要讚下，係環保既大前提下，好多餐廳都轉左唔會主動提供飲管，但