Pizza Pan

營業中

休息中

之前嚟過鴻圖中心知道佢好似food court咁有幾間食店，所以同fd黎睇下，揀左呢間pizza 叫左一個$158二人套餐 (1 pizza 1意粉 4隻雞翼 2飲品)，另外加左兩個是日餐湯 + 蒜蓉包 (套餐 +$8)蒜蓉包夠晒厚唔算好熱辣辣，帶有小小焦香同蒜蓉香味。因為夠厚既關係，用佢索住湯汁咁食又有另一番風味。菜湯都幾多配菜，味道適中唔會太重味雞翼有少少痴底但無影響佢既味道同肉質，依然嫩滑。Pizza A5 挪威煙三文魚餅邊有2至3cm 厚，口感鬆軟煙韌。煙三文魚份量幾多，而且分布平均，煙熏味濃郁。而餅底麵粉味味好香，芝士多到可以做到拉絲效果，亦好重乳香味。番茄醬唔會太酸搶左三文魚既味。B7 松露醬帕爾馬火腿長通粉 (轉意粉)黑松露味香噴噴之餘食落都有好濃郁嘅松露醬汁，令人好想繼續食☺️ 仲有有點咸咸的帕爾馬火腿唔想飲汽水所以揀左 fresh tea荔枝茶 Fresh Lychee Tea / 蜜桃茶 Fresh Peach Tea (+$8)雖然味道比較淡但係勝在夠Fresh同感覺好健康兩個人普通叫一個二人餐真係好抵，而且仲要夠飽肚，想平平地食個晚餐係唔錯既選擇。

今日比老公放左飛機嬲嬲地又一個人係觀塘唔知食咩好又唔係好識路就去左鴻圖中心個小型food court食個簡單dinner因為老公之前帶過我黎食飯所以淨係識呢度(°▽°)入面係希臘外島既環境好懷念去旅行既感覺(´༎ຶོρ༎ຶོ`) 到最後見到間pizza pan見到佢pasta set都幾多種類選擇所以就決定揀左佢嗌左個B9三文魚蘆筍忌廉汁長通粉 $66轉埋蜜桃茶+$6 下下火由於嬲嬲地 要化悲憤為食量加埋雞翼+$10同蒜蓉包+$10！ 第一啖就食個蒜蓉包 唔係話十分熱但出奇地脆同好香牛油味！好正！ 我本身係雞翼愛好者佢個雞翼熱辣辣，又香又正，皮邊脆脆地！差d想叫多份嚟食(๑˃̵ᴗ˂̵) 到主菜pasta 香草味濃三文魚正常水準長通粉煮得岩岩好唔會太淋 幾有口感令我驚喜係配菜蘆筍 好好食 無渣架 好爽脆！食晒d野之後再飲返個蜜桃茶下下火佢係支裝 個人覺得都幾好幾衞生同埋都幾大支 飲完啲凍野涼浸浸即刻怒氣全消！(´∀｀*)

觀塘巧明街鴻圖中心地下的愛琴坊有幾間小店， 小小的一個food court， 環境乾淨。 今次放工一於試下Pizza Pan， 中午經過見到套餐好抵吃，二人套餐只需$158 已經有雞翼兩隻＋蒜蓉包兩塊、 北京烤鴨薄餅、 松露醬帕爾馬火腿長通粉、 桃茶$8、荔枝茶$8。⭕雞翼兩隻＋蒜蓉包兩塊～ 小食有肥美雞翼兩隻， 兩件脆卜卜的蒜蓉包。⭕北京烤鴨薄餅～ 烤鴨似煙鴨胸的口味， 配上青瓜、 芝士和海鮮醬， 另有一番風味。⭕松露醬帕爾馬火腿長通粉～ 松露味道好香濃， 鹹香味的帕爾馬火腿份量多， 充滿松露醬的長通粉特別美味。⭕桃茶 ＆ 荔枝茶～ 兩款果茶解渴而不甜， 清清地。Pizza Pan 價錢相宜， 當晚見到有很多客人， 小店的威力都很大。😊

午餐時間去到觀塘，四圍都超級多人🤣🤣去到巧明街同鴻圖道交界 見到有個小商場地下嗰度有好多唔同嘅餐廳雲集晒係一度自己未試過喺嗰頭食嘢，一於入去see see搵到依間西餐價錢都幾抵 一於試試佢😃我地點咗一個2人套餐有雞翼，蒜蓉包各二意粉我哋點左三文魚蘆筍螺絲粉，仲有一個pizza添都係每人八十幾蚊，相當抵食！喺餐牌見到有北京填鴨pizza 真係有嚇倒🤣 咁特別一定要試吓！佢哋用料十足！滿滿嘅芝🥰 鴨肉配上爽口嘅青瓜 令人口感更豐富亦唔會咁油膩味道真係好創新🤩 滿意螺絲粉嘅軟硬度適中，每一粒螺絲粉都有掛到白汁，蘆筍亦都好柔嫩，完全冇生渣💚餐飲方面甜度亦都適中，十分解渴☺️有機會一定會再嚟試其他味道嘅Pizza🥰

心多多又為食嘅我，揾到一間抵食又多選擇嘅Pizza店👉🏻 Pizza Pan餐牌會令人花多眼亂😂🐟三文魚露筍忌廉汁長通粉三文魚肉夠多，長通粉煮得恰到好處，又唔會太硬，又唔會太腍，食落每啖都掛滿忌廉汁！露筍夠爽口！不過味道較為鹹咗少少！🍕北京烤鴨拎起件pizza好有驚喜，拉出一條好長嘅絲，咬落勁脆，勁重芝士味！雖然叫北京烤鴨，但鴨胸配蕃茄芝士，意式味偏重，真係味道不似預期🤣但都好好食😋如果鴨胸肉多返啲就完美嘞🤩🧄🍞蒜蓉包金香脆口嘅蒜蓉包，食落又唔覺得好油，我鍾意❤️🐥雞翼中規中矩呢鹵水雞翼，味道尚算ok🧉健康水果茶（荔枝味）入口充滿清香荔枝味，少甜得嚟又可以解到油膩嘅感覺，值得品嘗👍🏻

觀塘友返工咁辛苦，究竟附近有咩好西可以繼續吸引佢地繼續留低呢？相信呢間pizza店都有份。喺新開嘅food court入面，有間平民價但遊埠級數嘅意大利嘢講真，開頭睇到價錢都唔抱有期望，平平地醫肚就算啦，但呢碟長通粉狠狠地打開大胃嘅胃口水果茶味道相當清新，加$8都抵呀中意混合嘅北京填鴨pizza，出奇地吻合醬料應記一功，芝士都好足呀蒜蓉包大塊又有味，如果有湯就好喇雞翼好大舊，煮得幾嫩幾入味呢度啲pizza即叫即整，果然唔同啲食落溫度啱啱好，又夠晒煙韌大胃食完再唔相信呢個世界下下都要等價交換，原來平嘢係有好嘢㗎