泰拍耶

營業中

休息中

係AEON 地庫層近家品區同cashier位置座位超闊落又好座 裝修設計都幾泰式同舒服靚女侍應對答好生鬼 仲會問清楚有冇咩特別要求盡量滿足服務態度真係勁親切 推薦既豬手真係超正！$358 2人海鮮精選套餐頭盤簡左好多人推介既 （酥炸皮蛋皮蛋經特別處理冇左平時好難聞既刺味外層包上厚身彈牙既蝦滑再拎去炸 外脆內軟又彈牙味道有驚喜主菜係靚女推介既 （家傳泰式滷水豬手估唔到一上枱勁大碟 肉既份量未切都見到超多食左好幾轉仲剩大量肉未切 份量根本係4人先食得晒！豬皮滷到勁淋又q彈 而豬手肉又唔會太乾柴恰到好處每一刀切落去都唔使太大力 切左1/4已經塞滿全碟秘制滷水汁已經同豬手好夾 沾埋另付既泰式辣汁更係另一風味稍為酸甜中辣令到胃口大開 即使咁大量既肉都唔會越食越膩湯）椰汁泰式雞湯 椰味好豐富飲落好易入口 本來仲糾結緊好冇叫冬陰功湯水夠多而且雞肉及菇既份量佔半個碗可惜豬手真係太大隻飲完湯食唔哂d 料菜/飯粉）蒜蓉炒雜菜炒得幾好蒜蓉又不會搶晒菜既清甜特飲）椰汁冰 / 龍眼冰 清甜又好飲 各有各好更唔係一味死甜整體嚟講真係好抵食👍份量偏多價錢平選擇又多款 仲要好食！當然唔少得靚女姐姐靈活變通 盡量滿足晒

近排會去黃埔，因為有部遊戲機，老公成日都會贏到獎品😆吖仔又鍾意玩碰碰車，加上星期六又冇乜人。Aeon泊車個入口，兜咗好耐都搵唔到😅消費滿一張單400可免費泊車3小時。大蝦柚子沙律: 呀仔唔食得辣，好在有得走辣。即係唔係整定架啦。走左辣係無甘惹味。但仲有柚子既清，酸酸甜甜。腰果又脆脆甘。蝦正常。泰式燒雞蝦片(半隻): 呢個等得最耐，因為係即叫即燒。雞外皮脆，但肉質比較鞋。都係安南好食啲。蝦片係炸過既。好味😋海鮮炒金邊粉:呢個好食！炒到條條金邊粉都有味！正！蒜蓉炒菜: 跟餐加錢要既。正常！芒果糯米飯: 68都係即叫即整。個斑蘭味好出，個糯米飯鹹鹹地，配椰汁超好味。ps 碰碰車都幾難控制😂轉到暈吖！

早前朋友都推介呢間泰國菜，今晚就試試啦！三人行就叫咗個二人餐，份量比較少，但係每一樣都好味好味！大頭蝦冬陰功湯好質素！個湯濃味creamy，湯份量太少，兩個人都唔夠分。雖然最少辣其實係中辣，對於唔食得辣嘅人來講就比較辣咗啲但係好味唔搶喉！脆蝦皮蛋都非常好食！無論係個蝦皮同埋裏面嘅皮蛋仲有伴碟嘅酸薑都係好好食！炒雜菜，不過不失份量都算幾好唯獨係炒雜菜比較大碟其餘就真係太少喇！青咖喱牛肉，青咖喱汁美味濃！都係果句牛肉份量太少！全晚最精彩出色就係蒜蓉包條，好香嘅炭香燒味，一碟有六條，仲有蜜糖嘅脆香味，配青咖喱汁食就真係Perfect！