海鮮島海鮮酒家

營業中

休息中

因要計劃布袋澳辦晚宴，今晚特登與同事來到海鮮島漁港試菜。我們只有仨人，只能點了下列菜餚:第一道上的菜是海鮮豆腐湯，奶白色湯底上浮現橙色的鮮蝦、翠綠的小白菜、雪白的魚肉及豆腐。味道尚可，不會有魚腥味，份量足夠六人分享。京都焗肉排，酸味適中，肉排鬆軟，是配飯的良伴。酥炸魷魚，剛上菜時，熱辣辣的，入口香脆可口，但放涼了一會後，外層脆醬變淋了，實有點可惜。蒜蓉粉絲蒸扇貝，淋上豉汁，味道鮮甜。扇貝雖然大隻，但好像有點蒸過了時間，以致扇貝肉有點韌及太黏殼，要花點力氣才可將肉取出。楊州炒飯，配上叉燒粒、切粒鮮蝦、生菜絲等配料，炒飯底尚算乾身，可惜蝦粒煮得太久，吃起來有點偏韌。最後是蒜蓉炒油麥菜，用上炒過的蒜蓉，令油麥菜份外有蒜香味。

一行二十人去左布袋澳食海鮮團年, 老闆發板要左個加強板游龍金絲海皇宴等人之際當然要叫番個沙薑雞腳, 唔知點解舊式海鮮菜館都有做沙薑雞腳, 而且一般都唔會叫人太失望海鮮餐有:墨魚剌身: 睇落好靘, 食落完全唔得, 冇味, 好似食緊wasabu 味既香口膠咁白灼生海蝦: 好甜好大隻蒜蓉蒸扇貝: 蒜蓉粉絲好味過隻扇貝上湯龍蝦伊麵 : 中式煮龍蝦一般都太熟, 有d實, 伊麵仲好味過佢鼓椒炒蟶子：蟶子唔係太大隻, 煮得啱啱熟, 好嫩, 爽甜彈牙避風塘炒蟹 : 一睇就知辣, 食得辣既朋友都唔係好得, 食剩晒魚翁蜆湯：奶白色既湯好鮮味, 不過好少蜆, 每人得3粒清蒸東星斑: 二十人分兩條中size既班, 比較容易控制火喉, 蒸得啱啱好椒鹽賴尿蝦：超細隻, 一隻分兩件都碎濕濕, 而且炸到又乾又硬, 唔係好掂霸王雞: 冇乜特別, 可以唔食最後係蒜蓉炒白菜, 腐乳通菜同楊洲炒飯, 反而個飯幾好食, 夠乾身可能套餐既質素係冇咁好, 不過自己帶左酒, 再不停加氣水都係三百蚊唔駛, 都算okP.S. 布袋澳馮過年都有好多年糕賣, 今年試左個紅豆糕, 可能d豆煮燶左, 食落有d煙薰味

有朋友組團去行山, 因利成便去布袋澳食海鮮 一入到村聞到好香蒸糕味, 原來係適逢那間出名用柴火蒸糕的鋪頭開爐, 當然唔可以錯過! 每人都買左幾底由於朋友是導遊佢同老闆都好熟, 所以一切都原佢發版, 我地一行10人等食 叫左豉椒炒蟶子十分野味可能師父炒得太開心, 好多碎殼不過問題唔大, 不減美味! 蝴蝶蚌, 第一次食呢種貝類, 用來白灼點豉油食, 好爽好鮮味! 豉汁蝦, 又爽又野味, 不過有小小過濕, 汁小一點更好! 椒鹽魷魚鬚剛上枱一條條脹卜卜好正, 炸槳脆, 魷魚鬚沒有過火仍然很爽!墨魚刺身刀功一流, 片片都薄到透光! 下次再來一定會再叫!蒜蓉蒸扇貝鮮味, 爽口, 但汁太小了, 粉絲不能滲滿扇貝汁, 仍有進步空間!紫菜海膽炒飯! 又係第一次食, 好鮮既海膽味, 而且紫菜無炒到一pat pat 好炒功!