海潮食堂

營業中

休息中

難得平日放假嚟到觀塘就帶埋媽咪嚟試下呢度嘅夾層多士我哋嗌咗蔥花蛋治同魔鬼多士蔥花蛋治烘底真係唔使多講一如既往地好食個炒蛋非常滑又夠多蔥加埋佢signature嘅夾層多士真係食過返尋味至於我心心念念嘅超邪惡魔鬼多士咁多年嘅質素依然都係世一老細仲嫌佢唔夠邪惡咁中間加咗鮮牛油加埋海量級嘅阿華田粉同煉奶每啖都非常滿足（但真係超級魔鬼😈😈）見隔籬枱個餃子好似幾好食就嗌多咗碟蒜蓉餃子勁多蒜蓉加埋佢嗰個幾香嘅辣椒油真係幾好食佢個餃子係自己包嘅韭菜餃成個配搭勁有媽媽屋企煮嘅風味😂下午茶餐就跟咗杯凍阿華田同咸檸西柚凍阿華田又係加咗超級多嘅阿華田粉😂超級正！！至於咸檸西柚係老細介紹咸檸加埋酸酸甜甜嘅西柚汽水估唔到原來咁夾值得試下！👍🏻👍🏻整體嚟講所有嘢都好有特色老闆又非常好傾隔離枱其實仲食緊個咖哩飯好似好好食下次要嚟試下食正餐先得👍🏻👍🏻👍🏻

🇭🇰海潮食堂·呢間我哋之前已經好幾次想食㗎啦 不過佢係比較早閂門嘅 而且禮拜日同公眾假期都唔開 所以我哋都摸左幾次門釘🫢之後超級好笑 因為佢呢度嘅menu係全部都貼晒上牆嘅 所以我哋就一路四圍望 之後侍應哥哥勁好笑就話幫我哋嗌 所以最後我哋呢度所有野都係佢推介既 好似食左個港式omakase咁 超搞笑🤣🤣🤣·蔥花蛋治$29 l 魔鬼薄多士$15佢呢度嘅三文治真係幾出色 佢個蔥花蛋治中間好多蔥花 所以食落勁香 而且佢個蛋都唔會話好老🍳之後佢個魔鬼薄多士其實就係佢地既魔鬼奶油多既迷你版 咁就一次過可以食曬兩款佢地出名既多士😍😌佢呢個係將麵包一分為二左 所以烘完之後超脆口 係好似食緊零食咁 都幾正 配埋佢上面海量嘅阿華田粉 煉奶同埋中間既牛油 成個combo好好食🤤·蒜蓉餃子$36 l 手撕雞五香肉丁撈通粉$56主食方面佢個蒜蓉餃子都幾有驚喜 佢粒餃子本身個餡調得唔錯 韭菜比例好多🥟不過更加驚喜係佢隔籬嗰個蒜蓉辣椒醬 佢呢個唔係好辣既 不過配埋上面啲炸左既辣椒籽同蒜蓉 好惹味🧄之後佢個手撕雞都做到好好食 佢個調味係好似鹽水雞咁樣既 而且雞肉超嫩 份量都好多 之後佢上面海量既蔥油都好正🤤🤤不過

呢間茶餐廳都比唔同人介紹過，星期六黎到觀塘決定試一試。大概12點半去到，唔使等位即刻入得。餐牌真係睇到眼花撩亂，因為真係好多選擇，有特別未係茶餐廳聽過既亦有好普通既常餐。同要留意翻每款餐有d跟野飲，有d唔跟，有d野飲就半價，落單前睇清楚啦。蔥花蛋治 ($27)蛋既熟度剛剛好，好滑唔會太老，蔥花都幾香，麵包有一層薄有一層厚，所以麵包面脆得黎又有麵包既軟熟。唯一一點就係可能師傅重手左，鹹左d。蒜蓉餃子 ($38)餃子皮偏大，或者個餡如果多d，咬落會飽滿d。我覺得呢個蒜蓉餃子既精髓係個辣椒蒜蓉醬，個醬好惹味。牛腩蝦條煎米粉 ($52)首先我覺得煎米粉有d乾，同上面既蠔油有d多餘，蝦條普通，反而另上既牛腩好食! 不過就牛筋多過牛腩，碗入面得一舊牛腩，其他都係牛筋同蘿蔔牛筋。但牛腩個汁同辣椒蒜蓉醬又係好match，可以一試。冰啡樂 (跟餐半價後$12)味道幾特別，估唔到苦同甜夾得咁好，可以一試。