M Kitchen (已結業)

琴日同fd去左荃灣行街，到晚上經開千色匯，見有間新開餐廳裝飾幾柔和，而且價錢又唔貴，所以入去試下。叫左一個餐同d小食兩人share，味道幾香口，芝士入味，而且座位又舒適，兩個坐左一段時間聊下天幾舒服...以晚餐來睇，價錢一d都唔貴，最重要係d野食味道唔錯，會有下次既雖然新開都近乎滿座，可能係假日啦，但整體上服務都幾快手，叫完野食，等左一陣左右就到啦，唔錯!

千色匯最近有間新餐廳，見今晚有時間就同同事去試下，因為早左少少到，所以唔洗點等位😊講下佢環境方面，位置我覺得都幾闊落，空間都好大，坐低都好舒服😌而食物方面，作為芝士迷既我，見到meau上有我最愛既芝士野食，毫不猶豫就嗌左個芝士魚柳飯然後小食就有瑞士汁雞翼同蒜香一口牛🥟野飲方面就叫左經理推介既水果百香茶。先講下主食，因為佢上枱就已經有芝士係面，估唔到佢仲有加熱熔芝士呢part，見到果下已經流哂口水，急不及待想即刻試下，食落口覺得啲芝士好香，個魚柳好脆，連埋飯一齊食成件事好夾。小食：瑞士汁雞翼 - 遜色左少少，因為我中意多啲汁，佢個汁唔係幾夠，不過肉質幾好，煮得夠腍，啲肉一咬就開。蒜香一口牛 - 可能我本身食得濃味，我同事覺得個牛咸左啲，但係我覺得都ok，我仲食埋啲洋蔥絲同蒜香片添飲品：水果百香茶 - 因爲見到佢meau上有好多特色飲品，有選擇困難既我都㨂唔落手，就問下經理推薦邊隻好飲，就叫左呢隻水果茶，果然冇令我失望，飲落好fresh，甜度都岩岩好，如果黎到極力推薦要試下呢個百香水果茶整體黎講，作為一間新餐廳我覺得唔錯，服務都幾好，下次會黎試埋佢個lunch

聖誕節和老婆大人收工後在荃灣逛逛,行經千色匯1期發現有新餐廳開幕,裝修環境清新舒適,所以進內試試。餐廳有好多款式,主打菜式有熱熔芝士,蕃茄湯飯,鰻魚飯,石燒扒餐。由於我是牛魔王,所以order了一款重量級西冷牛扒,蒜香一口牛。西冷牛扒真的是重量級size,賣$118的花園餐廳價錢有這質素絕對超值。而蒜香一口牛份量同樣巨大,抵食。整體用餐經驗良好,食物質素ok,環境靚,聖誕節用餐又沒有限時交枱,幾好。