岩川

營業中

休息中

疫情下外賣變成大家既日常🍱好食既堂食同好食既外賣又真係好唔同，勞蘇食就轉轉個外賣mode做個[ #疫流外賣點評 ]，疫市之中搵下生活快樂點子🤓岩川，日本野外賣店，位於西營盤，壽司、刺身、丼飯、定食都有🇯🇵可以WhatsApp定落單，去到拎既時亦有一啲凍食、壽司盤可以選購😌外賣自取啱晒蒜香三文魚炒飯，配麵豉湯，超大份超多三文魚，一打開已經好香，蒜味之餘仲有和風味，木魚片有幫到手🤪珍珠米粒粒都香口濃味，有三文魚既海鮮味配埋日式味道相當唔錯，我覺得真係幾好味😎三文魚多到爆，切碎左炒連飯食正，依個價錢黎講性價比真係超班✨麵豉湯都唔hea，有蜆肉係入面👍🏻👍🏻雜錦壽司，加州卷、蟹籽軍艦、左口魚正常，味道ok，三文魚壽司雖然唔係大舊，但都幾肥美😙自家製玉子壽司，唔太甜，味道特別，幾啱食😋帆立貝相當鮮甜，豐富嘅壽司盤🍣整體食物質素都好唔錯，炒飯買到食都差25-30分鐘但都仲好熱，計埋價錢就真係無得輸☺️相當好既日式外賣選擇🍱

餐廳提供多元化選擇，有壽司、丼飯、日式料理等等一入門口就已經見到唔同嘅壽司拼盤，客人亦可以按自己喜好單點雞肉軟骨棒(2條) • HKD$35食落啖啖肉，而且加咗軟骨所以口感豐富😋平時出去居酒屋食，呢個價錢淨係夠食一條，呢間真係好抵！日式大阪燒 • HKD$48餐廳好貼心咁樣將大阪燒切做一件件，所以食嘅時候好方便～🥰味道方面正常，幾鍾意佢加咗魷魚粒，增加左咬口蒜香三文魚炒飯 • HKD$58炒飯粒粒分明，食落幾香口，而且啖啖都有三文魚肉🤪雜錦壽司拼盤 • HKD$78帶子鮮甜，而且三文魚都幾厚切～值得一提嘅係壽司飯調味得啱啱好👍🏽海鮮味噌湯 • 跟餐送入面有幾隻蜆，洗得好乾淨，冇沙👍🏽小店除咗有賣食物之外，仲有賣日式調味料

西營盤地鐵站對出開咗間新嘅外賣壽司店🍣 除咗有刺身丼、丼飯、手卷、刺身、沙律仲有多款日本特色小食任君選擇🍡 好適合上班族過嚟拎返公司/屋企慢慢嘆☺️🍣 壽司類三文魚腩厚切肥美🐟 花之戀賣相精緻，加入大量嘅沙律醬同魚子超級邪惡😍 赤蝦新鮮爽口🦐 甜甜地嘅玉子配上牛油果🥑 神奇啲地夾！香蔥吞拿魚軍艦入口即溶，油花滿滿的☺️ 整體壽司份量適中，性價比都幾高～ 🥘 蒜香三文魚炒飯超有驚喜！三文魚份量好多，香氣十足，仲食到滿滿嘅魚香味😍 炒飯粒粒分明，軟硬度適中，好滿足呀～ 🥠 日式大阪燒既叫既整熱辣辣，外皮煎至香脆，內裡綿滑，加入大量醬汁同柴魚片後口感更加豐富，但食落去完全唔口乾，值得一讚👍🏻