金樂軒雞煲魚鍋

營業中

休息中

有北角返工既朋友介紹咗呢間雞煲俾我，今次終於同到朋友一齊去試喇。呢間舖頭係城市花園再前小小既一條食街度，平日八點半左右入到去，都算幾多人係入面食嘢，相信都好深得街坊歡心。見到餐廳係主力做雞煲魚鍋，而同時又有好多小菜食，好多都好吸引，我地幾個就決定全部都叫小小嚟試下。點完餸，飲品好快就上咗，我地叫咗個大渣既竹蔗茅根($65)，因為落嘢飲既時候伙記都有推薦，而且係自家製，飲落去好鮮甜。之後其他嘢食都慢慢上，佢呢度主力雞煲同魚鍋，我地就決定兩個都叫個細份既試下。老重慶奇味雞煲($168)，我地叫咗小辣，好彩都真係唔算太辣，大家都食到，啲雞肉好入雞煲味，而且都啖啖肉。最鍾意呢煲-酸菜桂花魚鍋(小) ($188)，啲魚肉好大一塊，入面份量都好多，剩飲湯都ok，小小酸辣味，又有啲似胡椒味。火鍋料既話就叫咗唔係太多，因為都想食多啲熟食。特級安格斯肥牛($188)，啲牛肉好新鮮，一啲都唔「鞋」，一食就知係靚嘢炸魚皮($40)，脆卜卜，又好大份，浸落去真係三秒就啱啱好。到小菜，因為我係薯仔fans，所以點都想試下個辣炒土豆絲($65)，不過嚟到就發現太辣唔太食到哈哈，不過我地有一份鍾食辣既朋友就食晒成碟

與舊同事飯聚，相約在舊公司附近的餐廳。一行四人在滂沱大雨中找到了這間雞煲店。甫坐下馬上點了竹蔗茅根，實在太口渴了。老闆娘很有心，她說竹蔗茅根是自家製的，很健康，不會很甜。果然是家的味道，特別適合不嗜甜的我。食品種類繁多，老闆娘提議我們點一個小雞煲和魚煲，都是這裏的招牌菜。另外點了安格斯肥牛和炸魚皮作火鍋配料。熟食方面，就點了煎墨魚餅、椒鹽豬手、炒土豆絲和炒豬潤。最先登場的是椒鹽豬手。炸蒜灑在香脆的豬手上，咬下去發出「索索」聲，特別有咬勁。豬手皮一向都是女士的補品，女同事們吃得津津有味，把滿滿的骨膠原吃進去。主角上場，酸菜桂花魚鍋。沒想到魚肉可以這樣嫩滑，每一塊魚肉都是完整結實的，不會因為一直在煮而散開。重點是一點骨都沒有，實在太適合我這種不懂吃魚的人類。而酸茶熬製而成的湯底亦十分惹味，少許的酸味，零舍開胃，可以邊吃魚邊喝湯。辣炒土豆絲，男友人特別嗜辣，所以這道菜是為他而點的。我們點的是小辣，土豆絲非常爽脆，很清新，好吃。另一主角重慶雞煲上場。雞肉很滑身，不會很乾，而且調味剛好，不會過咸。安格斯肥牛是雞煲的好友。牛味非常重，第一口已經驚豔全桌人，紋路分明，肉質上盛，煮久了也不會老，仍然入

約左好耐既朋友終於得閒啦，不過得6-9pm得閒囉，所以近近地去佢屋企附近食dinner。佢介紹左一間食雞煲既餐廳，話小菜同雞煲都唔錯，可以一試。我地六點幾到，好彩唔洗排隊，見到門外有幾張凳，應該夜啲就會好多人。店舖雖然唔係好大，但有好多食物選擇，小菜同打邊爐都有。我見到水煮魚好想食，不過朋友唔食魚架，所以唯有下次約第二個去！我地叫左一個雞煲同椒鹽豬手。個雞煲有超多我至愛既芫荽，好香呀！同雞仲好夾好好味添。豆腐卜同冬菇都好入味，餸白飯一流。不過越食越辣，越食越鹹，最後食唔晒豆卜⋯蒜香椒鹽豬手好有驚喜，豬手外脆內軟，蒜香味濃，加上佢一啲都唔油膩，食多幾件都得。椒鹽同豬手既配搭真係好新鮮，在其他餐廳好少見。我見隔離枱有人打邊爐，牛肉好似好好食，我下次都要試下先。

今晚放工很夜，索性同老婆去北角呢間雞煲試吓。呢間鋪頭雖然裝修簡陋，但食物很有質素，老闆娘同老闆都很好客，主動介紹佢哋嘅撚手菜。同老闆娘傾過計， 佢哋本身間鋪喺柴灣，但依家雖然搬咗嚟北角，但柴灣嘅居民都會過嚟食，咁就知道呢間野有好多回頭客，嘢食一定有質素。老闆係上海人，但佢去咗四川學四川菜，跟住返嚟開雞煲。我哋叫咗個老重慶麻辣雞煲、酸菜桂花魚鍋、咸肉炒蒜心、鮮味香煎墨魚餅、蒜香椒鹽豬手。♨️老重慶麻辣雞🐤煲：叫咗個小辣，但已經都很惹味，雞件很滑，內裡有豆腐卜，索晒啲麻辣味，很正，👍🏼推介！♨️酸茶桂花魚🐟鍋：酸茶加桂花魚，絕配！我好鍾意呢個配搭。桂花魚很滑，食個不停！👍🏼推介！🥇蒜香椒鹽豬手：炸到外脆內軟，咬落去，脆卜卜，跟住咬到裡面豬手肉，很軟，👍🏼推介！🦑鮮味香蒜墨魚餅：很大份，有水準！🎋咸肉炒蒜心：送啤酒一流，蒜心很爽，加上咸肉既味道，配搭很好！👍🏼推介！總結：呢間位於北角既忍世雞煲，價錢合理，坐得舒服，服務又好！值得再去！

如果於柴灣居住而喜歡雞煲及魚煲的朋友，應該會對金樂軒這詞有一定程度的認識，最主要都是他們對每位客人的人情味，對街坊如朋友般的款待，以及惹味而高質素的食物。 自從柴灣店轉手後，他們就轉至北角和富街繼續經營，接近1年未再光顧下，就趁今晚的機會去探訪他們吧﹗(雖然北角店的店內面積已經大得多，但由於人流都較多關係，奉勸大家還是先訂枱好了。 )今晚的光顧還是先嘗試自己最喜歡的胡椒豬肚雞煲(大)，皆因大家平時食開胡椒豬肚下，加入雞件去煲起來後，雞件的味道多了一重胡椒的辣味，令吃起來的時候很香及易入口。 當然豬肚可能已經預先煲起關係，吃起來已經感覺到吸收了不少胡椒的精華。於金樂軒吃飯的特色，就是店員會因應客人吃飯的組合﹑人數﹑比例﹑身型等而向你介紹應食的組合 (火鍋/小菜)，但就算你因為價錢等等的問題而拒絕，她們都不會黑面的，放心。故此，我們就同時點了蒜香椒鹽豬手及蒜蓉粉絲蒸聖子作為豬肚煲的前菜吧﹗上碟後就已經覺得大隻的聖子很抵食，而鋪在上面的蒜蓉及粉絲可能因為有預先煮過而比正常軟身，吃起來很香及惹味，而同時又不會蓋過聖子的鮮味。蒜香椒鹽豬手方面，炸蒜的份量非常多，令你幾乎可以一啖炸蒜一啖豬手的享受

成日聽人講雞煲要冬天去食先有風味，但我有班雞煲友次次約出離都要食盡香港雞煲，所以九月既我地又食雞煲了今次哩間係北角，一入去已經好大陣雞煲味香到陣 係享受主菜之前我地因為怕唔夠食，結果試左哩道菜豬手用料好充足，唔單只離左大概都有十件熱辣辣既豬手，肉質鮮嫩又唔韌，size好容易咬，而且調味好好，本來已經有椒鹽味，加上炸蒜蓉好野味，超級好評唔揀錯然後就到重頭戲啦雞煲調味調得真系好強烈，未攪拌已經可以一直聞到強烈既香料味道，用料亦都好充足，雞都一樣好嫩易咬，而且辣味十足，特別可能因為有少少重慶酸辣粉既味道，食開辣既我地都覺得辣得好有水準留曬鼻水，但的確系值得一贊的美食整體黎講，我地三個人既晚餐的確好滿足，唔單只滿足左我地既雞煲癮，亦都嘗試到好好既新菜式

雀友新居入伙，相約知己週四晚收工後上去打番十六圈 ，晚飯就喺佢家樓下一間好多街坊都幫襯o既「金樂軒雞煲魚鍋」度搞掂。一行四人六點未到已入座店子中央o既圓枱，因埋牆三張卡位一早已被客人預訂，其中一張o既食客比我地更早到添，之後先發覺原來佢地大多都係區內o既街坊熟客。飯後有牌局，晚餐當然係速戰速決啦，我地就一人點咗一味餸，再加藍妹大啤兩枝！ 蒜香椒鹽豬手（$128）：熱辣辣o既椒鹽豬手炸得好夠乾身、香脆、軟腍，金黃色o既蔥蒜香口又惹味，好有水準。 鮮味香煎墨魚餅（$128）：墨魚餅爽脆彈牙，淨食真係幾鮮，不過點埋個甜酸醬就醒神得多 。 四川辣子雞（$128）：辣子雞丁熱辣辣、香噴噴，好夠鑊氣，加上細細粒容易食，每粒同樣香辣脆口，又唔係麻辣嗰種，小肥都好啱食。 酸菜桂花魚煲（$188/條）：樓面姐姐極力推介，話佢地o既桂花魚煲又正又抵食，仲包食過返尋味，大家見$188有成條魚喎，所以就應承佢試一試 。桂花魚煲真係原條魚上，一邊食個爐仲要一邊滾住煲湯，四人都爭住要讚。白雪雪o既魚肉鮮甜嫩滑，一邊滾都唔會話變老，就連一向唔多食魚o既XO仔都食完一件又一件，當真美味非常，難怪枱