Coffee Art

營業中

休息中

Lunch time 成個觀塘都係人 仲要天時暑熱 究竟邊到先可以一次過滿足哂我咁多個願望呢？我想成西餐🍝我想飲杯似樣啲嘅咖啡☕️我想坐得舒服啲可以傾吓計👩🏻‍🤝‍👩🏽我想有服務 食完唔會趕你走💛有！ 俾我搵到啦😍coffee art💛🈵🎗先去到cashier買咗野先 諗唔到飲咩咖啡，佢地真係好好 會問你鐘意飲咩類型 再recommend suggest俾你野食方面，lunch time 有set，一個pasta，加杯coffee，仲有 #芝麻醬雜菜沙律 或者 #綠茶多士#溫泉蛋煙肉白菌忌廉汁意大利粉 好creamy 份量好滿足 溫泉蛋真係有流心效果 煙肉同菇都唔少😍#蒜香蜆肉意大利粉 蜆肉唔少架😋味道夠哂惹味由於太熱嘅關係 我地都叫凍飲 #icedamericano #icedhazeluntlatte 食完 再慢慢 嘆咖啡☕️ 放心 🥰真係好好 唔會催你走 令我地可以enjoy 咗個long lunch 1300 入座 傾到成三點先走😅

今日黎到觀塘東廣場搵嘢食，呢度有好多價錢實惠而又好味嘅小型食店，Coffee Art就係心水之選。環境上面，用左型格工業風裝修，座位闊落，坐得幾舒服。雖然夜晚收工去食，不過都唔使等位。食物方面就叫左個Dinner set，前菜可以揀綠茶多士或沙律，今次想揀左沙律，酸酸地嘅芝麻醬開開胃先。跟住就輪到主角出場，就係蒜香蜆肉意大利粉，意大利粉軟硬度剛好，每條都沾上蒜香，蜆肉亦保持到鮮味同Juicy，值得一食！另外再order左小食- 香草忌廉智利藍青口，一上檯已經聞到好香忌廉牛油味，食落青口嘅鮮味同奶油香味爆發出黎，十分滋味！最後仲叫左個鐵板焦糖香蕉雪糕班尼，呢個甜品真係整得十分出色，Brownie用鐵板熱住，凍冰冰嘅雪糕就慢慢因為Brownie嘅熱力溶化，雪糕連埋Brownie一齊食，口腔充滿住冰火嘅口感。而且仲有得淋朱古力醬落雪糕Brownie上，朱古力濃度Double，朱古力控一定好愛食。朱古力同香蕉有幾夾就不用多說，成個甜品令到呢餐大滿足！ 

上次飲過依間小店嘅 Espresso，攪到自己上咗咖啡癮咁，周圍飲Espresso！但飲過好多間，都飲唔返個種苦中帶澀味嘅味道！今次再過觀塘做嘢，咁啱又差唔多 Lunch 時間，緊係要再嚟品嚐一吓啦！今次叫左A餐《蒜香蜆肉意大利粉》跟《綠茶醬多士》，再配杯《Espresso》！依個《蒜香蜆肉意大利粉》賣相唔算特別，而且用紙兜送上，其實都幾唔環保！《綠茶醬多士》真喺少見，難接受咁樣！不過即既然叫咗，點都要食咗佢！《蒜香蜆肉意大利粉》嘅蒜味唔算好特出，唔夠濃烈，但清淡健康！個人麻甩佬意見，如果個醬汁多少少，個意大利粉應該更吸引！《綠茶醬多士》真喺未食過！其實一送上枱，心諗綠色喺乜鬼！但食落真喺好好食！有種濃郁嘅綠茶味，脆口又香身！如果鍾意飲綠茶嘅朋友真喺不妨嚟吓！依杯《Espresso》依然有種獨有嘅苦澀味，層次感強烈！識飲《Espresso》真喺要試吓！60蚊左右食個Lunch，飲到杯咁特別嘅《Espresso》！超值！